درج فہرست ذاتوں کے قومی کمیشن (این سی ایس سی) نے ریاست پنجاب کے ضلع سنگرور کے رہائشی گلزار سنگھ کی موت کے سلسلے میں حکومت پنجاب کو نوٹس جاری کیا ہے ۔

کمیشن کو موصولہ شکایت کے مطابق گلزار سنگھ نے پنجاب کے وزیر خزانہ کے سامنے ریاست میں منشیات کے مسئلے پر سوالات اٹھائے تھے ۔ اپنی موت سے قبل سوشل میڈیا پر گردش کرنے والی ایک ویڈیو میں ، اس نے مبینہ طور پر دعوی کیا کہ اس نے وزیر کے خوف سے زہر کھایا تھا اور گاؤں کی پنچایت کے کچھ اراکین کے خلاف سنگین الزامات بھی لگائے تھے ۔

ہندوستان کے آئین کے آرٹیکل 338 کے تحت کمیشن کو دیئے گئے اختیارات کا استعمال کرتے ہوئے ، کمیشن نے معاملے کی تحقیقات کا حکم دیا ۔ چیف سکریٹری اور ڈائریکٹر جنرل آف پولیس ، حکومت پنجاب کو نوٹس جاری کیے گئے ہیں ، جس میں انہیں ہدایت دی گئی ہے کہ وہ نوٹس موصول ہونے کے پانچ دن کے اندر کیس کے حقائق اور الزامات کے حوالے سے کی گئی کارروائی کی رپورٹ پیش کریں ۔

کمیشن نے سابق ایم ایل اے اور ریاستی صدر ، بی جے پی ایس سی مورچہ ، پنجاب ، شری شیتل انگورال کی شکایت پر کارروائی شروع کی ۔

این سی ایس سی کے چیئرمین جناب کشور مکوانا نے اس معاملے کو انتہائی سنگین اور حساس واقعہ قرار دیا ۔ انہوں نے کہا کہ موت سے پہلے ریکارڈ کی گئی ویڈیو میں ایک وزیر اور گاؤں پنچایت کے کچھ اراکین کے خلاف نام سے لگائے گئے الزامات غیر جانبدارانہ ، آزادانہ اور اعلی سطحی تحقیقات کی ضمانت دیتے ہیں ۔

جناب مکوانہ نے کہا کہ حکومت پنجاب سے تفصیلی رپورٹ طلب کی گئی ہے ۔ انہوں نے یہ بھی اعلان کیا کہ وہ معاملے کی جانچ پڑتال اور الزامات کی صداقت کا پتہ لگانے کے لیے 10 ستمبر 2026 کو سنگرور کا دورہ کریں گے ۔

انہوں نے مزید کہا کہ کمیشن متوفی کے خاندان کے لیے انصاف کو یقینی بنانے اور درج فہرست ذاتوں کے اراکین کے آئینی حقوق کے تحفظ کے لیے پرعزم ہے ۔

۔۔۔۔۔

ش ح۔ ا س۔ ت ح ۔ 

U3177–

(ریلیز آئی ڈی: 2308061) وزیٹر کاؤنٹر : 8