حکومت ہند کے تحت  محکمۂ کھاد میں سوچھتا پکھواڑہ 2026 کا آغاز کیمیکل اور کھادوں کے مرکزی وزیر جناب جے پی نڈا کے پیغام کے ساتھ ہوا۔ اپنے پیغام میں مرکزی وزیر نے سوچھتا پکھواڑہ کو صاف ستھرا، سرسبز اور پائیدار بھارت کی تعمیر کی سمت ایک اہم ملک گیر مہم قرار دیا۔

مرکزی وزیر نے اپنے پیغام میں کہا، ’’سوچھتا پکھواڑہ ایک ملک گیر مہم ہے جو صاف ستھرے، سرسبز اور پائیدار بھارت کے ہمارے وژن کی عکاسی کرتی ہے اور سوچھ بھارت کے مقاصد کے عین مطابق صاف اور صحت مند کام کی جگہوں اور آس پاس کے ماحول کو اسی طرح برقرار رکھنے کے لیے ہمارے اجتماعی عزم کو مزید مضبوط کرتی ہے۔‘‘
 

انہوں نے تمام افسران اور ملازمین سے اپیل کی کہ وہ صفائی کی اس مہم میں فعال طور پر حصہ لیں اور اسے کامیاب اور بامقصد بنانے میں اپنا تعاون پیش کریں۔ انہوں نے سوچھتا پکھواڑہ 2026 کے کامیاب انعقاد کے لیے اپنی نیک خواہشات بھی پیش کیں۔

مرکزی وزیر کے پیغام کے بعد محکمۂ کھاد کے افسران اور ملازمین نے بھارت سرکار کے محکمۂ کھاد کے سکریٹری جناب رجت کمار مشرا کی قیادت میں سوچھتا کا عہد لیا۔

 

اس موقع پر سکریٹری نے تمام افسران اور ملازمین سے صفائی کی اس مہم میں فعال تعاون کرنے کی اپیل کی۔ انہوں نے کہا کہ صفائی محض ایک مہم نہیں بلکہ ایک اخلاقی ذمہ داری ہے اور اسے برقرار رکھنا ہر فرد کی ذمہ داری ہے۔ انہوں نے سبھی سے اپیل کی کہ وہ اپنی کام کی جگہ اور آس پاس کے ماحول کو صاف ستھرا رکھیں اور صفائی کو اپنے روزمرہ کے دفتری طور طریقوں کا لازمی حصہ بنائیں۔

محکمہ کے افسران اور ملازمین نے سوچھتا کے عہد کی تقریب میں پُرجوش انداز میں شرکت کی اور صفائی ستھرائی کے تئیں اپنی ذمہ داریاں خلوص اور لگن کے ساتھ ادا کرنے کا عزم کیا۔ انہوں نے صاف ستھرے اور صحت مند دفتری ماحول کے قیام، صفائی کے بارے میں بیداری پیدا کرنے اور اپنی کام کی جگہوں کو صاف ستھرا اور منظم رکھنے کے عزم کا بھی اظہار کیا۔

محکمۂ کھاد یکم سے 15 ستمبر 2026 تک سوچھتا پکھواڑہ 2026 منا رہا ہے۔ اس پکھواڑے کے دوران صفائی ستھرائی، ماحول کے تحفظ، ڈیجیٹل صفائی اور صاف ستھری دفتری ثقافت کو فروغ دینے کے لیے مختلف سرگرمیوں کا انعقاد کیا جا رہا ہے۔

स्वच्छ, हरित, पेपरलेस और डिजिटल रूप से सशक्त कार्य-परिवेश का निर्माण हमारा संकल्प है.

'स्वच्छता पखवाड़ा 2026' की शुरुआत करते हुए आज श्री रजत कुमार मिश्रा, सचिव उर्वरक विभाग ने विभाग के अधिकारियों और कर्मचारियों को स्वच्छता की शपथ दिलाई#SwachhBharat pic.twitter.com/DlYtWbcDjE

— Department of Fertilizers (@BharatUrvarak) September 1, 2026

********

ش ح۔ ع ح  ۔رض

U-215

(ریلیز آئی ڈی: 2305808) وزیٹر کاؤنٹر : 5