سماجی انصاف اور تفویض اختیارات کی وزارت کے تحت سماجی انصاف اور تفویض اختیارات کے محکمے (ڈی او ایس جے ای) نے آج قومی دارالحکومت میں رام کرشن مشن میں رام کرشن مٹھ اور رام کرشن مشن (آر کے ایم) کے ساتھ ایک مفاہمت نامے پر دستخط کیے۔

مفاہمت نامے پر دستخط کرنے کا مقصد ’نسل در نسل تعلقات کی تخلیق‘ کو نافذ کرنا ہے ، جو ایک ملک گیر پہل ہے جس کا مقصد اسکول کے نظام کے ذریعے بچوں، والدین اور دادا دادی کے درمیان جذباتی اور ثقافتی تعلق کو مضبوط کرنا ہے۔

اس مفاہمت نامہ  پر دستخط مرکزی وزیر برائے سماجی انصاف و تفویض اختیارات ڈاکٹر وریندر کمار، وزیر مملکت برائے سماجی انصاف و تفویضِ اختیارات جناب بی ایل ورما، محکمۂ سماجی انصاف و تفویضِ اختیارات کے جوائنٹ سکریٹری جناب سجیش کمار این اور محکمۂ سماجی انصاف و تفویض اختیارات کی ڈائریکٹر محترمہ کاجل سنگھ اور رام کرشن مشن کے سکریٹری سوامی سروَلوکانند کی موجودگی میں کیے گئے۔ اس موقع پر دونوں اداروں کے اعلیٰ عہدیداران بھی موجود تھے۔

مفاہمت نامے پر دستخط بزرگوں کے احترام اور ہر نسل کے لیے جامع ترقی کے لیے حکومت کے عزم کی تصدیق کرتے ہیں ، جو وزیر اعظم نریندر مودی کے اس وژن کی عکاسی کرتا ہے کہ 'سب کا ساتھ ، سب کا وکاس' تب ہی مکمل ہوتا ہے جب ہر نسل ایک ساتھ آگے بڑھتی ہے۔

تقریب  سے خطاب کرتے ہوئے ڈاکٹر وریندر کمار نے کہا کہ خاندان ہمارے معاشرے کی بنیاد ہیں اور رام کرشن مشن کے ساتھ اس تعاون سے ہمارے بچوں ، والدین اور دادا دادی کو یکجہتی کی قدر کو دوبارہ دریافت کرنے میں مدد ملے گی ۔  انہوں نے مزید کہا کہ ملک کو آگے بڑھنے کے لیے ہر نسل کو مل کر چلنا چاہیے ، جو کہ ’سب کا ساتھ ، سب کا وکاس‘ کا حقیقی جذبہ ہے۔

وزیرِ مملکت برائے سماجی انصاف و تفویضِ اختیارات جناب بی۔ ایل۔ ورما نے کہا کہ وزیرِ اعظم جناب نریندر مودی کی دوراندیش قیادت میں ہماری حکومت ملک بھر میں خاندانی رشتوں کو مضبوط بنانے کے لیے پُرعزم ہے۔ انہوں نے کہا کہ رام کرشن مشن کے ساتھ مفاہمت نامہ  پر دستخط سے ایک ایسا قابل تقلید نمونہ تشکیل دینے میں مدد ملے گی، جو ہمارے اسکولوں کے ذریعے تین نسلوں کو ایک دوسرے کے قریب لائے گا۔

آر کے ایم کے سکریٹری سوامی سرولوکانند نے کہا کہ رام کرشن مشن تعلیم اور کردار سازی کے ذریعے خدمت میں یقین رکھتا ہے ۔ انہوں نے مزید کہا کہ مشن کو سماجی انصاف اور تفویض اختیارات کے محکمے کے ساتھ شراکت کرنے پر خوشی ہے تاکہ خاندانوں کو اپنے بزرگوں کی دانشمندی کو دوبارہ دریافت کرنے اور مشترکہ اقدار کو اگلی نسل تک پہنچانے میں مدد ملے۔

اپنے افتتاحی کلمات میں ، جوائنٹ سکریٹری ، ڈی او ایس جے ای ، جناب سجیش کمار این نے اس پہل کے لیے محکمہ کے وژن کا خاکہ پیش کیا اور رام کرشن مشن کے ساتھ تعاون کو خاندانی  روابط  کے پائیدار ، اسکول پر مبنی ماڈل کی تعمیر کی طرف ایک قدم کے طور پر خوش آمدید کہا۔

اظہارِ تشکر کے موقع پر رام کرشن مشن کے ایک عہدیدار نے وزارت کی جانب سے فراہم کردہ تعاون پر اظہارِ تشکر کیا اور تقریب میں شرکت کرکے اسے رونق بخشنے والے تمام معززین کا شکریہ ادا کیا۔

یہ مفاہمت نامہ ملک کے چار خطوں میں 50 نمائندہ اسکولوں کا احاطہ کرتے ہوئے معیاری مطالعات کے ذریعے جدید دور کے خاندانوں کو درپیش نسل در نسل چیلنجوں پر تحقیق فراہم کرتا ہے ۔  اس میں اسکولوں میں استعمال کے لیے 20 شواہد پر مبنی کو لرننگ گیمز کا ڈیزائن ، پائلٹ ٹیسٹنگ اور حتمی شکل دینا بھی شامل ہے۔

سیشن کے انعقاد میں اساتذہ کی مدد کے لیے ایک دو لسانی انگریزی-ہندی ریسورس سینٹر کی ویب سائٹ تیار کی جائے گی۔  اس پہل میں اساتذہ کے لیے سرٹیفکیشن کی تربیت اور ملک بھر کے 200 پائلٹ اسکولوں میں کو لرننگ گیم سیشنز کا آغاز بھی شامل ہوگا۔

ایک آزاد تشخیصی مطالعہ اس پہل کے نتائج کا جائزہ لے گا اور ملک بھر میں اس کے مستقبل کے پیمانے سے آگاہ کرے گا۔

یہ پہل وزارت کے موجودہ بزرگ شہریوں کی فلاح و بہبود کے ماحولیاتی نظام پر مبنی ہے ، جس میں اٹل ویو ابھیودے یوجنا (اے وی وائی اے وائی) بھی شامل ہے ۔  یہ بزرگوں کو حکمت اور اقدار کو منتقل کرنے ، والدین کو روایت اور جدیدیت  کے درمیان خلا کو پر کرنے  ، اور بچوں کو جذباتی طور پر محفوظ محسوس کرتے ہوئے ثقافت میں جڑیں رکھنے کے قابل بنانے کے لیے ڈیزائن کیا گیا ہے۔

رام کرشن مٹھ اور رام کرشن مشن، ایک ایسا ادارہ جو سری رام کرشن پرم ہنس اور سوامی وویکانند کی تعلیمات سے متاثر ہے اور جسے تعلیم، صحت، ثقافت اور انسان دوست کاموں میں ایک صدی سے زیادہ کی خدمات کی حمایت حاصل ہے، اس پہل کے نفاذ کے شراکت دار کے طور پر کام کرے گا۔ایک   نالج ڈیولپمنٹ پارٹنر تحقیق ، ڈیزائن اور تشخیص کے اجزاء  کے لیئے مددفراہم کرے گا ۔

 

******

ش ح۔ ف ا۔ م ر

U-NO. 2898

(ریلیز آئی ڈی: 2305719) وزیٹر کاؤنٹر : 7