ڈی پی آئی آئی ٹی کے اسٹارٹ اپ انڈیا پورٹل کے مطابق، بھارت میں تقریباً 440 خلائی ٹیکنالوجی اسٹارٹ اپ رجسٹرڈ ہیں۔ انڈین نیشنل اسپیس پروموشن اینڈ آتھرائزیشن سینٹر (اِن اسپیس) نے مختلف خلائی سرگرمیاں انجام دینے کے لیے 52 غیر سرکاری اداروں (این جی ایز) کو 113 اجازت نامے جاری کیے ہیں، جن میں 18 اسٹارٹ اپ شامل ہیں۔ ان کی تفصیلات ضمیمہ اوّل میں منسلک ہیں۔

انڈین نیشنل اسپیس پروموشن اینڈ آتھرائزیشن سینٹر (اِن اسپیس) کے ذریعے خلائی شعبے کے اسٹارٹ اپس کو فراہم کی جانے والی مالی، تکنیکی اور انکیوبیشن معاونت کی تفصیلات ضمیمہ دوم میں منسلک ہیں۔

مزید برآں، این ایس آئی ایل، اِن اسپیس کے ساتھ مل کر، اِسرو اور محکمۂ خلائی امور کے ذریعے تیار کی گئی مختلف ٹیکنالوجیز کی منتقلی کا عمل انجام دے رہا ہے۔ اب تک این ایس آئی ایل نے اِسرو اور محکمۂ خلائی امور میں تیار کی گئی 83 ٹیکنالوجیز کو بھارتی صنعتوں کو منتقل کرنے کے لیے ٹیکنالوجی منتقلی کے  118 معاہدوں پر دستخط کیے ہیں۔

ان ٹیکنالوجیز میں اسپیس ٹیکنالوجی کے اہم شعبوں سے متعلق ٹیکنالوجیز شامل ہیں، جیسے چھوٹے سیٹلائٹ لانچ وہیکل (ایس ایس ایل وی) ٹیکنالوجی، انڈین منی سیٹلائٹ-1 (آئی ایم ایس-1) بس، اِسرو لیزر گائرو (آئی ایل جی)، ٹرائی بینڈ (ایس، ایکس، کے اے) اینٹینا فیڈ، سیرامک سرو ایکسیلرومیٹر (سی ایس اے)، ایکس بینڈ منی-ایس اے آر اور لو ٹمپریچر کو-فائرڈ سیرامک (ایل ٹی سی سی) ملٹی چِپ ماڈیول ٹیکنالوجی۔

این ایس آئی ایل نے خلائی شعبے میں کام کرنے والے متعدد بھارتی اسٹارٹ اپس کو مختلف ٹیکنالوجیز منتقل کی ہیں اور ٹیکنالوجی کو کامیابی کے ساتھ اپنانے اور اسے تجارتی بنیادوں پر استعمال کرنے میں ان کی مسلسل رہنمائی اور معاونت بھی کی ہے۔ اس کے علاوہ، این ایس آئی ایل مختلف بھارتی صنعتوں اور سرکاری شعبے کی کمپنیوں کو ان کی تیار کردہ ٹیکنالوجی یا مصنوعات کی توثیق کے لیے اِسرو کی تکنیکی سہولیات کے استعمال میں بھی معاونت فراہم کرتا ہے۔

خلائی شعبے کو آزاد بنانے کے بعد حکومت نے اسٹارٹ اپس کی شرکت کو فروغ دینے کے لیے متعدد فعال اقدامات کیے ہیں، جن کا مقصد سیٹلائٹ سازی، لانچ خدمات، خلائی شعبے سے وابستہ بعد ازاں استعمال کی ایپلی کیشنز اور خلائی ٹیکنالوجیز میں اسٹارٹ اپس کی شمولیت کو بڑھانا ہے۔

1. بھارتی خلائی پالیسی 2023 کا اعلان کیا گیا، جس میں بھارتی خلائی ماحولیاتی نظام کے تمام شراکت داروں کے کردار اور ذمہ داریوں کا تعین کیا گیا ہے۔
2. بھارتی خلائی شعبے اور معیشت کی ترقی کے لیے دس سالہ وژن اور حکمتِ عملی پیش کی گئی ہے۔

• iii. خلائی شعبے کے لیے براہِ راست غیر ملکی سرمایہ کاری (ایف ڈی آئی) کی ایک لبرل پالیسی متعارف کرائی گئی ہے۔

4. غیر سرکاری اداروں (این جی ایز) کو اِسرو کی سہولیات تک رسائی فراہم کرنے کے لیے رعایتی نرخوں کی پالیسی نافذ کی گئی ہے۔
5. خلائی شعبے کے اسٹارٹ اپس کی معاونت کے لیے 1,000 کروڑ روپے کا وینچر کیپیٹل فنڈ قائم کیا گیا ہے۔
6. مقامی خلائی ٹیکنالوجیز کی ترقی، عملی مظاہرے اور تجارتی سطح پر استعمال کو تیز کرنے کے لیے 500 کروڑ روپے کا ٹیکنالوجی اپنانے کا فنڈ (ٹی اے ایف) شروع کیا گیا ہے۔
7. نجی شعبے کی ترقی میں معاونت کے لیے اِسرو کے بنیادی ڈھانچے، تکنیکی مہارت اور رہنمائی تک رسائی کی سہولت فراہم کی گئی ہے۔
8. خلائی شعبے کی بدلتی ہوئی افرادی قوت کی ضروریات کو پورا کرنے کے لیے ہنرمندی کی ترقی کے اقدامات شروع کیے گئے ہیں۔
9. خلائی نظاموں کے لیے کم لاگت پر جانچ، توثیق اور نقلی تجربات کی سہولیات فراہم کرنے کے لیے ایک تکنیکی مرکز قائم کیا گیا ہے۔
10. تجارتی استعمال کے لیے اِسرو کی تیار کردہ ٹیکنالوجیز کو صنعتوں کو منتقل کرنے کا انتظام کیا گیا ہے۔
11. پی ایس ایل وی آربیٹل ایکسپیریمنٹل ماڈیول (پی او ای ایم) پلیٹ فارم کے ذریعے خلائی ٹیکنالوجیز کی توثیق کے مواقع فراہم کیے جا رہے ہیں۔
12. مقامی سیٹلائٹ پلیٹ فارم کی صلاحیتوں کو فروغ دینے اور سیٹلائٹ کی تیاری کے عمل کو تیز کرنے کے لیے ’’سیٹلائٹ بس بحیثیت خدمت‘‘ (ایس بی اے اے ایس) اقدام شروع کیا گیا ہے۔
13. مینوفیکچرنگ کو فروغ دینے کے لیے ریاستی حکومتوں کی حوصلہ افزائی کی جا رہی ہے کہ وہ مینوفیکچرنگ کلسٹرز کے ساتھ ساتھ مشترکہ جانچ کی سہولیات بھی قائم کریں۔

 

آج کی تاریخ تک آندھرا پردیش میں مزید خلائی انکیوبیشن مراکز، جانچ کی سہولیات یا اختراعی مراکز قائم کرنے یا ان کی معاونت کے لیے کوئی تجویز یا منصوبہ نہیں ہے۔

حکومت نے خلائی شعبے کو آزاد بنانے کے بعد متعدد اقدامات کیے ہیں۔ ان اقدامات میں پالیسی اور ضابطہ جاتی اصلاحات، بنیادی ڈھانچے تک رسائی، ٹیکنالوجی کی منتقلی، مالی معاونت اور ہنرمندی کی ترقی کے ذریعے صلاحیت سازی میں اضافہ شامل ہے، تاکہ ایک متحرک نجی خلائی ماحولیاتی نظام کو فروغ دیا جا سکے۔

 

1. ٹیکنالوجی کی منتقلی

اِن اسپیس دستیاب اِسرو ٹیکنالوجیز کو صنعتوں کو منتقل کرنے میں سہولت فراہم کر رہا ہے، جبکہ مستقبل میں ٹیکنالوجیز کی ترقی اور منتقلی کے لیے صنعتوں کی ٹیکنالوجی سے متعلق ضروریات کی نشاندہی اور انہیں یکجا کرنے کا کام بھی کر رہا ہے۔ اب تک این ایس آئی ایل کے ذریعے ٹیکنالوجی منتقلی کے 118 معاہدے کیے جا چکے ہیں۔

ٹیکنالوجی کی منتقلی کو آسان بنانے کے لیے این ایس آئی ایل شفاف ٹیکنالوجی منتقلی کے طریقۂ کار اور صنعت کے لئے سازگار پالیسیوں کے ذریعے نجی اداروں کی زیادہ سے زیادہ شرکت کو فروغ دے رہا ہے۔ یہ صنعتوں کے ساتھ شراکت داری، صلاحیت سازی میں اضافے اور سیٹلائٹ سازی، انضمام، جانچ اور خلائی شعبے سے متعلق بعد ازاں خدمات کے مختلف مواقع فراہم کرکے نجی شعبے کی شرکت کو فروغ دے رہا ہے۔

مزید برآں، اِن اسپیس پولر سیٹلائٹ لانچ وہیکل (پی ایس ایل وی) اور لانچ وہیکل مارک-3 (ایل وی ایم-3) کی ٹیکنالوجیز نجی شعبے کو منتقل کرنے کے منصوبے کو آگے بڑھا رہا ہے، تاکہ لانچ وہیکل کی تیاری اور آپریشنز میں نجی شعبے کی زیادہ سے زیادہ شرکت کو ممکن بنایا جا سکے۔

 

2. خلائی شعبے میں سرمایہ کاری

حکومت نے خلائی شعبے کے اسٹارٹ اپس کے لیے سرمایہ کاری کی معاونت کی مختلف اسکیمیں بھی متعارف کرائی ہیں، جن میں اِن اسپیس سیڈ فنڈ اسکیم، ٹیکنالوجی اپنانے کا فنڈ (ٹی اے ایف) اور 1,000 کروڑ روپے کا وینچر کیپیٹل فنڈ شامل ہیں۔ ان پالیسی اقدامات اور نجی شعبے کی بڑھتی ہوئی شمولیت کے نتیجے میں 31 مارچ 2026 تک بھارتی خلائی شعبے کے اسٹارٹ اپس میں مجموعی سرمایہ کاری تقریباً 618.5 ملین امریکی ڈالر تک پہنچ گئی ہے۔ سرمایہ کاری کے منظرنامے میں بتدریج ابتدائی مرحلے کی سیڈ فنڈنگ سے بڑے پیمانے پر ترقی کے مرحلے کی سرمایہ کاری کی جانب رجحان دیکھا جا رہا ہے۔

 

3. بین الاقوامی تعاون اور عالمی بازار تک رسائی

اِن اسپیس غیر ملکی حکومتوں، خلائی ایجنسیوں، صنعتوں اور دیگر متعلقہ فریقوں کے ساتھ فعال طور پر رابطہ رکھتا ہے، تاکہ اسٹارٹ اپس سمیت بھارتی تجارتی خلائی شعبے کے لیے بین الاقوامی تعاون کو فروغ دیا جا سکے اور اسے آسان بنایا جا سکے۔ اِن اسپیس کی جانب سے کیے گئے اہم اقدامات میں شامل ہیں:

1. خلائی شعبے میں نمایاں مقام رکھنے والے ممالک کے ساتھ دو طرفہ اور کثیر رخی شراکت داری کو مزید مضبوط بنانا۔
2. عالمی بازار تک رسائی کو بہتر بنانے کے لیے بھارتی خلائی صنعتوں کی بین الاقوامی نمائشوں، کاروباری فورمز، وفود کے دوروں، کاروباری اداروں کے درمیان ملاقاتوں اور صنعتی گول میز اجلاسوں میں شرکت کی سہولت فراہم کرنا۔
3. حکومت سے حکومت (جی ٹو جی) مذاکرات میں بھارتی تجارتی خلائی شعبے کی نمائندگی کرنا اور ابھرتی ہوئی خلائی معیشتوں کے ساتھ شراکت داری کو فروغ دینا، تاکہ برآمدات، ٹیکنالوجی میں تعاون اور عالمی خلائی سپلائی چین میں انضمام کو فروغ دیا جا سکے۔

ان اقدامات کے نتیجے میں بھارتی نجی خلائی شعبے کے لیے 30 سے زائد ممالک کے متعلقہ فریقوں کے ساتھ تعاون کے مواقع پیدا ہوئے ہیں۔

یہ اطلاع سائنس و ٹیکنالوجی، ارضیاتی علوم کے وزیر مملکت (آزادانہ چارج) اور وزیر اعظم کے دفتر، عملہ، عوامی شکایات اور پنشن، محکمۂ جوہری توانائی اور خلائی امور کے وزیر مملکت ڈاکٹر جتیندر سنگھ نے آج لوک سبھا میں ایک تحریری جواب میں دی۔

****

 

ضمیمہ اوّل

12.08.2026 کو جواب دیے جانے والے لوک سبھا کے غیر ستارہ دار سوال نمبر 4049 کے حصہ (الف) کے جواب میں حوالہ دیا گیا ضمیمہ۔

 

 

ضمیمہ دوم

12.08.2026 کو جواب دیے جانے والے لوک سبھا کے غیر ستارہ دار سوال نمبر 4049 کے حصہ (ب) کے جواب میں حوالہ دیا گیا ضمیمہ۔

گزشتہ تین برسوں کے دوران 31.07.2026 تک فراہم کی گئی مالی معاونت کی تفصیلات

(رقم لاکھ روپے میں)

 

 

 

اِن اسپیس کی جانب سے اسٹارٹ اپس کو فراہم کی جانے والی تکنیکی سہولت کی سال وار تفصیلات، جن میں لانچ کے مواقع اور جانچ کی سہولت تک رسائی شامل ہے، درج ذیل ہیں:

 

 

اِن اسپیس کی مختلف اسکیموں کے تحت معاونت فراہم کیے جانے والے اسٹارٹ اپس اور افراد کی تفصیلات درج ذیل ہیں:

 

 

پری انکیوبیشن انٹرپرینیورشپ پروگرام (پی آئی ای) کے تحت معاونت فراہم کیے جانے والے اسٹارٹ اپس اور افراد کی تفصیلات درج ذیل ہیں:

 

******

ش ح ۔ ا ع خ ۔ م ا

UR No-2321

                         

(ریلیز آئی ڈی: 2301215) وزیٹر کاؤنٹر : 16