مولیبڈینم-99 (ایم او-99)، آئیوڈین-131 (آئی-131) اور لُوٹیشیم-177 (ایل یو-177) سب سے اہم ری ایکٹر سے تیار کیے جانے والے طبی ریڈیوآئسوٹوپس ہیں، جو نیوکلیئر میڈیسن کے تقریباً 90 فیصد استعمال میں کام آتے ہیں۔ ان طبی ریڈیوآئسوٹوپس کی نصف زندگی نسبتاً کم ہونے کے باعث انہیں باقاعدہ وقفوں سے، عموماً ہفتہ وار یا دو ہفتے کے وقفے پر، بھابھا اٹامک ریسرچ سینٹر (بی اے آر سی) کے دھرووا ری ایکٹر میں تیار کیا جاتا ہے۔

گزشتہ پانچ برسوں کے دوران تیار اور فراہم کیے گئے ایم او-99، آئی-131 اور ایل یو-177 پر مبنی ریڈیو فارماسیوٹیکل مصنوعات کی مجموعی سرگرمی کی تفصیلات ذیل میں دی گئی ہیں۔

 

 

 

 

 

 

 

 

 

 

 

 

 

ری ایکٹر یا ریڈیو کیمیکل پروسیسنگ سہولت کی دیکھ بھال کے لیے بند رہنے یا تکنیکی وجوہات کی بنا پر ان کی عدم دستیابی کی صورت میں، نیوکلیئر میڈیسن مراکز کو ریڈیو فارماسیوٹیکل مصنوعات کی تیاری اور فراہمی کے لیے ان ریڈیوآئسوٹوپس کو بیرونِ ملک موجود پروڈیوسروں سے درآمد کیا جاتا ہے۔

اس مدت  کے دوران درآمد کیے گئے طبی ریڈیوآئسوٹوپس اور درآمد کی گئی مقدار کی تفصیلات ذیل میں دی گئی جدول میں مختصراً پیش کی گئی ہیں۔

 

 

اگرچہ محکمۂ جوہری توانائی کے تحت کام کرنے والا ادارہ بورڈ آف ریڈی ایشن اینڈ آئیسوٹوپ ٹیکنالوجی (بی آر آئی ٹی) معمول کے حالات میں تقریباً 90 فیصد تک موصول تصدیق شدہ آرڈرز کی فراہمی کرنے میں کامیاب رہا ہے، تاہم تکنیکی وجوہات کی بنا پر ری ایکٹر یا ریڈیو کیمیکل پروسیسنگ سہولت کے اچانک بند ہونے اور ایسی ہنگامی صورتِ حال کے دوران درآمد شدہ متبادل سپلائی دستیاب نہ ہونے کے باعث فراہمی میں کچھ کمی رہی ہے۔

گزشتہ پانچ برسوں کے دوران فراہمی میں ہونے والی کمی کی تفصیلات ذیل میں پیش کی گئی ہیں:

 

 

محکمۂ جوہری توانائی (ڈی اے ای) کے تحت تحقیقی و ترقیاتی ادارے بھابھا اٹامک ریسرچ سینٹر (بی اے آر سی) کو ’’آئسوٹوپ پروڈکشن ری ایکٹر کی انجینئرنگ اور تعمیر‘‘ کے منصوبے کے لیے انتظامی اور مالی منظوری مل گئی ہے۔ اس منصوبے کے تحت تقریباً 0.5 ایم سی آئی (ملین کیوری) ریڈیوآئسوٹوپس کی پیداواری صلاحیت کے ساتھ تقریباً 2035 تک پیداوار شروع ہونے کی توقع ہے۔

یہ  جانکاری وزیر اعظم کے دفتر، عملہ، عوامی شکایات و پنشن، جوہری توانائی اور محکمۂ خلائی کے مرکزی وزیر مملکت ڈاکٹر جتیندر سنگھ نے آج لوک سبھا میں ایک تحریری جواب میں دی۔

 

 

*****

 

(ش ح-‎ع ح  -م ش)

U.R . 2303

 

 

 

 

 

 

(ریلیز آئی ڈی: 2301090) وزیٹر کاؤنٹر : 16