بھارت کی یووا شکتی کو تاریخی لال قلعہ پر مرکزی حیثیت حاصل ہوئی، بین الاقوامی سائنس اور ریاضی کے اولمپیاڈ 2026 کے نوجوان بھارتی تمغہ جیتنے والے حکومتِ ہند کے خصوصی مہمانوں کے طور پر ملک کے یومِ آزادی کی تقریبات میں شامل ہوئے۔ نوجوان کام یاب طلبہ نے عزت مآب وزیرِ اعظم جناب نریندر مودی جی کو نئی دہلی میں مشہور لال قلعہ کی فصیلوں سے 80ویں یومِ آزادی کے موقع پر بھارتی ترنگا لہراتے اور قوم سے خطاب کرتے ہوئے دیکھا

ان نوجوان کام یاب طلبہ کا اعتراف بھارتی نوجوانوں کی بے پناہ صلاحیتوں اور وِکست بھارت@2047 کی جانب ملک کے سفر میں ان کے تعاون کا جشن تھا۔ وندے ماترم کے 150 سال کی یادگاری سال میں، قومی تقریب میں اولمپیاڈ کے کام یاب طلبہ کی موجودگی عزت مآب وزیرِ اعظم کے اس زور کی ایک طاقتور تصدیق تھی کہ ایک وِکست اور خود انحصار قوم کی تعمیر میں بھارت کی یووا شکتی کی توانائی، صلاحیت اور امنگوں کو بروئے کار لایا جائے

یہ اعزاز بین الاقوامی اولمپیاڈز میں بھارت کے لیے ایک غیر معمولی سال کے بعد آیا ہے۔ فزکس، کیمسٹری، بائیولوجی اور ریاضی میں، بھارتی طلبہ نے 2026 میں 12 گولڈ اور 7 سلور میڈل جیتے ہیں۔ لال قلعہ پر طلبہ کو دیا گیا یہ اعزاز کم عمری سے ہی غیر معمولی سائنسی اور ریاضیاتی صلاحیتوں کی نشان دہی اور پرورش کے لیے جاری قومی کوشش کا بھی اعتراف ہے

اس قومی کوشش کے مرکز میں ایچ بی سی ایس ای ہے، جو ٹاٹا انسٹی ٹیوٹ آف فنڈامینٹل ریسرچ (ٹی آئی ایف آر) کا ایک قومی مرکز ہے، جو محکمہ جوہری توانائی کے تحت ایک امدادی ادارہ ہے۔ سائنس اور ریاضی کے اولمپیاڈ پروگراموں کے لیے قومی نوڈل مرکز کے طور پر، ایچ بی سی ایس ای انتخاب، واقفیت، تربیت اور رہ نمائی کے ایک سخت کثیر مرحلہ عمل کی پیروی کرتا ہے۔ محکمہ جوہری توانائی اس دیرپا قومی کوشش کے پیچھے ایک مضبوط ستون رہا ہے۔ ٹی آئی ایف آر اور ایچ بی سی ایس ای کو اپنی حمایت کے ذریعے، محکمہ جوہری توانائی نے ایک ایسا ایکو سسٹم بنانے میں مدد کی ہے جو ملک بھر سے سائنس دانوں، اساتذہ، تعلیمی اداروں اور مضامین کے ماہرین کو سائنسی صلاحیتوں کی پرورش کے مشترکہ مشن میں یکجا کرتا ہے۔ یہ ادارہ جاتی حمایت مقابلوں کے انعقاد سے آگے بڑھ کر بین الاقوامی سطح پر مسلسل تربیت، رہ نمائی اور شرکت تک پھیلی ہوئی ہے

خصوصی مہمانوں کا نئی دہلی کا دورہ یومِ آزادی کی تقریب سے آگے بڑھ گیا۔ نوجوان کام یاب طلبہ دارالحکومت پہنچے اور ڈاکٹر اجیت کمار موہنتی، سکریٹری، محکمہ جوہری توانائی اور چیئرمین، جوہری توانائی کمیشن سے گفت و شنید کی۔ اس موقع پر خطاب کرتے ہوئے، ڈاکٹر موہنتی نے کہا، ”یہ انتہائی فخر کی بات ہے کہ ہمارے نوجوان اولمپیاڈ کے کام یاب طلبہ کو لال قلعہ پر یومِ آزادی کی تقریباًًت میں خصوصی مہمانوں کے طور پر اعزاز سے نوازا جا رہا ہے۔ اس مشہور قومی موقع پر ان کی موجودگی بھارت کی یووا شکتی اور تجسس، استقامت اور بہترین کارکردگی کے جذبے کا ایک مناسب اعتراف ہے جس کی وہ نمائندگی کرتے ہیں۔ بین الاقوامی اولمپیاڈز میں ہمارے طلبہ کی شاندار کارکردگی سائنسی اور ریاضیاتی صلاحیتوں کی نشان دہی اور پرورش کے لیے جاری قومی کوشش کی بھی عکاسی ہے۔ محکمہ جوہری توانائی ٹی آئی ایف آر اور ایچ بی سی ایس ای کو اپنی حمایت کے ذریعے اس کوشش میں حصہ ڈالنے پر فخر محسوس کرتا ہے، اور اس ایکو سسٹم کو مضبوط بنانے کے لیے عہدبستہ ہے تاکہ بھارتی نوجوان ذہنوں کو وِکست بھارت@2047 کی تشکیل میں بہترین کارکردگی دکھانے، جدت طرازی کرنے اور حصہ ڈالنے کا ہر موقع ملے“۔

طلبہ نے ڈاکٹر جتیندر سنگھ، عزت مآب وزیرِ مملکت، پی ایم او، محکمہ جوہری توانائی سے گفت و شنید کی اور قومی اہمیت کے مقامات کا دورہ کیا، جن میں نیشنل وار میموریل اور پردھان منتری سنگرہالیہ شامل ہیں

محکمہ جوہری توانائی نوجوان اولمپیاڈ کے کام یاب طلبہ، ان کے والدین، اساتذہ، رہ نماؤں، ٹیم لیڈروں، سائنسی مبصرین، ایچ بی سی ایس ای میں اولمپیاڈ سیلز اور ملک گیر وسائل کے ماہرین کی برادری کو مبارکباد پیش کرتا ہے جن کی لگن نے ان قابل ذکر کام یابیوں میں حصہ ڈالا ہے

لال قلعہ پر ان نوجوان سائنس دانوں اور ریاضی دانوں کی موجودگی تمغہ جیتنے والوں کے ایک گروپ کو دیے گئے اعزاز سے کہیں زیادہ تھی۔ یہ بہترین کارکردگی کی نشان دہی کرنے، صلاحیتوں کی پرورش کرنے اور اپنے نوجوان شہریوں کو اعلیٰ ترین عالمی سطح پر بہترین کارکردگی دکھانے کا موقع فراہم کرنے کی بھارت کی صلاحیت کا جشن تھا۔ جیسے جیسے بھارت وِکست بھارت@2047 کی جانب بڑھ رہا ہے، ان نوجوان اولمپینز کی کام یابیاں اور امنگیں یووا شکتی کی ایک متاثر کن جھلک پیش کرتی ہیں جو قوم کے مستقبل کو تشکیل دے گی

***

(ش ح - ع ا)

U.No. 2163