یومِ آزادی کی تقریبات کے سلسلے میں کارپوریٹ امور کی وزارت (ایم سی اے)، حکومتِ ہند کی جانب سے 14 اگست 2026کو نئی دہلی میں پی ایم انٹرن شپ اسکیم(پی ایم آئی ایس) انڈسٹری ایوارڈز کا انعقاد کیا گیا، جس کا مقصد اسکیم کے پائلٹ مرحلے کے دوران وزیراعظم انٹرن شپ اسکیم (پی ایم آئی ایس)کے کامیاب نفاذ میں شراکت دار کمپنیوں کے تعاون کو سراہنا تھا۔

تقریب کی صدارت کارپوریٹ امور کی وزارت کے سکریٹری نے کی۔ اس موقع پر وزارت کے اعلیٰ افسران، معروف صنعتی شراکت داروں کے نمائندگان اور ملک بھر سے 100 سے زائد موجودہ و سابق پی ایم آئی ایس انٹرنز نے شرکت کی۔

ان ایوارڈز کے ذریعے ان اداروں کو اعزاز سے نوازا گیا جنہوں نے نوجوان صلاحیتوں کی پرورش، معیاری انٹرن شپ کے مواقع پیدا کرنے، مؤثر انٹرن شپ مینجمنٹ کے طریقۂ کار اپنانے اور مستقبل کی ضروریات کے مطابق افرادی قوت تیار کرنے کے حکومت کے وژن کو آگے بڑھانے کے لیے غیر معمولی عزم کا مظاہرہ کیا۔ مہندرا اینڈ مہندرا لمیٹڈ کو پی ایم آئی ایس کے تحت انٹرن شپ اور نوجوانوں کی شمولیت کو فروغ دینے میں قائدانہ کردار اور مثالی تعاون کے اعتراف میں مجموعی صنعتی چمپئن قرار دیا گیا۔

       صنعتی اداروں کے نمائندگان نے اسکیم میں اپنی شرکت کے مثبت تجربات بیان کیے اور اس سے اداروں اور انٹرنز دونوں کو حاصل ہونے والے فوائد پر روشنی ڈالی۔ مہندرا اینڈ مہندرا لمیٹڈ کے ایک نمائندے نے کہا، ’’آج ہم مہندرا گروپ میں 1000 انٹرنز کے خیرمقدم کا سنگِ میل عبور کر چکے ہیں۔

یہ راؤنڈ II میں شامل ہونے والے انٹرنز کی تعداد سے تقریباً پانچ گنا زیادہ ہے اور اس بات کی عکاسی کرتا ہے کہ پی ایم انٹرن شپ اسکیم ایک ابتدائی منصوبے سے ترقی کرتے ہوئے بڑے پیمانے پر چلنے والے پروگرام میں تبدیل ہو چکی ہے۔‘‘آئی بی ایم نے بھی کمپنیوں کے لیے انٹرنز کی اہمیت کو اجاگر کرتے ہوئے کہا کہ ان کے تازہ خیالات، جستجو اور سیکھنے کی خواہش نے ٹیموں کو تقویت دی، جدت طرازی میں معاونت کی اور مستقبل کی ضروریات سے ہم آہنگ، صنعت سے متعلق مہارتوں کی ترقی کی اہمیت کو مزید اجاگر کیا۔

ڈاکٹر ریڈی‘ز لیبارٹریز کے ایک نمائندے نے اس امر کی ایک متاثر کن مثال پیش کی کہ پی ایم آئی ایس کس طرح انٹرنز کے لیے مستقبل کی راہیں ہموار کر رہی ہے۔ انہوں نے بتایا کہ ایک انٹرن نے پی ایم آئی ایس انٹرن شپ سرٹیفکیٹ کی مدد سے لانگ آئی لینڈ یونیورسٹی، بروکلین میں فارماسیوٹیکل کورس میں داخلہ حاصل کیا۔ یہ مثال اس بات کی عکاس ہے کہ یہ اسکیم نہ صرف عملی میدان میں تجربہ فراہم کرنے کی صلاحیت رکھتی ہے بلکہ اعلیٰ تعلیم اور طویل مدتی پیشہ ورانہ ترقی میں بھی معاون ثابت ہو سکتی ہے۔

ویسٹرن کول فیلڈز لمیٹڈ نے بھی اس اسکیم کو سراہتے ہوئے کہا کہ پی ایم آئی ایس نے ادارے کو مہاراشٹر اور مدھیہ پردیش کے دیہی اور نیم شہری علاقوں میں واقع کوئلہ کانوں کے لیے نوجوان صلاحیتوں کو راغب کرنے میں مدد دی، جہاں روایتی طور پر انٹرنز کی دستیابی ایک چیلنج رہی ہے۔ اس تجربے نے ثابت کیا کہ یہ اسکیم نوجوانوں کو بڑے شہری مراکز سے باہر بھی روزگار و تربیت کے مواقع سے جوڑنے کے ساتھ ساتھ ملک کے مختلف صنعتی مقامات پر افرادی قوت کی ضروریات پوری کرنے میں مؤثر کردار ادا کر سکتی ہے۔

 

مرکزی ایوارڈزمروں کے علاوہ، پرائم منسٹر انٹرن شپ سکیم کے تحت تنظیموں کو ان کی نمایاں کارکردگی اور ان کی متعلقہ صنعتوں میں شراکت کے لیے سیکٹرل چیمپئنز کے طور پر تسلیم کیا گیا۔

وزیراعظم انٹرن شپ اسکیم (پی ایم آئی ایس) کا مقصد نوجوانوں کو ہندوستان کی سرکردہ کمپنیوں میں با معاوضہ انٹرن شپ کے مواقع فراہم کرنا ہے، تاکہ ان کی روزگار حاصل کرنے کی صلاحیت میں اضافہ کیا جا سکے۔ پی ایم آئی ایس کے تحت ملک بھر کے مختلف شعبوں میں نوجوانوں کو عملی طور پر کام کرنے کا تجربہ، صنعتی تجربہ اور سرکردہ کمپنیوں کے ساتھ منظم انداز میں کام کرنے کے مواقع فراہم کیے جاتے ہیں، جس کے ذریعے ان کی مہارتوں کی ترقی، ازسرِنو مہارت آموزی اور اعلیٰ سطح کی مہارتوں کے فروغ میں مدد ملتی ہے۔

*****

ش ح۔ ک ح۔ ش ب ن

U.No. 2150

(रिलीज़ आईडी: 2299837) आगंतुक पटल : 9