नागपूर, 14 ऑगस्ट 2026

देशभरात 9 ते 17 ऑगस्ट 2026 या कालावधीत  हर घर तिरंगा अभियान 2026 उत्साहात राबवले जात आहे. या अभियानाचा भाग म्हणून,  एनसीसी समूहाच्या नागपूर मुख्यालयाच्या अखत्यारित येणाऱ्या सर्व परिसरात, अनेक देशभक्तीपर आणि जनजागृतीपर कार्यक्रम राबवले जात आहेत. या विविध कार्यक्रमांमधे, एनसीसी चे छात्र, सर्व कर्मचारीवृंद, एनसीसी माजी छात्र आणि स्थानिक नागरिक उत्साहाने सहभागी होत आहेत.

या अभियानाचे उद्दिष्ट, लोकांच्या मनातील देशभक्तीची भावना अधिक बळकट करणे,  विशेषतः युवकांमध्ये, राष्ट्रध्वजाविषयी अभिमान आणि आदराची भावना जागृत करणे, असे आहे. नागपूरच्या एनसीसी समूह मुख्यालयाअंतर्गत असलेल्या विविध एनसीसी विभागांद्वारे हे अभियान राबवलं जात असून, संबंधित शाळा, महाविद्यालये आणि संस्था, छात्र आणि स्थानिक समुदाय मोठ्या संख्येने आणि उत्साहात सहभागी होत आहेत. 

या अभियानाअंतर्गत देशभरातल्या प्रमुख आणि ऐतिहासिक ठिकाणी राष्ट्रध्वज फडकावण्याचे कार्यक्रम, तिरंगा पदयात्रा, जनजागृती अभियान, देशभक्तीपर उपक्रम तसेच राष्ट्रीय ध्वजासोबत सेल्फी अभियान आयोजित करण्यात आले. NCC कॅडेट्सनी या उपक्रमांमध्ये उत्स्फूर्त सहभाग घेतला आणि #HarGharTiranga या हॅशटॅगद्वारे सोशल मीडिया प्लॅटफॉर्मवर ‘हर घर तिरंगा’चा संदेश प्रसारित केला.

या मोहिमेत NCC माजी विद्यार्थी आणि स्थानिक नागरिकांचाही सक्रिय सहभाग राहिला. त्यामुळे राष्ट्रीय ध्वजाप्रति राष्ट्रीय एकात्मतेची आणि सामूहिक जबाबदारीची भावना अधिक दृढ झाली. प्रमुख कार्यक्रमांदरम्यान राष्ट्रगीत आणि वंदे मातरम् सादर करण्यात आले, ज्यामुळे देशभक्तीचे वातावरण परिसरात निर्माण झाले.

NCC कॅडेट्सनी क्षयरोगविरोधी मोहिमेतही सक्रिय सहभाग घेतला. जनजागृती करणे आणि क्षयरोगमुक्त भारताचे उद्दिष्ट साध्य करण्यास हातभार लावणे हा या मोहिमेचा उद्देश होता. या मोहिमेदरम्यान कॅडेट्सनी जवळच्या गावांमध्ये आणि शाळांमध्ये रॅली, पथनाट्य, पोस्टर निर्मिती तसेच घरोघरी भेटी आयोजित करून क्षयरोगाची लक्षणे, प्रतिबंध आणि उपचार याबाबत नागरिकांना माहिती दिली.

याबाबत, वेळीच निदान करण्याचे महत्त्व, औषधांचा संपूर्ण कोर्स पूर्ण करणे, योग्य पोषण आणि क्षयरुग्णांबाबतचा सामाजिक कलंक दूर करण्याची गरज यावर विद्यार्थ्यांनी भर दिला. आपल्या शिस्तबद्ध कार्यपद्धती आणि सामाजिक बांधिलकीच्या माध्यमातून एनसीसी कॅडेट्सनी नागरिकांना क्षयरोगाची तपासणी करून घेण्यासाठी आणि राष्ट्रीय क्षयरोग निर्मूलन कार्यक्रमांतर्गत मोफत उपचार घेण्यासाठी प्रोत्साहित केले. त्यामुळे तळागाळात या मोहिमेला उत्तम पाठबळ मिळाले.

या उपक्रमाद्वारे , एनसीसी समूह मुख्यालय, नागपूर, एनसीसी छात्र आणि एकूणच समूहात, देशभक्ती, एकता, राष्ट्राचा अभिमान अशी अर्थपूर्ण राष्ट्रीय मोहीम राबवली जाते आणि हर घर तिरंगा अभियान अधिक नागरिककेंद्री आणि अर्थपूर्ण होण्यास  प्रोत्साहन मिळते.

***

शैलेश पाटील/राधिका अघोर/परशुराम कोर

*** 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2299375) अभ्यागत कक्ष : 31