زیرِ تعمیر منصوبوں کی تفصیلات درج ذیل جدول میں دی گئی ہیں۔

 

*اپریل 2026 میں پیداوار شروع ہو چکی ہے۔ تاہم، لاگت کی تفصیلات دو یونٹس کی بنیاد پر دستیاب ہیں (آر اے پی پی-7 اور آر اے پی پی-8)۔

گزشتہ پانچ برسوں کے دوران زیرِ تعمیر ہر منصوبے کے لیے سال وار منظور، جاری اور استعمال کی گئی رقوم کی تفصیلات ضمیمے کے ساتھ منسلک ہیں۔

حالیہ عرصے میں منصوبوں کی تعمیر اور انہیں فعال کرنے میں تاخیر کی بڑی وجوہات میں جاپان میں فوکوشیما حادثے کے بعد ڈیزائن میں بڑے پیمانے پر تبدیلیاں، اہم آلات کی فراہمی میں تاخیر، کووڈ-19 وبا اور اس سے متعلق مسائل، روسی فیڈریشن سے آلات کی فراہمی میں تاخیر (کے کے این پی پی کے معاملے میں)، کووڈ کے بعد مالی مشکلات اور نقدی کی قلت کے باعث سائٹ پر ٹھیکیداروں کی جانب سے کام کی انجام دہی میں تاخیر، گھاواپ (جی ایچ اے وی پی) میں زمین کی مشکل نوعیت، ہنرمند ٹھیکیدار افرادی قوت کی کمی، اور جاری روس۔یوکرین اور امریکہ/اسرائیل۔ایران جغرافیائی سیاسی تنازع کے اثرات شامل ہیں۔

ان چیلنجوں سے نمٹنے اور منصوبوں کی بروقت تکمیل کو یقینی بنانے کے لیے مختلف اقدامات کیے جا رہے ہیں۔ ان اقدامات میں این پی سی آئی ایل اور محکمہ جوہری توانائی میں متعدد سطحوں پر منصوبوں کا وقتاً فوقتاً جائزہ، منصوبے کی سرگرمیوں کی پیش رفت کی مسلسل نگرانی، رکاوٹوں کی بروقت نشاندہی اور ضروری اصلاحی اقدامات، مختلف مسائل کے حل کے لیے سپلائرز اور ٹھیکیداروں کے ساتھ باقاعدگی سے اجلاس، ممکنہ حد تک تعمیراتی سرگرمیوں کی ازسرِنو ترتیب، این پی سی آئی ایل کے مختلف افسران کو اختیارات کی مزید تفویض اور منصوبوں کی نگرانی کے لیے بورڈ کی ذیلی کمیٹی کی تشکیل شامل ہے۔

اس کے علاوہ، طویل مدت میں فراہم کیے جانے والے آلات کی بڑی تعداد میں پیشگی خریداری کا طریقہ اختیار کیا گیا ہے، جبکہ بیڑے کی صورت میں قائم کیے جانے والے مختلف ری ایکٹروں کے لیے متعدد آلات کی تیاری اور مرحلہ وار فراہمی جاری ہے، تاکہ منصوبوں کے لیے طویل مدت میں درکار اہم آلات کی بروقت فراہمی یقینی بنائی جا سکے۔

زیرِ تعمیر منصوبوں کو مرحلہ وار فعال کیے جانے کے بعد قومی بجلی کے گرڈ میں مجموعی طور پر 8,000 میگاواٹ کی اضافی پیداواری صلاحیت شامل ہو جائے گی۔

ضمیمہ

گزشتہ پانچ برسوں کے دوران زیرِ تعمیر ہر منصوبے کے لیے سال وار منظور، جاری اور استعمال شدہ ایکویٹی کی تفصیلات درج ذیل جدول میں دی گئی ہیں۔

 

روپے میں رقم کروڑ

گزشتہ پانچ سالوں کے دوران پی ایف بی آر کے لیے منظور شدہ، جاری کردہ اور استعمال شدہ ایکویٹی کی سال وار تفصیلات ذیل میں دی گئی ہیں:

یہ معلومات سائنس اور ٹیکنالوجی (آزادانہ چارج) ، ارضیاتی سائنسز کے وزیر مملکت اور پی ایم او؛ عملہ، عوامی شکایات اور پنشن؛ جوہری توانائی اور خلائی محکمہ  کےوزیر مملکت ڈاکٹر جتیندر سنگھ نے آج راجیہ سبھا میں ایک تحریری جواب میں فراہم کیں۔

***

 (ش ح  ۔ ع ب ح۔م ذ)

U. No. 2026

(रिलीज़ आईडी: 2299054) आगंतुक पटल : 8