સ્પેશિયલ કોર્ટ વ્યાપમ કેસ, ગ્વાલિયરે વ્યાપમ ઈમ્પર્સનેશન કેસમાં બે આરોપીઓને ત્રણ વર્ષની સખત કેદની સજા ફટકારી

સ્પેશિયલ કોર્ટ, વ્યાપમ કેસ, ગ્વાલિયરે આજે, એટલે કે, 12.08.2026ના રોજ બે આરોપી ખાનગી વ્યક્તિઓ અમિતેશ અને વિપિન કુમારને વ્યાપમ કેસમાં દરેકને ₹ 5,000 ના દંડ સાથે ત્રણ વર્ષની સખત કેદની સજા ફટકારી છે.

સેન્ટ્રલ બ્યુરો ઓફ ઇન્વેસ્ટિગેશન (CBI) એ W.P. (Civil) નંબર 372/2015 અને 417/2015માં માનનીય સુપ્રીમ કોર્ટના આદેશ પર 05.08.2015 ના રોજ આ કેસ ફરીથી નોંધ્યો હતો. મૂળ FIR 09.03.2014 ના રોજ પીએસ-કેન્ટ, ગુના ખાતે સરકારી પીજી કોલેજ, ગુનાના પરીક્ષા કેન્દ્રના સુપરિન્ટેન્ડેન્ટની ફરિયાદના આધારે નોંધવામાં આવી હતી. એવો આરોપ હતો કે ઉમેદવાર વિપિન કુમાર તરીકે પરીક્ષા ખંડમાં ઉપસ્થિત એક વ્યક્તિને નિરીક્ષક (invigilator) દ્વારા ચકાસણી દરમિયાન રેકોર્ડ પરના ફોટોગ્રાફ સાથે મેળ ન ખાવાના આધારે પકડવામાં આવ્યો હતો. ત્યારબાદ, કોલેજના પરીક્ષા સુપરિન્ટેન્ડેન્ટે પ્રાથમિક ચકાસણી પછી પીએસ/કેન્ટ, ગુના ખાતે બોગસ પરીક્ષાર્થી (impersonator) સામે એફઆઈઆર નોંધાવી હતી. આરોપીએ પોતાની ઓળખ અમિતેશ, રહેવાસી જિલ્લા ગાઝિયાબાદ (ઉત્તર પ્રદેશ) તરીકે આપી હતી અને મૂળ ઉમેદવાર, વિપિન કુમાર, રહેવાસી જિલ્લા મુરાદાબાદ (ઉત્તર પ્રદેશ) વતી બોગસ ઉમેદવાર તરીકે પરીક્ષા આપવાની કબૂલાત કરી હતી.

તપાસ પૂર્ણ થયા બાદ, સીબીઆઈએ 06.10.2016 ના રોજ આરોપી વ્યક્તિઓ અમિતેશ (સોલ્વર) અને વિપિન કુમાર (ઉમેદવાર) સામે ચાર્જશીટ દાખલ કરી હતી.

માનનીય અદાલતે ટ્રાયલ બાદ આરોપીઓને દોષિત ઠેરવ્યા અને તે મુજબ સજા ફટકારી.

SM/IJ/JD