حکومت کے ہنر مندی کے فروغ کے پروگرام ابھرتے ہوئے ٹکنالوجی کے شعبوں میں مہارت کے فرق کو دور کرنے کے لیے ڈیزائن اور نافذ کیے گئے ہیں۔ بازار کی ضروریات کے مطابق تربیتی پروگراموں کو ہم آہنگ کرنے کے لیے ، متعلقہ شعبوں میں صنعت کے قائدین کی قیادت میں 36 سیکٹر اسکل کونسلز (ایس ایس سی) قائم کی گئی ہیں، جو متعلقہ شعبوں کی ہنرمندی کی ترقی کی ضروریات کی نشاندہی کرنے کے ساتھ ساتھ ہنرمندی کے معیارات کا تعین کرنے کے لیے لازمی ہیں۔ مہارت کی ابھرتی ہوئی ضروریات کو مصنوعی ذہانت، آٹومیشن اور ڈیجیٹل تعاون کے ٹولز سمیت ابھرتی ہوئی ٹیکنالوجیز کے ساتھ ہم آہنگ کیا گیا ہے۔

حکومت ہند کے اسکل انڈیا مشن (ایس آئی ایم) کے تحت ہنرمندی کی ترقی اور صنعت کاری کی وزارت (ایم ایس ڈی ای) مختلف اسکیموں کے تحت ہنرمندی کے فروغ کے مراکز کے ایک وسیع نیٹ ورک کے ذریعے ہنرمندی، دوبارہ ہنرمندی اور اپ اسکل کی تربیت فراہم کرتی ہے۔ پردھان منتری کوشل وکاس یوجنا (پی ایم کے وی وائی) جن شکشن سنستان (جے ایس ایس) اور نیشنل اپرنٹس شپ پروموشن اسکیم (این اے پی ایس) ملک بھر میں معاشرے کے تمام طبقوں کے لیے۔ سم کا مقصد ہندوستان کے نوجوانوں کو مستقبل کے لیے تیار کرنا، صنعت سے متعلق مہارتوں سے لیس کرنا ہے، جس میں آٹومیشن اور دیگر ابھرتی ہوئی ٹیکنالوجیز کا احاطہ کیا گیا ہے۔ ان میں سے کچھ اقدامات میں شامل ہیں:

• پی ایم کے وی وائی کے تحت نئی نسل اور مستقبل کی مہارتوں سے متعلق ملازمتوں کو خاص طور پر صنعت 4.0 کی ضروریات کے مطابق ترتیب دیا گیا ہے۔ ان میں مصنوعی ذہانت و مشین لرننگ، روبوٹکس، میکاٹرونکس، ڈرون ٹیکنالوجی وغیرہ جیسے شعبے شامل ہیں، تاکہ مستقبل میں پیدا ہونے والی مارکیٹ کی مانگ اور صنعتی ضروریات کو پورا کیا جا سکے۔
• ڈائریکٹوریٹ جنرل آف ٹریننگ (ڈی جی ٹی) نے 5 جی نیٹ ورک، اے آئی پروگرامنگ، سائبر سیکورٹی، ڈرون ٹیکنالوجی، انٹرنیٹ آف تھنگز وغیرہ جیسے ابھرتے ہوئے شعبوں میں تربیت فراہم کرنے کے لیے سی ٹی ایس کے تحت نئے دور/مستقبل کے ہنر مندی کے کورسز متعارف کرائے ہیں۔
• ایم ایس ڈی ای نے ایک قومی سطح کی ایس او اے آر (اسکلنگ فار اے آئی ریڈینیس) پہل شروع کی ہے، جس کا مقصد اسکول کے طلباء (کلاس 6-12) میں اے آئی بیداری اور بنیادی مہارتوں کو شامل کرنا اور اساتذہ میں اے آئی خواندگی پیدا کرنا ہے۔ یہ پروگرام تمام جغرافیائی علاقوں میں مصنوعی ذہانت کی تعلیم تک مساوی رسائی کو یقینی بنا کر ڈیجیٹل فرق کو ختم کرنے کی کوشش کرتا ہے، اس طرح جامع، مستقبل کے لیے تیار ہنر مندی کے قومی ایجنڈے کی حمایت کرتا ہے۔
• الیکٹرانکس اور آئی ٹی کی وزارت (ایم ای آئی ٹی وائی) نے آئی ٹی-آئی ٹی ای ایس سیکٹر اسکلز کونسل (نیسکام) کے ساتھ مل کر مصنوعی ذہانت، کلاؤڈ کمپیوٹنگ، سائبرسیکوریٹی اور دیگر ڈیجیٹل مہارتوں پر کورسز پیش کرکے 11 ابھرتی ہوئی ٹیکنالوجیوں کے علم سے سیکھنے والوں کو لیس کرنے کے لیے فیوچر اسکلز پرائم پلیٹ فارم کا آغاز کیا ہے وجوانوں کی ہنرمندی کو فروغ دینے کے لیے نیسکوم نے مستقبل کی مہارتوں سے متعلق ملازمتوں کے لیے 146 اہلیتی معیارات بھی تیار کیے ہیں۔

صنعت کی بدلتی ہوئی مانگ کے ساتھ دوبارہ ہم آہنگ ہونے کے لیے صنعت اور تعلیمی اداروں کے تعاون سے ایم ایس ڈی ای کے ذریعے کیے گئے کچھ اقدامات میں شامل ہیں:

· نیشنل کونسل فار ووکیشنل ایجوکیشن اینڈ ٹریننگ (این سی وی ای ٹی) کو تکنیکی اور پیشہ ورانہ تعلیم اور تربیت (ٹی وی ای ٹی) کے شعبے میں معیار کو یقینی بنانے کے لیے ضابطے اور معیارات قائم کرنے والے ایک وسیع ریگولیٹر کے طور پر قائم کیا گیا ہے۔ این سی وی ای ٹی صنعتی اداروں اور تعلیمی اداروں کو ایوارڈ دینے والے اداروں (اے بی) اور/یا تشخیص ایجنسیوں (اے اے) کے طور پر تسلیم کرتا ہے۔

• اسناد جاری کرنے والے اداروں سے توقع کی جاتی ہے کہ وہ صنعتی طلب کے مطابق اہلیتی معیارات تیار کریں، انہیں قومی پیشہ ورانہ درجہ بندی، 2015 کے تحت شناخت کیے گئے پیشوں کے ساتھ منسلک کریں اور صنعت سے ان کی توثیق حاصل کریں۔

• این سی وی ای ٹی نے صنعتی ضروریات کے مطابق 10,209 اہلیتی معیارات کی منظوری دی ہے، جن میں سے 2,975 اہلیتی معیارات فی الحال قابلِ اطلاق اور فعال ہیں، جبکہ 7,234 اہلیتی معیارات محفوظ شدہ ریکارڈ میں شامل ہیں۔ مجموعی طور پر 678 اہلیتی معیارات کو این سی وی ای ٹی نے مستقبل کی مہارتوں سے متعلق اہلیتی معیارات کے طور پر درجہ بند کیا ہے۔
• ڈی جی ٹی حقیقی صنعتی ماحول میں آئی ٹی آئی کے طلبا کو تربیت فراہم کرنے کے لیے صنعتوں کے تعاون سے فلیکسی ایم او یو اسکیم اور ڈوئل سسٹم آف ٹریننگ (ڈی ایس ٹی) نافذ کر رہا ہے۔
• ڈی جی ٹی نے آئی ٹی ٹیک کمپنیوں جیسے آئی بی ایم، مائیکروسافٹ ، آٹوڈسک، اے ڈبلیو ایس ، شیل وغیرہ کے ساتھ مفاہمت نامے پر دستخط کیے ہیں۔ ریاستی اور علاقائی سطحوں پر اداروں کے لیے صنعتی روابط کو یقینی بنانا۔ یہ شراکت داریاں جدید ٹیکنالوجیز میں تکنیکی اور پیشہ ورانہ مہارتوں کی تربیت کی فراہمی میں سہولت فراہم کرتی ہیں۔
• دو (02) انڈین انسٹی ٹیوٹ آف اسکلز (آئی آئی ایس) احمد آباد اور ممبئی میں پبلک پرائیویٹ پارٹنرشپ (پی پی پی) موڈ میں قائم کیے گئے ہیں، جس کا مقصد صنعت کے لیے تیار افرادی قوت کو ابھرتے ہوئے اقتصادی مواقع سے ہم آہنگ کرنا ہے۔
• متعلقہ شعبوں میں صنعت کے قائدین کی قیادت میں 36 سیکٹر اسکل کونسلیں (ایس ایس سی) قائم کی گئی ہیں جو متعلقہ شعبوں کی ہنرمندی کی ترقی کی ضروریات کی نشاندہی کرنے کے ساتھ ساتھ ہنرمندی کے معیارات کا تعین کرنے کے لیے لازمی ہیں۔
• قومی تعلیمی پالیسی (این ای پی) 2020 میں پیشہ ورانہ تعلیم کو مرکزی دھارے کی تعلیم کے ساتھ زیادہ سے زیادہ مربوط کرنے کا تصور کیا گیا ہے اور تعلیمی اور پیشہ ورانہ راستوں کے درمیان ہموار نقل و حرکت کو فروغ دیا گیا ہے۔ اس وژن کے مطابق، یو جی سی اور اے آئی سی ٹی ای کے تعاون سے تیار کردہ اپرنٹس شپ ایمبیڈڈ ڈگری پروگرام (اے ای ڈی پی)، ڈگری اور ڈپلومہ پروگراموں میں داخلہ لینے والے طلباء کو اپنے نصاب کے لازمی حصے کے طور پر اپرنٹس شپ ٹریننگ حاصل کرنے کے قابل بناتا ہے۔ یہ پروگرام ملازمت کی اہلیت کو بڑھاتا ہے، نتائج پر مبنی سیکھنے کو فروغ دیتا ہے، صنعت و تعلیمی اداروں کے روابط کو مضبوط کرتا ہے اور صنعت سے متعلقہ مہارتوں کے حصول میں سہولت فراہم کرتا ہے ۔
• ایک ہزارسرکاری آئی ٹی آئی (200 ہب آئی ٹی آئی اور 800 اسپوک آئی ٹی آئی) کو ہب اینڈ اسپوک ماڈل میں اپ گریڈ کرنے کے لیے پردھان منتری اسکلنگ اینڈ ایمپلائبلٹی ٹرانسفارمیشن تھرو اپ گریڈڈ آئی ٹی آئی (پی ایم سی ای ٹی یو) اسکیم شروع کی گئی ہے، جس میں اپ گریڈیشن میں سمارٹ کلاس روم، جدید لیبز ، ڈیجیٹل مواد اور صنعت کی ضروریات کے مطابق نئے کورسز شامل ہیں۔

حکومت اسکل انڈیا مشن کے تحت ہنر مندی کے اقدامات کا وقتا فوقتا جائزہ لیتی ہے، اندراج ، سرٹیفیکیشن، پلیسمنٹ، سیلف ایمپلائمنٹ کے نتائج اور آجر کی رائے کا جائزہ لیتی ہے تاکہ روزگار اور مستقبل کی مہارتوں کو مضبوط بنانے میں ان کی تاثیر کا اندازہ لگایا جا سکے۔ یہ جائزے نصاب کی مسلسل اَپ ڈیٹس، صنعت کے تعاون اور نفاذ کے طریقوں میں بہتری کی حمایت کرتے ہیں، اس بات کو یقینی بناتے ہیں کہ ہنر مندی کے پروگرام ٹیکنالوجی کے ابھرتے ہوئے رجحانات اور لیبر مارکیٹ کی ضروریات کے مطابق رہیں۔ وسیع تر ہنرمندی کی ترقی کی اسکیموں کی تاثیر کا اندازہ ایم آئی ایس پر مبنی نگرانی، تیسرے فریق کے جائزوں اور فائدہ اٹھانے والوں کی رائے کے ذریعے بھی کیا جاتا ہے۔

یہ معلومات ہنر مندی کے فروغ اور صنعت کاری کی وزارت (ایم ایس ڈی ای) کے وزیر مملکت (آزادانہ چارج) جناب جینت چودھری نے آج راجیہ سبھا میں ایک تحریری جواب میں فراہم کیں۔

*******

 (ش ح۔ش آ۔ ن ع)

U- 1924

(रिलीज़ आईडी: 2298482) आगंतुक पटल : 7