ભારતીય રેલવેએ પૂર્વોત્તર રેલવે (NER)ના ઇજ્જતનગર ડિવિઝનના 660 રૂટ કિલોમીટર પર ₹295 કરોડના અંદાજિત ખર્ચે કવચ સંસ્કરણ 4.0 ની જોગવાઈને મંજૂરી આપી છે.

આ કામગીરી "ભારતીય રેલવેના બાકીના સેક્શનો પર લોંગ-ટર્મ ઇવોલ્યુશન (LTE)ના કમ્યુનિકેશન બેકબોન સાથે કવચની જોગવાઈ" નામના અમ્બ્રેલા વર્ક હેઠળ મંજૂર કરવામાં આવી છે.

'કવચ' એ ભારતની સ્વદેશી રીતે વિકસાવવામાં આવેલી ઓટોમેટિક ટ્રેન પ્રોટેક્શન (ATP) સિસ્ટમ છે, જે ટ્રેનની અવરજવરના સતત મોનિટરિંગ દ્વારા સિગ્નલ પાસ્ડ એટ ડેન્જર (SPAD)ની ઘટનાઓ અને ટ્રેનની અથડામણોને અટકાવવા માટે ડિઝાઇન કરવામાં આવી છે. આ સિસ્ટમ જ્યારે જરૂર પડે ત્યારે આપમેળે બ્રેક લગાવે છે, ટ્રેનોને મહત્તમ પરવાનગી આપેલી ઝડપે સુરક્ષિત રીતે ચલાવવા માટે સક્ષમ બનાવે છે, કામગીરીની વિશ્વસનીયતામાં સુધારો કરે છે અને ગાઢ ધુમ્મસ જેવી પ્રતિકૂળ હવામાન પરિસ્થિતિઓ દરમિયાન પણ સુરક્ષિત ટ્રેન કામગીરીને ટેકો આપે છે.

મંજૂર કરાયેલું કામ પૂર્વોત્તર રેલવેના ઇજ્જતનગર ડિવિઝનના બાકીના સેક્શનોને આવરી લે છે. કવચ સંસ્કરણ 4.0ની જોગવાઈથી નિર્ધારિત રેલવે સેક્શનો પર સુરક્ષા ઇન્ફ્રાસ્ટ્રક્ચર વધુ મજબૂત બનશે.

SM/BS/JD