بھارت  کے خصوصی اقتصادی زون (ای ای زیڈ) میں ماہی گیری کے لیے رسائی پاس ایک مفت ڈیجیٹل پاس ہے، جو ریئل کرافٹ پورٹل کے ذریعے جاری کیا جاتا ہے۔ اس کا بنیادی مقصد روایتی ماہی گیروں، کوآپریٹو سوسائٹیوں اور مچھلی پالنے والوں کی پیداواری تنظیموں (ایف ایف پی اوز) کو خصوصی اقتصادی زون (12 سے 200 بحری میل تک) میں ماہی گیری کے لیے بااختیار بنانا ہے، جبکہ سمندری ماہی گیری کے وسائل کے پائیدار استعمال کو بھی یقینی بنانا ہے۔یہ ایکسیس پاس حکومت ہند کی جانب سے 4 نومبر 2025 کو جاری کردہ ‘‘خصوصی اقتصادی زون میں ماہی گیری کے پائیدار استعمال کے قواعد، 2025’’ کے تحت جاری کیا جاتا ہے۔ 24 میٹر سے زیادہ لمبائی والے مشینی ماہی گیری کے جہازوں اور بڑے موٹر سے چلنے والی کشتیوں کے لیے رسائی پاس لازمی ہے، جبکہ مقامی روزگار کے تحفظ کے لیے روایتی غیر موٹرائزڈ اور چھوٹی دستکاری کشتیوں کو مکمل طور پر اس سے مستثنیٰ رکھا گیا ہے۔اس اہم اقدام کا مقصد روایتی اور چھوٹے پیمانے کے ماہی گیروں، ماہی گیری سے متعلق کوآپریٹو سوسائٹیوں اور مچھلی پالنے والوں کی پیداواری تنظیموں کو بااختیار بنانا ہے، تاکہ وہ ماہی گیری کی سرگرمیوں کو وسعت دے سکیں، گہرے سمندر میں ماہی گیری کے ذریعے غیر استعمال شدہ وسائل سے فائدہ اٹھا سکیں اور مصنوعات کی پروسیسنگ اور برآمدات کے ذریعے آمدنی کے نئے ذرائع حاصل کر سکیں، جس سے ان کے روزگار اور معاشی حالات میں بہتری آئے گی۔خصوصی اقتصادی زون کے قواعد کے مطابق، ہندوستان کے خصوصی اقتصادی زون میں 12 بحری میل سے آگے ماہی گیری کی سرگرمیاں انجام دینے کے لیے ایکسیس پاس لازمی ہے۔ اب تک ساحلی ریاستوں اور مرکز کے زیرانتظام علاقوں کے ذریعے موصول ہونے والی درخواستوں کی بنیاد پر مجموعی طور پر 9,650 رسائی پاس جاری کیے جا چکے ہیں۔ خصوصی اقتصادی زون کے قواعد، 2025 کے تحت جاری کیے گئے ایکسیس پاس کی ریاست/مرکز کے زیرانتظام علاقہ وار صورت حال ضمیمے میں دی گئی ہے۔

علاقائی سمندری حدود سے باہر کام کرنے والے ہندوستانی ماہی گیروں کے لیے برآمدات کے نئے مواقع پیدا کرنے کے مقصد سے مرکزی بجٹ 2026-27 میں اعلان کیا گیا کہ خصوصی اقتصادی زون (ای ای زیڈ) یا کھلے سمندر میں ہندوستانی ماہی گیری کے جہازوں کے ذریعے پکڑی جانے والی مچھلی پر کسٹم ڈیوٹی عائد نہیں کی جائے گی، جبکہ غیر ملکی بندرگاہوں پر مچھلی اتارنے کو اشیا کی برآمد تصور کیا جائے گا۔ اس کے ساتھ ہی آمدورفت یا ایک جہاز سے دوسرے جہاز میں مال منتقل کرنے کے دوران اس سہولت کے غلط استعمال کو روکنے کے لیے حفاظتی اقدامات بھی کیے جائیں گے۔اس اعلان پر عمل درآمد کرتے ہوئے کسٹمز ایکٹ، 1962 میں ضروری ترامیم کی گئی ہیں، تاکہ خصوصی اقتصادی زون میں پکڑی جانے والی مچھلی کو کسٹم ڈیوٹی سے مستثنیٰ قرار دیا جا سکے۔ ریئل کرافٹ پورٹل کے ذریعے جاری کیا جانے والاایکسیس پاس، میرین پروڈکٹس ایکسپورٹ ڈیولپمنٹ اتھارٹی (ایم پی ای ڈی اے) اور ایکسپورٹ انسپیکشن کونسل (ای آئی سی) سے منسلک ہے، جس کے ذریعے پکڑی گئی مچھلی کے سرٹیفکیٹ اور صحت کے سرٹیفکیٹ باآسانی جاری کیے جا سکیں گے، اور مچھلی کی مکمل سراغ رسانی اور ماحولیاتی معیار کی نشان دہی کو یقینی بنایا جا سکے گا۔

حکومت کے تمام محکموں کی مشترکہ کوششوں پر مبنی طریقۂ کار اختیار کرتے ہوئے، حکومت ہند کا محکمہ ماہی گیری، ایک مشترکہ ورکنگ گروپ (جے ڈبلیو جی) کے ذریعے وزارت تعاون کے ساتھ مل کر چھوٹے پیمانے کے ماہی گیروں، ماہی گیری سے متعلق کوآپریٹو سوسائٹیوں اور مچھلی پالنے والوں کی پیداواری تنظیموں (ایف ایف پی اوز) کو گہرے سمندر میں ماہی گیری، ماہی گیری کے بعد مچھلی کی دیکھ بھال، پروسیسنگ اور برآمدات کے شعبوں میں فروغ دینے کے لیے کام کر رہا ہے۔وزارت تعاون کوآپریٹو اداروں کو مضبوط بنانے اور نیشنل کوآپریٹو ڈیولپمنٹ کارپوریشن (این سی ڈی سی) کے ذریعے کوآپریٹو قرضوں تک رسائی آسان بنانے میں مدد فراہم کر رہی ہے۔ پردھان منتری متسیا سمپدا یوجنا (پی ایم ایم ایس وائی) کے تحت این سی ڈی سی نے مہاراشٹر، گجرات، پڈوچیری اور گوا میں گہرے سمندر میں ماہی گیری کے جہازوں کی خریداری کے لیے مدد فراہم کی ہے۔این سی ڈی سی نے حکومت ہند کے محکمہ ماہی گیری کی جانب سے نافذ کیے جانے والے فشریز اینڈ ایکواکلچر انفراسٹرکچر ڈیولپمنٹ فنڈ (ایف آئی ڈی ایف) کے تحت بھی گہرے سمندر میں ماہی گیری کے جہازوں کی خریداری کے لیے مدد فراہم کی ہے۔

ایکسیس پاس کا نظام موجودہ ڈیجیٹل ماہی گیری اور بحری سلامتی کے نظام کے ساتھ مربوط ہو کر کام کرتا ہے۔ اسے ماہی گیری کے جہازوں پر نصب سیٹلائٹ سے منسلک ٹرانسپونڈرز کے ساتھ مربوط کیا گیا ہے اور نَبھ مترموبائل ایپلی کیشن سے بھی جوڑا گیا ہے۔ اس کے ذریعے ممکنہ ماہی گیری کے علاقوں (پی ایف زیڈ) سے متعلق حقیقی وقت کی معلومات، موسم کی پیش گوئی، سمندری طوفان اور سونامی کی وارننگ، بحری رہنمائی سے متعلق مشورے، انٹرنیشنل میری ٹائم باؤنڈری لائن (آئی ایم بی ایل) سے متعلق انتباہات، ہنگامی مواصلات اور دیگر حفاظتی معلومات براہ راست سمندر میں موجود ماہی گیروں تک پہنچائی جاتی ہیں، جس سے ان کی حفاظت میں اضافہ اور ماہی گیری کی کارکردگی میں بہتری آتی ہے۔

ضمیمہ

بھارت کے ای ای زیڈ میں ماہی گیری کے لیے ایکسیس پاس کے حوالے سے بیان

 

یہ معلومات ماہی گیری ، مویشی پروری اور ڈیری کے وزیر جناب راجیو رنجن سنگھ عرف للن سنگھ نے راجیہ سبھا میں ایک سوال کے جواب میں فراہم کی ۔

 

********

) ش ح ۔ ش آ۔ ج)

U.No. 1907

(रिलीज़ आईडी: 2298241) आगंतुक पटल : 8