MTTA Academy, Malki, Shillong | 8 tarik Nailar 2026: Hapoh ka MPOWER Training of Master Trainers Programme kaba don mynta ha ka snem kaba 2 jong ka jingpyntreikam, la pynlong ïa ka jingai jinghikai kaba hynriew sngi naduh ka 3 tarik haduh ka 8 tarik Nailar 2026 ha Meghalaya Teacher Training Academy (MTTA), Malki, Shillong. Ka prokram ka la pynleit jingmut ha kaba pynkhlain ïa ka bor treikam jong ki Master Trainer ha ki bynta ba kongsan jong ka jingnang jingstad ha ka jingim, ka jingnang jingstad ha ka liang ka pisa tyngka, ka jingkoit jingkhiah ha ka bor pyrkhat bad ka jingkoit jingkhiah ha ka liang ka jingshongkha bad ka jingkha khun, kaba la long u mawmer kaba kongsan ha kaba pyntreikam ïa ka prokram MPOWER bad ki jingpyrshang ba iaibteng jong ka Meghalaya ban pynkhlain ïa ka jingkyntiew ia ka bor treikam jong ki nonghikai, ban kyntiew ia ka jingheh jingsan pura jong ki samla, bad ban kyntiew ia ki jingmih na ka jingioh jinghikai ha kylleng ka jylla. Ïa kane ka jingai jinghikai la kyrshan da ka MTTA, kaba la pynbiang ïa ka jingkyrshan ba donkam bad ki jaka ai jinghikai, katba ïa ki technical session la ai da ki nongiatreilang hapoh ka prokram MPOWER, ka Magic Bus India Foundation bad ka WorldBeing India.

Ki Resource person na ka Magic Bus India Foundation bad ka WorldBeing India ki la pynïaid ïa kane ka prokram kyntiew ia ka bor treikam kaba hynriew sngi. Ha kane ka prokram ai jinghikai la wan ban ïashim bynta haduh 65 ngut ki Master Trainer na ki hynniew tylli ki district kata ka East Khasi Hills, Ri Bhoi, East Jaiñtia Hills, South West Khasi Hills, West Garo Hills, East Garo Hills bad North Garo Hills. Ia kane ka prokram la saindur khnang ban pynkhlain ia ka jingtip, ka jingtbit bad ki jinglah ban pynsuk ia ki kam kiba donkam ban ialam ia ka bynta kaba bud jong ka jingai jinghikai ia ki nonghikai hapoh ka prokram MPOWER. Hadien ka jingpyndep kaba jop ia kane ka prokram, ki Master Trainer kin ai jinghikai hok ia 1,729 ngut ki nonghikai na ki skul SSA bad ki Skul Sorkar ha la ki jong ki jong ki distrik, kaba kyrshan ia ka jingpyntreikam hok ia ka prokram MPOWER.

"Ka Master Trainer training jong ka MTTA ka long ka sienjam kaba kongsan ban pynkhlain ia ka bor treikam jong ki nonghikai ha kylleng ka jylla Meghalaya. Da kaba pynkhreh ia ki Master Trainer jong ngi da ki jingtbit ban pynsuk ia ki kam bad ka jingsngewthuh kaba kham jylliew shaphang ki jingtbit ha ka jingim, ka jingkoit jingkhiah ha ka bor pyrkhat, ka jingkoit jingkhiah ha ka liang ka jingshongkha bad ka jingkha khun, bad ka jinghikai shaphang ka kam pisa tyngka, ngi buh ia ka nongrim na ka bynta ki kamra pule kiba kham kynthup lang ia baroh bad kiba pynshong nongrim ha ki nongpule. Nga sngewnguh shibun ia ka jingtrei shitom jong ka kynhun MPOWER bad ki seng ba iatreilang bad ngi ban pynlong ia kane ka jingai jinghikai kaba jop." La ong u Dr David M. Nongrum, Associate Professor, DERT & Additional Director, Meghalaya Teacher Training Academy (MTTA).

Ka jingai jinghikai ka pynkhreh ia ki nongiashim bynta da ka jingnang jingstad, ka jingtbit, bad ki rukom pynsuk ba lah ban pyndonkam kiba donkam ban pynbiang ia ka jingai jinghikai ia ki nonghikai ha ka rukom kaba seisoh, kaba bha ha ka Jingnang jingstad ha ka jingim, ka jingnang jingstad ha ka kam ka pisa tyngka, ka koit ka khiah ha ka bor pyrkhat, bad ka koit ka khiah ha ka jingshongkha bad ka jingkha khun. Kine ki phang ba kongsan kilong ka bynta ba kongsan jong ka prokram bad ki noh synniang sha ka jingroi ba pura jong ki samla da kaba kyntiew ia ka jingiaineh, ka jingshim rai kaba don ka jingkitkhlieh, ka jingkoit jingkhiah ha ka jingsngew, ka jingiadei kaba koit ba khiah, ka jingsngewthuh shaphang ka kam pisa tyngka bad ki jaka pule kiba shngain bad kiba kynthup lang ia baroh. Shuh shuh, lyngba kine ki bynta, ki nongiashim bynta ki don ka jingsngewthuh kaba kham jylliew shaphang ka jingheh jingsan jong ki samla, ki rukom hikai kiba pynshong nongrim ha ki nongpule bad ki rukom hikai kiba kynthup lang ia baroh, katba ki pynkhlain ia ki sap plie lad kiba donkam ban pynpoi ia ki jingai jinghikai kiba iadon bynta lang, kiba don jingmut bad kiba ktah ia ki nonghikai ha kylleng ka jylla Meghalaya.

La sdang ia ka prokram da ka jingpynshai shaphang ka prokram MPOWER, bud sa ka jingkren plie ba la ai da ka Kong J.U. Kharpuri, MCS, Director, DERT, kaba la ban jur ia ka jingdonkam ban bei tyngka ha ka bor treikam jong ki nonghikai kum u mawjam jong ka jingkylla ha ka pule puthi. Ha baroh kawei ka prokram kaba hynriew sngi, ki nongiashim bynta ki la iashim bynta ha ki jingialang iamir jingmut, ki jingpyni ia ki kam ba lah ban leh, ki bynta kiba iadei bad ki jingplie lad bad ki jingpynlong klas ba la saindur khnang ban pynkhlain ia ka jingsngewthuh jong ki ia ki phang bad ka jingtbit ban plie lad. Ka rukom hikai kaba pyndonkam da ka jingshem bad ka jingïashim bynta ka kyntiew ïa ka jingshaniah, ka jingtip bad ka jinglah ban treikam jong ki Master Trainer.

Ha ka sngi pynkut ia ka prokram la don ka jingpeit bniah ïa ki jinghikai ba kongsan, ka jingbishar bniah hadien ka jingai jinghikai ban peit bniah ïa ka jingkiew jong ki nongïashim bynta, bad ka jingpynkhreh ïa ki plan ai jinghikai ïa ki nonghikai ha ki distrik ban ïalam ïa ka jingpyntreikam kaba paka ïa ka bynta kaba bud jong ka prokram.

"Ka jingshitrhem bad ka jingaiti ba la pyni da ki Master Trainer ha baroh kawei ka prokram ka la long kaba ai mynsiem shisha. Ngi kyrmen ba ki jinghikai shaphang ki jingnang jingstad ha ka jingim, ka jingkoit jingkhiah ha ka bor pyrkhat, ka jingkoit jingkhiah ha ka liang ka jingshongkha bad ka jingkha khun, bad ka jinghikai shaphang ka kam pisa tyngka kin iarap ïa ki nonghikai ban wanrah ïa ka jingling jingman jong ka jingpule kaba shngain, kaba kyrshan, kaba kynthup lang ia baroh bad kaba ïashim bynta ha kaba uwei pa uwei u khynnah u ioh jinghikai bad sngew ba u long uba niewkor." La ong ka Dr. Caraline Y. Kharmalki, Assistant Professor, DERT & Nodal Officer, MPOWER.

Ka MTTA ka la pynskhem biang ia ka jingkular jong ka ban tei ia ki nonghikai kaba tbit bad kaba la pynkhreh na ka bynta ka lawei kaba lah ban iahap bad ki jingdonkam kiba nang kylla jong ki nongpule da kaba pynkhlain ia ka bor treikam jong ki nonghikai bad ban kyntiew ia ki rukom hikai kiba thymmai, kiba kynthup lang ia baroh bad kiba pynshong nongrim ha ki khynnah. Ka MTTA ka iaibteng ban don ka bynta kaba kongsan ha kaba kyntiew ïa ka jingthmu jong ka Meghalaya na ka bynta ka jingpule kaba bha kaba pynkhreh ïa uwei pa uwei u khynnah da ka jingnang jingstad, ka jingtbit bad ki nongrim kiba donkam ban long kiba jop ha ka pyrthei kaba kylla man ka por.

RSVP:  Name: Andrew Tshering Bareh

M: +91 9717071671

Mail: mpowermediacomms[at]gmail[dot]com 

Name: Inri Roy Gatphoh

M: 8974068391

Mail: mpowermediacomms[at]gmail[dot]com 

(Release ID: 2297329) visitor counter : 14