உயர்கல்வியானது, இளைஞர்கள் அர்த்தமுள்ள தொழில் வாழ்க்கையை அமைத்துக் கொள்ளவும், நாட்டின் வளர்ச்சிக்குப் பங்களிக்கவும் புதிய வழிகளைத் திறக்கவும் முடியும். இருப்பினும், நிதி நெருக்கடிகள் காரணமாக, தரமான கல்வி, கல்விசார் வளங்கள், திறன் மேம்பாடு ஆகியவற்றுடன் தொடர்புடைய செலவுகளை மாணவர்கள் சமாளிப்பது பெரும்பாலும் கடினமாகிறது.

 பொருளாதாரத்தில் பின்தங்கிய பிரிவைச் சேர்ந்த 21 வயதான பி.டெக் இரண்டாம் ஆண்டு மாணவரான யர்ரா மகேஷ், 2025-ம் ஆண்டில் வழங்கப்பட்ட ₹52,540/- கல்வி உதவித்தொகையின் உதவியுடன், மிகுந்த நம்பிக்கையுடனும் கவனத்துடனும் தனது கல்வியைத் தொடர முடிந்துள்ளது.

கல்வி உதவித்தொகை ஆதரவானது, கல்லூரிக் கட்டணம், விடுதிச் செலவுகள், உணவுக் கட்டணங்கள், பயணச் செலவுகள், கல்வி உபகரணங்கள், இணையம், கல்விசார் வளங்கள், பதிவுக் கட்டணங்கள் மற்றும் இதர கல்வித் தேவைகள் உள்ளிட்ட பல செலவுகளைச் சமாளிக்க உதவியது. இந்த உதவியானது அவரது குடும்பத்தின் மீதான நிதிச் சுமையைக் குறைத்து, மகேஷ் தனது கல்வி, திறன் மேம்பாட்டில் மேலும் திறம்பட கவனம் செலுத்த வழிவகுத்தது.

உயர்கல்வியைத் தொடர்வதில் நிதிச் சவால்கள் இருந்தபோதிலும், மகேஷ் தனது தொழில்நுட்பத் திறன்களை வலுப்படுத்தி, தொழில்நுட்பத் துறையில் ஒரு வெற்றிகரமான வாழ்க்கையை உருவாக்கிக்கொள்வதில் உறுதியாக இருந்தார். அவரது கல்விப் பயணம், நடைமுறை அனுபவத்தைப் பெறுவதற்கும், தொழில்நுட்பத்தின் வளர்ந்து வரும் துறைகளை ஆராய்வதற்கும் அவருக்கு வாய்ப்புகளை வழங்கியுள்ளது.

2025-ம் ஆண்டில் யர்ரா மகேஷுக்கு ₹52,540/- கல்வி உதவித்தொகை வழங்கப்பட்டது. இந்த உதவியானது, முக்கியமான கல்வி, வாழ்க்கைச் செலவுகளைச் சமாளிக்க உதவியதுடன், அவரது படிப்பு தொடர்பான நிதிச் சுமையையும் கணிசமாகக் குறைத்தது.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்: https://www.pib.gov.in/PressReleasePage.aspx?PRID=2296749&reg=3&lang=1

***

TV/PLM/RJ

(வெளியீட்டு அடையாள எண்: 2296822) வருகையாளர் எண்ணிக்கை : 47