এইমছ গুৱাহাটীৰ নাৰ্চিং মহাবিদ্যালয়খনে ২০২৬ চনৰ ৫ আগষ্টত তৃতীয়টো প্ৰতিষ্ঠা দিৱস উদযাপন কৰি নাৰ্চিং শিক্ষা, গৱেষণা আৰু সেৱাৰ ক্ষেত্ৰত উৎকৃষ্টতাৰ যাত্ৰাৰ আন এক উল্লেখযোগ্য মাইলৰ খুঁটি হিচাপে পৰিগণিত হয়।

মহাবিদ্যালয়খনৰ প্ৰাচীৰ পত্ৰিকা উন্মোচনৰ জৰিয়তে উদযাপনৰ অনুষ্ঠানৰ আৰম্ভণি কৰা হয়, তাৰ পিছত প্ৰতিষ্ঠা দিৱসৰ আনুষ্ঠানিক কাৰ্যসূচী আৰম্ভ হয়। অনুষ্ঠানত এইমছ গুৱাহাটীৰ নাৰ্চিং মহাবিদ্যালয়ৰ অধ্যক্ষ তথা মুখ্য নাৰ্চিং বিষয়া অধ্যাপক (ডাঃ) উনমোনা বৰগোহাঁই শইকীয়াই বাৰ্ষিক প্ৰতিবেদন দাখিল কৰি মহাবিদ্যালয়খনৰ শৈক্ষিক, গৱেষণা, শিক্ষাৰ্থীৰ বিকাশ, দক্ষতাভিত্তিক প্ৰশিক্ষণ, সম্প্ৰদায়ৰ প্ৰসাৰ আৰু প্ৰতিষ্ঠানিক সহযোগিতাৰ কৃতিত্বৰ ওপৰত আলোকপাত কৰে।

অনুষ্ঠানত শ্বিলঙৰ নেইগ্ৰিহমছৰ নাৰ্চিং মহাবিদ্যালয়ৰ অধ্যক্ষ অধ্যাপক নোচোভোনো তাছে আৰু ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰালয়ৰ এন এইচ এছ আৰ চিৰ উত্তৰ-পূৰ্বাঞ্চলৰ আঞ্চলিক সম্পদ কেন্দ্ৰৰ সঞ্চালক ডাঃ ৰাজ প্ৰভা মক্টানে সন্মানীয় অতিথি হিচাপে অংশগ্ৰহণ কৰে। তেওঁলোকে মহাবিদ্যালয়খনৰ অগ্ৰগতিৰ প্ৰশংসা কৰে আৰু নাৰ্চিং শিক্ষা, গৱেষণা, নেতৃত্ব আৰু মানৱীয় স্বাস্থ্যসেৱাৰ ক্ষেত্ৰত তেওঁলোকৰ উৎকৃষ্টতা অব্যাহত ৰাখিবলৈ অধ্যাপক আৰু ছাত্ৰ-ছাত্ৰীসকলক উৎসাহিত কৰে।

এইমছ গুৱাহাটীৰ কাৰ্যবাহী সঞ্চালক অধ্যাপক (ডাঃ) অশোক পুৰাণিকৰ পৌৰোহিত্যত অনুষ্ঠিত এই কাৰ্যসূচীত মহাবিদ্যালয়খনৰ সাফল্যৰ বাবে অভিনন্দন জনোৱাৰ লগতে নাৰ্চিং শিক্ষা আৰু ৰোগীক গুণগত সেৱা আগবঢ়োৱাৰ ক্ষেত্ৰত অধ্যাপক, ছাত্ৰ-ছাত্ৰী, কৰ্মচাৰীসকলৰ নিষ্ঠাৰ শলাগ লয়।

অধ্যাপক সদস্যসকলক তেওঁলোকৰ শৈক্ষিক কৃতিত্বৰ বাবে সম্বৰ্ধনা জনোৱাৰ বিপৰীতে মেধাৱী ছাত্ৰ-ছাত্ৰীসকলক তেওঁলোকৰ অসাধাৰণ শৈক্ষিক প্ৰদৰ্শনৰ বাবে বঁটা প্ৰদান কৰা হয়। ছাত্ৰ-ছাত্ৰীসকলৰ সাংস্কৃতিক অনুষ্ঠান পৰিৱেশনে এই উদযাপন অধিক মনোগ্ৰাহী কৰি তোলে। অনুষ্ঠানত ডীন, অধ্যাপক সদস্য, নাৰ্চিং বিষয়া, শিক্ষাৰ্থী আৰু অন্যান্য বিশিষ্ট ব্যক্তিসকলে অংশগ্ৰহণ কৰে।

 

*****

 

PG/KD

(ৰিলিজ আই ডি : 2296336) অতিথি কক্ষ : 22