نمامی گنگے مشن-II (این جی ایم-II) کے تحت سال 2025 کے دوران کل 70 سیوریج انفراسٹرکچر پروجیکٹس نافذ کیے گئے، جن میں 25 سیوریج ٹریٹمنٹ پلانٹس (ایس ٹی پیز) شامل ہیں۔

نمامی گنگے پروگرام کے تحت جون 2026 تک 4263 ایم ایل ڈی سیوریج ٹریٹمنٹ کی صلاحیت پیدا کی گئی ہے۔ آلودہ دریا کے پھیلاؤ (پی آر ایس) 2025 پر سی پی سی بی کی رپورٹ کے مطابق، گنگا کے مرکزی دھارے کی آلودگی کے بارے میں درج ذیل معلومات دستیاب ہیں:

گنگا کا مرکزی دھارا: ریاست وار موازنہ (سال 2018 کے مقابلے میں سال 2025)

2024-25 کے دوران دریائے گنگا اور اس کی معاون ندیوں کے ساتھ 50 مقامات اور دریائے جمنا اور اس کی معاون ندیوں کے ساتھ 26 مقامات پر کی گئی حیاتیاتی نگرانی کے مطابق، حیاتیاتی آبی معیار (بی ڈبلیو کیو) بنیادی طور پر "اچھا" سے "معتدل" تک تھا۔ متنوع بینتھک میکرو-انورٹیبریٹ انواع کی موجودگی آبی حیات کو برقرار رکھنے کے لیے دریاؤں کی ماحولیاتی صلاحیت کی نشاندہی کرتی ہے۔

نمامی گنگے پروگرام کے تحت حیاتیاتی تنوع کے تحفظ کو سائنسی تحقیق، رہائش گاہ کی بحالی، انواع کی بازیابی، ماہی گیری کے تحفظ، دلدلی علاقوں کی بحالی اور شجرکاری کے ذریعے دریا کے احیا کے ایک اہم جزو کے طور پر مربوط کیا گیا ہے۔

نمامی گنگے پروگرام کے تحت حیاتیاتی تنوع کا تحفظ سائنسی تشخیص، رہائش گاہ کی بحالی، انواع کی بازیابی اور کمیونٹی کی شرکت کے ذریعے کیا گیا ہے۔ دریا کے تقریباً 7,680 کلومیٹر پر محیط حصوں کے سائنسی سروے میں 3,037 گھڑیالوں کی دستاویز بندی کی گئی، جس کی بنیاد پر نیشنل گھڑیال کنزرویشن ایکشن پلان تیار کیا گیا۔ نیشنل سینٹر فار ریور ریسرچ، وائلڈ لائف انسٹی ٹیوٹ آف انڈیا، دہرادون میں قائم کیا گیا ہے، اور چار آبی جانوروں کے بچاؤ اور بحالی کے مراکز کے ساتھ ساتھ ہندوستان کی پہلی ڈولفن ریسکیو ایمبولینس نے آبی حیوانات کے بچاؤ، بحالی اور نگرانی، نیز گنگا کی ڈولفن، کچھوؤں اور دیگر آبی حیوانات کے تحفظ کو مضبوط کیا ہے۔ اس پروگرام کے تحت تقریباً 6,800 آبی جانوروں کو بچایا گیا ہے اور ان کی بحالی کی گئی ہے۔ تحفظی افزائش کے پروگراموں کے ذریعے 1,500 سے زیادہ میٹھے پانی کے کچھوؤں کے بچے پیدا کیے گئے ہیں، 711 کچھوؤں کو دریائے گنگا میں چھوڑا گیا ہے، جبکہ 893 گھڑیالوں کے بچے اور 1,899 کچھوے ان کے قدرتی مساکن میں چھوڑے گئے ہیں۔ این ایم سی جی، ٹرٹل سروائیول الائنس فاؤنڈیشن انڈیا (ٹی ایس اے ایف آئی) کے ذریعے انتہائی خطرے سے دوچار سرخ تاج والے کچھوے (بٹاگور کچوگا) کی رہائی اور رہائی کے بعد نگرانی میں بھی معاونت کر رہا ہے۔

سائنسی جائزوں میں دریائے گنگا میں مچھلیوں کی 215 انواع (206 مقامی اور 9 غیر ملکی) کی دستاویز بندی کی گئی ہے۔ آئی سی اے آر-سینٹرل ان لینڈ فشریز ریسرچ انسٹی ٹیوٹ (سی آئی ایف آر آئی) کے تعاون سے این ایم سی جی نے مقامی مچھلیوں کی آبادی کی بحالی کے لیے سائنسی بنیادوں پر دریا میں مچھلیوں کے بیج چھوڑنے کا کام شروع کیا ہے۔ انڈین میجر کارپس، مہسیر اور ہلسا پر مشتمل تقریباً 2.05 کروڑ مچھلیوں کے بیج گنگا اور اس کی معاون ندیوں میں چھوڑے گئے ہیں۔ اتر پردیش میں سات گنگا بائیو ڈائیورسٹی پارکس کی ترقی کے ذریعے حیاتیاتی تنوع کے تحفظ کو مضبوط کیا گیا ہے، جبکہ ریاستی جنگلات کے محکموں کے تعاون سے پانچ گنگا طاس والی ریاستوں میں مقامی انواع کا استعمال کرتے ہوئے 33,024 ہیکٹر سے زیادہ رقبے پر شجرکاری کی گئی ہے، اور 113 اضلاع میں 5,500 سے زیادہ گنگا پرہاریوں کو متحرک کیا گیا ہے۔

این ایم سی جی نے گنگا طاس والی ریاستوں میں ماحولیاتی لحاظ سے اہم دلدلی علاقوں کی سائنسی شناخت اور ترجیح بندی میں معاونت کی ہے، اور دلدلی علاقے (تحفظ اور انتظام) قواعد، 2017 کے تحت دلدلی علاقوں کے انتظامی منصوبوں کی تیاری اور ان کے نوٹیفکیشن میں بھی مدد فراہم کی ہے۔ دلدلی علاقوں کی بحالی اور سائنسی انتظام کو بہار، جھارکھنڈ، اتر پردیش اور دہلی میں وسعت دی گئی ہے۔ ایک اہم نتیجے کے طور پر حکومت اتر پردیش نے حال ہی میں 20 دلدلی علاقوں کو نوٹیفائی کیا ہے۔ دریا کی ڈولفنوں کی ملک گیر آبادی کے پہلے تخمینے (2021-2023) کے مطابق، ہندوستان میں گنگا کی ڈولفن کی تخمینہ آبادی 6,327 ہے۔ (حوالہ: "ہندوستان میں ریور ڈولفن کی آبادی کی حیثیت-2024" پر ایم او ای ایف اینڈ سی سی کی رپورٹ)

نیشنل مشن فار کلین گنگا (این ایم سی جی) کے ذریعے دریائے گنگا اور اس کی معاون ندیوں میں پانی کے معیار کو بہتر بنانے کے لیے، نرمل دھارا اور اویرل دھارا کے مقاصد کے حصول کے لیے اٹھائے گئے اقدامات درج ذیل ہیں:

• آلودہ دریاؤں کی صفائی کے لیے 35,970 کروڑ روپے کی تخمینہ لاگت سے کل 219 سیوریج انفراسٹرکچر پروجیکٹس (ایس ٹی پیز) شروع کیے گئے ہیں، جن سے سیوریج ٹریٹمنٹ کی کل 6,610 ملین لیٹر یومیہ (ایم ایل ڈی) صلاحیت پیدا ہوگی۔ مجموعی طور پر 4,263 ایم ایل ڈی ٹریٹمنٹ صلاحیت کے حامل 146 سیوریج انفراسٹرکچر پروجیکٹس مکمل ہو چکے ہیں۔
• صنعتی آلودگی کے خاتمے کے لیے تین کامن ایفلوئنٹ ٹریٹمنٹ پلانٹس (سی ای ٹی پیز) کی منظوری دی گئی ہے، یعنی جاجماؤ سی ای ٹی پی (20 ایم ایل ڈی)، بنتھر سی ای ٹی پی (4.5 ایم ایل ڈی) اور متھرا سی ای ٹی پی (6.25 ایم ایل ڈی)۔ ان میں سے دو پروجیکٹس، متھرا سی ای ٹی پی (6.25 ایم ایل ڈی) اور جاجماؤ سی ای ٹی پی (20 ایم ایل ڈی)، مکمل ہو چکے ہیں۔
• این ایم سی جی نے اکتوبر 2018 میں نوٹیفائی کیے گئے کم از کم ای-فلو کے اصولوں کو کامیابی سے نافذ کیا، جس سے دریائے گنگا میں مسلسل ماحولیاتی بہاؤ کو یقینی بنایا گیا۔ اس کی باقاعدہ تعمیل کی مؤثر نگرانی سنٹرل واٹر کمیشن (سی ڈبلیو سی) کے ذریعے کی جا رہی ہے۔
• دریا کی بحالی کے لیے فطرت پر مبنی حل کے طور پر ترجیحی دلدلی علاقوں کا تحفظ اور بحالی۔
• ساحلی جنگلات کی توسیع اور مقامی انواع کا استعمال کرتے ہوئے خراب شدہ دریائی رہائش گاہوں کی بحالی۔
• سائنسی نگرانی، رہائش گاہ میں بہتری، بچاؤ اور بحالی کے پروگراموں کے ذریعے گنگا ڈولفن، گھڑیال، میٹھے پانی کے کچھوؤں، اوٹروں اور مقامی مچھلیوں کی انواع کے مساکن کا تحفظ اور بحالی۔
• وائلڈ لائف انسٹی ٹیوٹ آف انڈیا (ڈبلیو آئی آئی) اور آئی سی اے آر-سی آئی ایف آر آئی جیسے اداروں کے ذریعے طویل مدتی ماحولیاتی نگرانی، حیاتیاتی تنوع کی تشخیص اور دریائی ماحولیاتی نظام پر تحقیق کو مضبوط بنانا۔
• ماہی گیری کے وسائل اور آبی ماحولیاتی نظام کی صحت کو بہتر بنانے کے لیے ہلسا سمیت مقامی مچھلیوں کی انواع کی سائنسی بنیادوں پر افزائش اور تحفظ۔
• گنگا پرہری نیٹ ورک کے ذریعے کمیونٹی کی قیادت میں تحفظ کو فروغ دینا اور ریاستی جنگلات کے محکموں، مقامی برادریوں اور دیگر اسٹیک ہولڈرز کی شمولیت کو مضبوط بنانا۔
• گنگا حیاتیاتی تنوع کے پارکوں کی مسلسل ترقی، دلدلی علاقوں کی بحالی اور مربوط ماحولیاتی نظام پر مبنی انتظام، تاکہ آلودگی میں کمی کے روایتی اقدامات کی تکمیل اور تقویت دی جا سکےاور نرمل دھارا اور اویرل گنگا کے مقاصد کی حمایت کی جا سکے۔

یہ معلومات وزیر مملکت برائے جل شکتی، جناب  راج بھوشن چودھری نے آج لوک سبھا میں ایک سوال کے تحریری جواب میں فراہم کیں۔

***

UR-1516

(ش ح۔اس ک  )

(रिलीज़ आईडी: 2295786) आगंतुक पटल : 5