آٹوموبائل اور آٹو اجزا کی صنعت کے لیے پروڈکشن لنکڈ انسینٹو (پی ایل آئی-آٹو) اسکیم ملک بھر میں نافذ کی جا رہی ہے۔ پی ایل آئی-آٹو اسکیم کے نفاذ کی موجودہ صورتِ حال درج ذیل ہے:

گھریلو مینوفیکچرنگ اور ایڈوانسڈ آٹوموٹیو ٹیکنالوجی (اے اے ٹی) مصنوعات کی مقامی تیاری کو فروغ دینے کے لیے پی ایل آئی-آٹو اسکیم کے تحت مراعات کے حصول کے لیے کم از کم 50 فیصد گھریلو ویلیو ایڈیشن (ڈی وی اے) لازمی قرار دیا گیا ہے۔ 28 جولائی 2026 تک 18 درخواست دہندگان کو 155 اے اے ٹی مصنوعات/ویریئنٹس کے لیے ڈی وی اے سرٹیفکیٹ جاری کیے جا چکے ہیں۔

بھاری صنعتوں کی وزارت (ایم ایچ آئی) نے 20 فیصد سے زائد ایتھنول پر چلنے والی فلیکس فیول گاڑیوں کی حوصلہ افزائی کے لیے کوئی علیحدہ مرحلہ وار قومی پالیسی وضع نہیں کی ہے۔

اسی طرح ایم ایچ آئی نے فلیکس فیول اور برقی گاڑیوں کی حوصلہ افزائی کے حوالے سے کوئی مطالعہ بھی نہیں کیا ہے۔

حکومت نے ایتھنول آمیزہ پٹرول (ایتھنول بلینڈڈ پٹرول - ای بی پی) پروگرام کے نفاذ کے لیے ایک متوازن نقطۂ نظر اپنایا ہے، تاکہ پانی کے وسائل کی پائیداری، غذائی تحفظ اور کسانوں کے مفادات کو ترجیح دی جا سکے۔ بائیو فیول سے متعلق قومی پالیسی کے تحت ایتھنول مختلف منظور شدہ فیڈ اسٹاک سے تیار کیا جاتا ہے، جن میں گنے پر مبنی خام مال، مکئی، خراب شدہ غذائی اجناس، ٹوٹے ہوئے چاول، انسانی استعمال کے لیے نااہل غذائی اجناس، نیشنل بائیو فیول کوآرڈینیشن کمیٹی (این بی سی سی) کی جانب سے منظور شدہ اضافی غذائی اجناس، اور دیگر منظور شدہ زرعی فیڈ اسٹاک شامل ہیں۔

حکومت مکئی جیسے کم پانی استعمال کرنے والے فیڈ اسٹاک کی جانب فصلوں کے تنوع کو بھی فروغ دے رہی ہے۔ زراعت اور کسانوں کی بہبود کی وزارت کی جانب سے 2024 میں تشکیل دی گئی ایک ماہر کمیٹی نے مختلف ایتھنول فیڈ اسٹاک فصلوں کی پانی کی ضروریات کا جائزہ لیا تھا، اور اس کی سفارشات کو پروگرام کے نفاذ میں مدنظر رکھا جا رہا ہے۔

پردھان منتری کرشی سینچائی یوجنا کے "فی قطرہ زیادہ فصل" (پر ڈراپ مور کروپ)جزو کے تحت مائیکرو آبپاشی، ڈرپ آبپاشی اور پانی کے تحفظ کے دیگر اقدامات کے ذریعے پانی کے مؤثر استعمال کو فروغ دیا جا رہا ہے۔ اس کے علاوہ متعدد چینی ملیں بھی کسانوں کو پانی کی بچت پر مبنی کاشتکاری کے طریقے اپنانے کی ترغیب دے رہی ہیں۔

انسینیریشن بوائلرز سے لیس اور اناج پر مبنی ڈسٹلریوں کے ساتھ مولاسس پر مبنی ڈسٹلریوں کے لیے زیرو لیکویڈ ڈسچارج (زیڈ ایل ڈی) نظام کے تحت کام کرنا لازمی ہے، جس کے ذریعے مائع فضلے کے اخراج کو ختم کرتے ہوئے پانی کی ری سائیکلنگ اور دوبارہ استعمال کو ممکن بنایا جاتا ہے۔

***

(ش ح۔اس ک  )

UR-1330

(रिलीज़ आईडी: 2294636) आगंतुक पटल : 6