مرکزی وزیر داخلہ اور امداد باہمی کے وزیر جناب امت شاہ نے لوک سبھا میں ایک تحریری جواب میں بتایا کہ حکومت مدھیہ پردیش سے موصولہ معلومات کے مطابق مدھیہ پردیش کے نرسنگھ پور ضلع کے ٹنڈو کھیڑا اسمبلی حلقے میں کوئی کوآپریٹو شوگر ملز نہیں ہے ۔  اس وقت نرسنگھ پور ضلع میں آٹھ نجی شوگر ملیں کام کر رہی ہیں ، جن میں سے دو شوگر ملیں ٹنڈوکھیڑا اسمبلی حلقہ میں کام کر رہی ہیں ۔

مرکزی حکومت ملک کے کسی بھی حصے میں کوآپریٹو شوگر مل قائم نہیں کرتی ہے ۔  محکمہ خوراک اور عوامی تقسیم سے موصولہ معلومات کے مطابق ، پریس نوٹ مورخہ 31 اگست  1998  کے ذریعے، چینی کی صنعت کو لازمی لائسنسنگ کی ضرورت والی صنعتوں کی فہرست سے خارج کر دیا گیا۔

امداد باہمی کی وزارت نے ملک میں کوآپریٹو شوگر ملوں کی بحالی کے لیے اقدامات کیے ہیں ۔  نیشنل کوآپریٹو ڈیولپمنٹ کارپوریشن (این سی ڈی سی) امداد باہمی کی وزارت کے انتظامی کنٹرول کے تحت ایک قانونی تنظیم ہے، جو کوآپریٹو شوگر ملوں کی بحالی اور جدید کاری کے لیے یا تو براہ راست کوآپریٹو شوگر ملز (سی ایس ایم) کو یا ریاستی حکومت کے ذریعے اسے سی ایس ایم کو منتقل کرنے کے لیے مالی مدد فراہم کرتی ہے ۔

 

.......................................

) ش ح –ا ع خ-ق ر)

U.No. 760

(रिलीज़ आईडी: 2290618) आगंतुक पटल : 13