অৱাং নোংপোক লমদমগী চাউখৎ-থৌরাং মন্ত্রালয়
কেন্দ্র মন্ত্রী শ্রী জ্যোতিরাদিত্যা এম.সিন্দিয়ানা দোনর মন্ত্রালয়গী ফ্লেগশিপ য়ু.এস.পি. ইনিসিয়েতিবকী পার্লিয়ামেন্তরী কন্সলতেতিব কম্মিতী মীফমদা থৌরম মপু ওইখ্রে
আত্মনিরভর অমদি গ্লোবেল্লি কম্পিতিতিব নোর্থ ইস্তকি প্রধান মন্ত্রী শ্রী নরেন্দ্র মোদীগী ভিজন অদু মাংলোমদা চংশিলহনবা
प्रविष्टि तिथि:
27 JUL 2026 9:01PM by PIB Imphal
ন্যু দিল্লী, জুলাই ২৭, ২০২৬- দিভেলপমেন্ত ওফ নোর্থ ইস্ত রিজন এন্দ কম্যুনিকেসনগী কেন্দ্র মন্ত্রী শ্রী জ্যোতিরাদিত্য এম. সিন্দিয়ানা ঙসি দিভেলপমেন্ত ওফ নোর্থ ইস্ত রিজন মন্ত্রালয়(দোনর)গী ফ্লেগশিপ য়ুনিক সেল্লিং প্রোপোজিসন(য়ু.এস.পি.) ইনিসিয়েতিব মন্ত্রালয়গী খুমাং চাওশিনবা রিভিয়ু তৌনবগীদমক্তা পার্লিয়ামেন্তরী কন্সলতেতিব কম্মিতী মীফমদা থৌরম মপু ওইখ্রে। মীফম অদুদা দোনেরগী রাজ্য মন্ত্রী দা.সুকান্ত মজুমদার, ‘অস্তলক্ষ্মী’ রাজ্য পুম্নমক্কি সাংসদকী মীহুৎশিং অমসুং দিভেলপমেন্ত ওফ নোর্থ ইস্ত রিজন মন্ত্রালয়(দোনর)গী মকোক থোঙবা ওফিসিএলশিংনা শরুক য়াখি।
মীফম অদুদা সাংসদকী মীহুৎশিংগা মমল য়াম্লবা রাজ্য-স্পেসিফিক ফিদবেক, ইমপ্লিমেন্তেসনগী এক্সপরিয়েন্সশিং অমসুং প্রোজেক্তকি থবক পায়খত্পাদা হেন্না মপাঙ্গল কনখৎহন্নবা সজেসনশিং সেয়র তৌখিবা প্রদক্তিব ওইবা ইন্তরেক্সন অমা উবা ফংখি। কেন্দ্র অমসুং রাজ্যশিংগী মরক্তা কোওর্দিনেসন হেন্না মপাঙ্গল কনখৎহনবগা লোয়ননা মার্কেৎ এক্সেস হেনগৎহনবা, ভেল্যু এদিসন, ব্রান্দিং, লোজিস্তিক্স, এক্সপোর্ত প্রমোসন অমসুং ইন্সতিত্যুস্নেল সপোর্ত্তা মীত্য়েং থমখি।
রাজ্যনা লমজিংদুনা লৈহন্নবা য়ু.এস.পি. ইনিসিয়েতিব
শ্রী সিন্দিয়ানা অকনবা ৱাফম থমখি মদুদি য়ু.এস.পি.গী থৌরাং অসি্ ফন্দামেন্তেল ওইনা রাজ্যনা থৌগৎপনি, রাজ্য সরকার খুদিংমক্না মখোয়গী চাংদম্নবা পাঙ্গল অমসুং লোকেল এসপিরেসনশিংদা য়ুমফম ওইরগা মখোয়গী ফ্লেগশিপ প্রদক অদু মশক খঙদোক্লি। মহাক্না হায়খি মদুদি দোমর মন্ত্রালয়গী থবক অসিগা চান্নহনবা, কেন্দ্র মন্ত্রালয়শিং অমসুং রাজ্য সরকারশিংগা তেংবাংননবা অমদি থবক য়াংশিহন্দুনা খুমাং চাউশিলহন্নবগীদমক্তা মরি লৈনবা লমশিং অমত্তা পুনশিন্ননবা তৌগনি হায়না ফোংদোকখ্রে।
হোল-ওফ-গবরনমেন্ত এপ্রোচ দ্রাইভিং কনভরজেন্স
মন্ত্রালয় অসিগী হোল-ওফ-গবরনমেন্ত এপ্রোচতা পন্দুনা মন্ত্রীনা হায়খি মদুদি দোনর মন্ত্রালয় অসি কেন্দ্র মন্ত্রালয়শিং, রাজ্য সরকারশিং, ইমপ্লিমেন্তিং এজেন্সীশিং, ফার্মর প্রদ্যুসর ওর্গানাইজেসন্স(এফ.পি.ও.)শিং ইন্দস্ত্রী পার্ত্নরশিং, ফাইনান্সিএল ইন্সতিত্যুসনশিং অমসুং প্রাইভেৎ সেক্তরশিং অসিনা এগ্রীগেতর অমা ওইনা থবক তৌরি হায়না ফোংদোকখি। মহাক্না অন্দরলাইন তৌখি মদুদি ফ্লেগশিপ প্রোজেক্তশিং অসি কোলাবোরেতিব এক্সনগী খুত্থাংদা খ্বাইদগী য়াম্বা আওৎকমশিং ফংহন্নবা স্কীমশিং অমসুং রিশোর্সশিংগী কনভরজেন্সকি খুত্থাংদা পায়খৎলি।
মালেমগী ওইনা কম্পিতিতিব ভেল্যু চেনশিং শেমগত্পা
মন্ত্রীনা অমুক হন্না হায়খি মদুদি ফ্লেগশিপ ইনিসিয়েতিব খুদিংমক মপূঙ ফাবা মার্কেৎ-লিঙ্ক দিবলপমেন্ত মোদেল অমগী মনুংদা দিজাইন তৌখ্রে অমসুং মসিদা প্রদক্সন হেঙ্গৎহনবা, ক্বালিতি ফগৎহনবা, প্রোসেশিং ইনফ্রাস্ত্রকচর, ব্রান্দিং, পেকেজিং, ভেল্যু এদিসন অমসুং থাজবা য়াবা মার্কেৎ লিঙ্কেজশিংদা চপ মান্ননা মীত্য়েং চংলি। মহাক্না নোৎ তৌখি মদুদি পান্দম অসি শুপ্নগী পুথোকপা হেনগৎহনবখক্তদা নত্তনা লৌমীশিং, ওন্ত্রপ্রিনরশিং অমসুং মফমদুগী খুন্নাইগীদমক্তা তুং কোয়না চৎকদবা পুন্সী মহিং অমা পুরকপা ঙম্বা মালেমগী ওইনা চাংদম্নবা য়াবা ভেল্যু চেনশিং শেমগৎপনি।
অৱাং নোংপোক লমদম শিনবা থুংনা ফ্লেগশিপ মীসন ৮
হৌজিক পায়খৎলিবা ফ্লেগশিপ ইনিসিয়েতিবশিংগী মনুংদা অরুনাচল প্রদেশতা কিৱী মীসন, অসামদা মুগা শিল্ক মীসন, মেঘালয়দা লকাদোং য়াইঙংগী মীসন, মীজোরামদা শিংগী মীসন, নাগালেন্দদা কোফি মীসন, সিক্কীমদা ওর্গানিক এগ্রীকলচর মীসন অমসুং ত্রিপুরাদা ক্বীন পাইনএপল মীসন য়াওরি।
অহানবা ফেজদা রাজ্য অমদা ফ্লেগশিপ প্রদক অমা
মন্ত্রীনা কম্মীতিদা খঙহনখি মদুদি মন্ত্রালয় অসিগী খুদক্কী ওইবা থৌরাংদি মতুং তারকপা ফেজশিংদা অহেনবা সেক্তরশিং পাকথোক চাউথোক্লবা মতুংদা রাজ্য খুদিংমক্তা ফ্লেগশিপ প্রদক অমা মায় পাক্না থম্বনি। মহাক্না হায়খি মদুদি রাজ্য অমনা তোঙানবা কম্পিতিতিব এদভান্তেজ নত্রগা মার্কেৎ আইদেন্তিতি লৈবা মফমদা রাজ্য শিনবা থুংনা পোত্থোক ওভরলেপ তৌবা অসি য়াবা য়াই। সিক্কীমগী মতাংদা পল্লদুনা শ্রী সিন্দিয়ানা ভারতকি চাদা ১০০ খক্তগী ওর্গানিক রাজ্য অমা ওইনা রাজ্য অসিগী অখন্নবা পোজিসন অদু ফোঙদোকখি, মসিনা মালেমগী কৈথেলশিংদা মশক থোকপা খুদোংচাবা অমা পিরি।
ব্রান্দিং, লোজিস্তিক্স অমসুং এক্সপোর্ত রেদিনেসতা মীত্য়েং থম্বা
কম্মীতি অসি্না ব্রান্দিং, লোজিস্তিক্স অমসুং এক্সপোরৎ রেদিনেস মপাঙ্গল কনখৎহন্নবা থৌরাংশিংগী মতাংদসু খন্ন-নৈনখি। মেম্বরশিংনা এয়রপোর্তশিং, পার্লিয়ামেন্ত আওৎলেৎশিং অমসুং কত্থোক্লবা মার্কেতিং প্লেৎফোর্মশিংগী খুত্থাংদা অৱাং-নোংপোক্কি পোত্থোকশিং য়োকখৎনবা পাওতাক পিখি। মন্ত্রীনা লমদম্ অসি্গী পৃমীয়ম্ প্রদকশিং অসি্ ইন্তর্নেস্নেল মার্কেৎশিং অমসুং অচৌবা ই-কমর্স প্লেৎফোর্মশিংগা শম্নহন্নবা হোত্নরিবশিং অদু ফোঙদোকখি অমসুং ভেল্যু চেনশিং অমসুং প্রোসেশিং ইনফ্রাস্ত্রকচরশিং মপাঙ্গল কনখৎহল্লি।
ফ্লেগশিপ ইনিসিয়েতিবশিং ইফেক্তিব ওইনা ইমপ্লিমেন্ত তৌনবা থৌরাংশিং এম.পি.শিংনা পাওতাক পিরি
পার্লিয়ামেন্তকি মেম্বরশিংনা কন্সত্রক্তিব সজেসন কয়া অমা সেয়র তৌখি অমসুং ইমপ্লিমেন্তেসনগী মরুওইবা এশ্পেক্তশিংগী মতাংদা খন্নখি, মদুগী মনুংদা অহেনবা তেক্নিকেল মেনপাৱরগী মথৌ তাবা, য়াম্না থুনা অয়াবা পিবা, ইন্তর-মিনিস্ত্রিএল কোওর্ডিনেসন হেন্না কনখত্পা, শরতিফিকেসন অমসুং এক্সপোরতকি মতেং হেনগৎহনবা, অমসুং লৌমীশিং অমসুং প্রদ্য়ুশর গ্রুপশিংগী মরক্তা হেননা এৱেয়রনেস অমসুং কেপাসিতি বিল্দিং য়াওরি।
মেম্বরশিংদগী ফংলকপা মমল য়াম্লবা সজেসনশিং থাগত্লদুনা শ্রী সিন্দিয়ানা মখোয়বু কেন্দ্র অমসুং রাজ্যশিংগী মরক্তা ফেসিলিতেতর ওইনা মখা তানা থবক তৌদুনা ফ্লেগশিপ ইনিসিয়েতিবশিং অসি মতম চানা অমসুং ইফেক্তিব ওইনা ইমপ্লিমেন্ত তৌনবা পুক্নিং থৌগৎখি।
মীফম অদুদা প্রধান মন্ত্রী শ্রী নরেন্দ্র মোদীগী খুঞ্জাও-লৈচাওবা, ইরোমদোম লেপচবা ঙম্বা অমসুং বিকসিত নোর্থ ইস্ত অমগী ভিজনগী মওংদা অস্তলক্ষ্মী রাজ্য খুদিংমক্কি অখন্নবা পাঙ্গলশিং অদু মগুন লৈবা পুথোকপা, ভেল্যু এদিসন, অচেৎপা লোজিস্তিক্স, অচেৎপা মওংদা মালেমগী ওইনা চাংদম্নবা য়াবা শেন্মীৎলোনগী খুদোংচাবশিংদা ওন্থোক্নবা মন্ত্রালয়গী ৱাশক অদু অমুক হন্না চেৎশিলহনখি।
***
(रिलीज़ आईडी: 2290295)
आगंतुक पटल : 8