بھارت ہیوی الیکٹریکلز لمیٹڈ (بی ایچ ای ایل) اپنی کاروباری ضروریات، بازار میں دستیاب مواقع اور ٹیکنالوجی میں ہونے والی پیش رفت کو مدنظر رکھتے ہوئے اپنے کارخانوں اور تنصیبات کی جدیدکاری، تکنیکی بہتری اور پیداواری صلاحیت میں اضافے کے اقدامات کرتا رہتا ہے۔ مالی سال 26-2025 کے دوران کمپنی نے اپنی تنصیبات کی توسیع، جدیدکاری اور پیداواری صلاحیت بڑھانے کے لیے671 کروڑ روپے کے سرمایہ جاتی اخراجات کیے۔

مزید برآں بھاری صنعتوں کی وزارت‘‘بھارتی سرمایہ جاتی اشیاء کے شعبے میں مسابقت بڑھانے کی اسکیم، مرحلہ دوم’’ کے تحت بھارت ہیوی الیکٹریکلز لمیٹڈ (بی ایچ ای ایل) نے حیدرآباد اور بھوپال میں اسٹریٹجک شعبوں میں استعمال ہونے والے آلات کی جانچ کے لیے جدید سہولتیں اور اعلیٰ درجے کے مواد کی جانچ کی سہولتیں قائم کی ہیں۔ اس کے علاوہ جدید ویلڈنگ ٹیکنالوجیز میں ہنرمندی کی تربیت فراہم کرنے کے لیے چھ مقامات پر مشترکہ انجینئرنگ سہولت مراکز (سی ای ایف سی) قائم کیے گئے ہیں، جن کے تحت اب تک 10 ہزار سے زائد ویلڈروں کو ویلڈنگ کی جدید تکنیکوں کی تربیت دی جا چکی ہے۔

بی ایچ ای ایل نے جوہری توانائی، دفاع و خلائی شعبے اور قابل تجدید توانائی جیسے شعبوں میں بھی اپنی سرگرمیوں کو وسعت دی ہے۔ بی ایچ ای ایل اب تک 5.4 گیگاواٹ صلاحیت کے جوہری توانائی یونٹس کے لیے آلات فراہم کر چکی ہے۔ کمپنی بھارتی بحریہ کو اہم دفاعی گنگز کی فراہمی کرنے والی ایک مستقل سپلائر بھی ہے۔

بی ایچ ای ایل کی تروچراپلی یونٹ میں پیداواری صلاحیت بڑھانے کے لیے مالی سال 25-2024 اور 26-2025 کے دوران تقریباً 70 کروڑ روپے کے سرمایہ جاتی اخراجات (کیپیکس) کیے گئے ہیں۔ مزید برآں، 30 جون 2026 تک بی ایچ ای ایل کی تروچراپلی یونٹ کے پاس موجود زیر تکمیل آرڈرز کی مالیت43,927 کروڑ روپے ہے۔گزشتہ دو برسوں کے دوران اس یونٹ نے مختلف عہدوں اور زمروں میں100 سے زائد ملازمین کی بھرتی بھی کی ہے۔

یہ معلومات بھاری صنعتوں کی وزارت کے وزیرمملکت جناب بھوپتی راجو سری نواس ورما نے آج لوک سبھا میں ایک تحریری جواب  میں فراہم کیں۔

*********

 ش ح۔ک  ح۔ش ت

Urdu No-651

(रिलीज़ आईडी: 2289910) आगंतुक पटल : 6