وزیر اعظم جناب نریندر مودی کی صدارت میں اقتصادی امور کی کابینہ کمیٹی نے آج کرناٹک اور آندھرا پردیش میں بلاری کی تیسری اور چوتھی لائن  لاگت 1,264 کروڑ(تقریباً) کو منظوری دے دی ہے۔

یہ پروجیکٹ پی ایم گتی شکتی نیشنل ماسٹر پلان پر مبنی ہے جس میں مربوط منصوبہ بندی اور اسٹیک ہولڈر مشاورت کے ذریعے کثیرالوضعی رابطے اور لاجسٹک کارکردگی کو بڑھانے پر توجہ دی گئی ہے۔ یہ پروجیکٹ لوگوں، سامان اور خدمات کی نقل و حرکت کے لیے ہم وار رابطے فراہم کرے گا۔

کرناٹک اور آندھرا پردیش کی ریاستوں کے 03 اضلاع کو محیط یہ پروجیکٹ انڈین ریلوے کے موجودہ نیٹ ورک میں تقریباً 46 کلومیٹر کا اضافہ کرے گا۔

تجویز کردہ ملٹی ٹریکنگ پروجیکٹ تقریباً 99 دیہاتوں تک رابطے کو بہتر بنائے گا، جن کی آبادی تقریباً سات لاکھ ہے۔

صلاحیت میں اضافہ ملک بھر میں کئی اہم سیاحتی مقامات بشمول بالاری قلعہ، سری کمار سوامی مندر وغیرہ کے لیے ریل رابطے کو بہتر بنائے گا۔

تجویز کردہ پروجیکٹ لوہے کی کچ دھات، ڈولومائٹ، چونے کا پتھر، لوہا اور اسٹیل، کوئلہ، کھاد، اناج وغیرہ جیسے اجناس کی نقل و حمل کے لیے ایک ضروری راستہ ہے۔ صلاحیت میں اضافے کے کاموں کے نتیجے میں 16.22 ایم ٹی پی اے (ملین ٹن فی سال) مال بردار ٹریفک میں اضافہ ہوگا۔ ریلوے، جو کہ نقل و حمل کا ماحول دوست اور توانائی کے لحاظ سے موثر ذریعہ ہے، آب و ہوا کے اہداف کے حصول اور ملک کی لاجسٹک لاگت کو کم کرنے، تیل کی درآمد (1.32 کروڑ لیٹر) کو کم کرنے اور CO2 کے اخراج (6.67 کروڑ کلوگرام) کو کم کرنے میں مدد کرے گا، جو کہ 0.27 کروڑ درخت لگانے کے برابر ہے۔

بڑھی ہوئی لائن کی صلاحیت نقل و حرکت کو نمایاں طور پر بہتر بنائے گی، جس کے نتیجے میں انڈین ریلوے کے لیے آپریشنل کارکردگی اور سروس کی وشوسنییتا میں بہتری آئے گی۔ یہ ملٹی ٹریکنگ تجویز آپریشنز کو ہم وار کرنے اور بھیڑ کو کم کرنے کے لیے تیار ہے۔ یہ پروجیکٹ وزیر اعظم جناب نریندر مودی جی کے نئے بھارت کے وژن سے ہم آہنگ ہےجو اس علاقے میں جامع ترقی کے ذریعے علاقے کے لوگوں کو ’آتمِ نربھر‘ بنائے گا جس سے ان کے روزگار/خود روزگار کے مواقع میں اضافہ ہوگا۔

***

(ش ح - ع ا)

U.No. 515