حکومت نے حج 2026 کے دوران بھارتی عازمین کے لیے حج کے انتظامات کو بہتر بنانے کے لیے کئی ڈیجیٹل اقدامات کیے ہیں۔ اہم اقدامات درج ذیل ہیں:

1. حج سہولت ایپ 2.0: وزارت نے 'حج سہولت ایپ 2.0' لانچ کی ہے، جو کہ ایک بہتر ڈیجیٹل پلیٹ فارم ہے اور عازمین کو ان کے حج کے سفر سے متعلق شروع سے آخر تک کی تمام معلومات اور خدمات فراہم کرتا ہے۔ یہ ایپ سفری نظام الاوقات (شیڈول)، رہائش کی تفصیلات، سامان کی معلومات، ہنگامی رابطوں، ایس او ایس، صحت سے متعلق معلومات، اہم ایڈوائزریز، اور شکایات کے ازالے تک آسان رسائی فراہم کرتی ہے، جس سے باہمی رابطے اور خدمات کی فراہمی میں بہتری آتی ہے۔ عازمین حج سہولت ایپ کے ذریعے اپنی شکایات درج کر سکتے ہیں اور ان کی پیشرفت پر نظر رکھ سکتے ہیں، جس سے وقت پر شکایات کا ازالہ اور بہتر خدمات کی فراہمی ممکن ہوتی ہے۔
2. آن لائن حج درخواست اور انتخاب: حج کی درخواست کا عمل ایک آن لائن پورٹل اور 'حج سہولت ایپ' کے ذریعے مکمل کیا جاتا ہے، اور عازمین کا انتخاب ایک شفاف، کمپیوٹرائزڈ طریقے سے کیا جاتا ہے، جو کارکردگی اور شفافیت کو یقینی بناتا ہے۔
3. آن لائن ادائیگی کا نظام: عازمین حج سے متعلق ادائیگیاں محفوظ آن لائن طریقوں کے ذریعے کر سکتے ہیں، جس سے وقت پر اور آسان مالیاتی لین دین کی سہولت ملتی ہے۔
4. فلائٹ کے آن لائن انتخاب کی سہولت: عازمین کو آن لائن سسٹم کے ذریعے اپنی پسندیدہ فلائٹ کی تاریخوں اور اوقات کا انتخاب کرنے کی سہولت فراہم کی گئی ہے، جو کہ آپریشنل فزیبلٹی کے تابع ہے، جس سے عازمین کی سہولت اور سفر کی منصوبہ بندی میں بہتری آتی ہے۔
5. پاسپورٹ کا ڈیجیٹل اندراج: پاسپورٹ کو جسمانی طور پر جمع کرانے کی شرط کو ختم کر دیا گیا ہے۔ عازمین اب پاسپورٹ کی تفصیلات ڈیجیٹل طور پر جمع کرا سکتے ہیں، جس سے کاغذی کارروائی، پروسیسنگ کا وقت اور اسٹیٹ/یو ٹی حج کمیٹیوں کے بار بار چکر لگانے کی ضرورت کم ہو گئی ہے۔
6. ڈیجیٹل رہائش اور عازمین کی معلومات: رہائش سے متعلق تفصیلات، فلائٹ کی معلومات اور عازمین کے لیے مخصوص دیگر خدمات 'حج سہولت ایپ' اور آن لائن حج پورٹل کے ذریعے ڈیجیٹل طور پر دستیاب کرائی گئی ہیں، جس سے عازمین کے لیے معلومات تک آسان رسائی ممکن ہو گئی ہے۔

حکومت نے حج 2026 کے دوران بھارتی عازمینِ حج کی فلاح و بہبود کو بہتر بنانے کے لیے کئی اقدامات کیے ہیں، خاص طور پر صحت کی دیکھ بھال، رہائش، ٹرانسپورٹ اور ہنگامی امداد کے شعبوں میں۔ اہم اقدامات درج ذیل ہیں:

1. بہتر رہائش: حج 2026 کے لیے مکہ مکرمہ میں بھارتی عازمینِ حج کے لیے بہتر سہولیات اور خدمات کے ساتھ ہوٹل نما رہائش کا انتظام کیا گیا ہے۔ منیٰ کے کیمپوں میں، سوفا اور بیڈ فراہم کر کے روایتی رہائشی انتظامات کو جدید بنایا گیا ہے، جس سے عازمین کے آرام اور جگہ کے بہتر استعمال کو یقینی بنایا گیا ہے۔
2. سعودی عرب میں طبی ڈھانچہ: حج کے پورے دورانیے میں بھارتی عازمینِ حج کو طبی خدمات فراہم کرنے کے لیے حج کے اہم مقامات پر کلینکس، طبی مراکز اور ڈسپنسریاں قائم کی گئی ہیں۔ حکومت بھارتی عازمین کو طبی امداد فراہم کرنے کے لیے اہل ڈاکٹروں، پیرا میڈیکل اسٹاف اور دیگر طبی عملے کو سعودی عرب روانہ کرتی ہے۔
3. جامع انشورنس کور: ہر عازمِ حج کو ایک جامع انشورنس اسکیم کے تحت کور کیا گیا ہے جس میں 6.25 لاکھ روپے تک کا تحفظ دیا گیا ہے، جو حج کے دوران کسی بھی غیر متوقع ہنگامی صورتحال کے خلاف مالی تحفظ فراہم کرتا ہے۔
4. بہتر ٹرانسپورٹ : بھارتی عازمینِ حج کے لیے مکہ اور مدینہ کے درمیان ہائی اسپیڈ ریل کے ذریعے سفر کی سہولت فراہم کی گئی ہے، جس سے سفر کا وقت نمایاں طور پر کم ہو گیا ہے اور حفاظت و سہولت میں اضافہ ہوا ہے۔
5. کمزور عازمین کے لیے خصوصی سہولت: 65 سال اور اس سے زیادہ عمر کے عازمین کے لیے ایک مددگار کا ساتھ ہونا لازمی قرار دیا گیا ہے تاکہ پورے سفرِ حج کے دوران انہیں مناسب مدد اور دیکھ بھال مل سکے۔

حکومت ڈیجیٹل خدمات اور اصلاحات کے ذریعے بھارتی عازمینِ حج کی حفاظت، فلاح و بہبود، آرام اور ہمہ جہت خیر و عافیت کو یقینی بنانے کے لیے پرعزم ہے۔

یہ معلومات اقلیتی امور کے مرکزی وزیر جناب کرن رجیجو کے ذریعہ آج راجیہ سبھا میں ایک تحریری جواب میں دی گئی۔

**********

 

 

 (ش ح –اب ن)

U.No:397

(रिलीज़ आईडी: 2288047) आगंतुक पटल : 6