پردھان منتری کوشل وکاس یوجنا (پی ایم کے وی وائی)، جو 2015 میں شروع کی گئی تھی، بتدریج طلب پر مبنی، صنعت سے ہم آہنگ اور نتیجہ پر مبنی ہنرمندی کی طرف ترقی کر چکی ہے۔ پی ایم کے وی وائی 1.0 نے قلیل مدتی تربیت، سند یافتہ اور سابقہ تجربے کی شناخت (آر پی ایل) کے لیے قومی فریم ورک قائم کیا؛ پی ایم کے وی وائی 2.0 نے شعبہ جاتی اور جغرافیائی کوریج کو بڑھایا، ریاستی سطح پر عمل درآمد متعارف کرایا اور قومی ترجیحات اور مشنوں کے ساتھ ہم آہنگی کو فروغ دیا؛ جب کہ پی ایم کے وی وائی 3.0 نے مقامی ہنرمندی کے خلا، روزگار کے مواقع اور تربیتی ضروریات کی نشان دہی کے لیے ریاستی ہنرمندی ترقیاتی مشنوں اور ضلعی ہنرمندی کمیٹیوں کے ذریعے وکندریقرت، نچلی سطح کی منصوبہ بندی کو مضبوط کیا۔ پی ایم کے وی وائی 4.0 کے تحت، تربیت کے اہداف اور ملازمت کے کرداروں کو قومی ترجیحات اور مشنوں، ریاستی اور ضلعی ہنرمندی ترقیاتی منصوبوں، صنعت کی طلب، ہنرمندی کے خلا کا اندازہ، ادارہ جاتی صلاحیت اور عمل درآمد کی تیاری کی بنیاد پر ترجیح دی جاتی ہے۔ یہ اسکیم مصنوعی ذہانت، سائبر سیکیورٹی، سیمی کنڈکٹر، 5 جی، انٹرنیٹ آف تھنگز، ڈرون ٹیکنالوجی، گرین توانائی اور ایڈیٹیو مینوفیکچرنگ جیسے شعبوں میں نئے دور کے اور مستقبل کے ملازمت کے کرداروں کو بھی ترجیح دیتی ہے، جس سے قومی ترقیاتی ترجیحات اور علاقائی افرادی قوت کی ضروریات کو روزگار پر مبنی ہنرمندی سے جوڑا جا رہا ہے۔

مزید برآں، نیشنل اسکل ڈیولپمنٹ کارپوریشن (این ایس ڈی سی) کے ذریعے شروع کیے گئے اسکل امپیکٹ بانڈ کو چار برسوں میں 50,000 نوجوانوں کو، جن میں کم از کم 60 فیصد خواتین شامل ہیں، صرف تربیت اور سند یافتہ ہونے کے بجائے مستقل روزگار کے نتائج پر توجہ مرکوز کر کے فائدہ پہنچانے کے لیے ڈیزائن کیا گیا تھا۔ یکم جولائی 2026 تک، 51,869 امیدواروں کو اس پہل کے تحت داخلہ دیا گیا ہے اور 48,437 کو سند یافتہ کیا گیا ہے۔

وزارت اور این ایس ڈی سی نے 15 جولائی 2026 کو تقریباًً 530 کروڑ روپے کے مجوزہ کارپس کے ساتھ ایک اسکلز آؤٹ کم فنڈ قائم کرنے کے لیے ایک مفاہمت نامہ (ایم او یو) کا تبادلہ کیا ہے۔ ایم ایس ڈی ای کے زیر اہتمام این ایس ڈی سی کے ذریعے چلائے جانے والے اس فنڈ کا مقصد صنعت سے ہم آہنگ ہنرمندی، روزگار، انٹرپرینیورشپ اور پائیدار روزگار کے راستوں کے ذریعے دو لاکھ سے زیادہ نوجوانوں کی مدد کے لیے حکومتی معاونت، کارپوریٹ سماجی ذمہ داری کی سرمایہ کاری اور فلاحی سرمائے کو متحرک کرنا ہے۔ یہ فنڈ اسکل واؤچرز، اسکل فنانسنگ میکانزم اور انٹرپرینیورشپ پر مبنی ماڈلز سمیت اختراعی طریقوں کی جانچ کے لیے ایک پلیٹ فارم پر بھی توجہ مرکوز کرتا ہے، جس میں قابل پیمائش نتائج کے لیے زیادہ جواب دہی شامل ہے۔

یہ اصلاحات وزارت کے ان پٹ اور تربیت کے حجم پر مبنی نقطہ نظر سے قابل پیمائش روزگار، برقرار رکھنے، آمدنی اور روزگار کے نتائج پر مرکوز ایک طلب پر مبنی فریم ورک کی طرف مسلسل تبدیلی کو ظاہر کرتی ہیں۔

وزارت معیار اور جواب دہی کو یقینی بنانے کے لیے پی ایم کے وی وائی کا وقتاً فوقتاً آزادانہ جائزوں کا انعقاد کرتی ہے۔ نیتی آیوگ (اکتوبر 2020) کے ایک جائزے میں بتایا گیا کہ سروے کیے گئے تقریبا 94 فیصد آجروں نے پی ایم کے وی وائی کے تحت تربیت یافتہ مزید امیدواروں کو ملازمت دینے کی خواہش ظاہر کی۔ اس مطالعہ میں یہ بھی بتایا گیا کہ ملازمت میں رکھے گئے یا سابقہ تجربے کی شناخت (آر پی ایل) کے جزو کے تحت تربیت یافتہ 52 فیصد امیدواروں نے غیر مصدقہ ساتھیوں کے مقابلے میں زیادہ تنخواہ حاصل کرنے یا بہتر آمدنی کی توقع ظاہر کی۔ انڈین انسٹی ٹیوٹ آف پبلک ایڈمنسٹریشن (آئی آئی پی اے) کے ذریعے پی ایم کے وی وائی 2.0 کے ایک آزادانہ جائزے میں پایا گیا کہ سروے کیے گئے تقریبا 70.5 فیصد امیدواروں کو ان کے مطلوبہ ہنرمندی کے شعبے میں ملازمت دی گئی۔

حال ہی میں، بھارت سرکار کی وزارتِ خزانہ کے ایک خود مختار ادارے، ارون جیٹلی نیشنل انسٹی ٹیوٹ آف فنانشل مینجمنٹ (اے جے این آئی ایف ایم) نے پی ایم کے وی وائی 4.0 کا ایک آزادانہ تھرڈ پارٹی امپیکٹ ایویلیوایشن کیا ہے۔ رپورٹ کے مطابق، پی ایم کے وی وائی کی تربیت نے قلیل مدتی تربیت (ایس ٹی ٹی) کے امیدواروں کے لیے روزگار کے نتائج میں ایک قابل پیمائش تبدیلی میں حصہ ڈالا ہے۔ تربیت سے قبل 26.6فیصد کے مقابلے میں تربیت کے بعد پی ایم کے وی وائی کی تربیت کے بعد ملازمت یافتہ اور خود روزگار ایس ٹی ٹی جواب دہندگان کا مجموعی تناسب 45.4فیصد تک بڑھ گیا، جو 18.8 فیصد پوائنٹس کا اضافہ ظاہر کرتا ہے۔ آمدنی سے متعلق نتائج بھی مثبت رجحان دکھاتے ہیں، جس میں 41.4فیصد ایس ٹی ٹی امیدواروں اور 48.9فیصد آر پی ایل امیدواروں نے تربیت اور سند یافتہ ہونے کے بعد آمدنی میں اضافے کی اطلاع دی ہے۔ مجموعی طور پر، پی ایم کے وی وائی 4.0 نے رسمی ہنرمندی کی تربیت اور سند یافتہ ہونے تک رسائی کو نمایاں طور پر بڑھایا ہے اور مستفید ہونے والوں کے ایک بڑے تناسب کے لیے ہنرمندی کے اعتماد، روزگار کی شرکت اور آمدنی کے نتائج میں قابل پیمائش بہتری پیدا کی ہے۔

وزارت نے پی ایم کے وی وائی کے تحت ہنرمندی کی پہل کے نفاذ کو مضبوط بنانے کے لیے اسٹریٹجک شراکت داری اور صنعت سے چلنے والی مداخلتوں کے ذریعے صنعتوں کی ایک وسیع رینج کے ساتھ تعاون کیا ہے۔ ایئر انڈیا سیٹس، فلپ کارٹ ایس سی او اے، اور سی ایم آر گرینز سمیت شعبوں کے معروف آجروں کے ساتھ صنعت سے متعلق ہنرمندی کی تربیت کی سہولت کے لیے مفاہمت نامے (ایم او یوز) پر دستخط کیے گئے ہیں۔ مزید برآں، ایچ سی ایل ٹیکنالوجیز، آئی بی ایم، بجاج فناسرو، اور مائیکروسافٹ جیسی پندرہ سے زیادہ معروف کمپنیوں کو بدلتی ہوئی صنعت کی ضروریات کے مطابق ملازمت کے کردار تیار کرنے کے لیے ایوارڈنگ باڈیز کے طور پر نامزد کیا گیا ہے۔ وزارت نے متحرک ہنرمندی کے خلا کے مطالعے، صنعت سے ہم آہنگ نصاب کے ڈیزائن، اور صنعت کے احاطے میں فراہم کی جانے والی تربیت کے ذریعے صنعت سے منسلک ہنرمندی کو بھی فروغ دیا ہے، جس سے ملازمت کے نتائج بہتر ہوئے ہیں۔ ہنرمندی کے ایکو سسٹم کو مزید مضبوط بنانے کے لیے، اختراعی طریقوں اور مراکز برائے فضیلت کے قیام پر غور کرنے کے لیے صنعت مشاورت ورکشاپس کا انعقاد کیا گیا ہے۔ اس کے علاوہ، تربیت یافتہ افراد کو عملی کام کی جگہ کا تجربہ فراہم کرنے اور ان کی روزگار کی صلاحیت کو بڑھانے کے لیے قلیل مدتی ہنرمندی کے پروگراموں میں آن-دی-جاب ٹریننگ (او جے ٹی) کو مربوط کیا گیا ہے۔

گذشتہ تین مالی برسوں کے دوران پی ایم کے وی وائی کے تحت سال در سال بجٹ کے تخمینے، نظر ثانی شدہ تخمینے اور اصل اخراجات درج ذیل ہیں:

(کروڑ روپے میں)

یہ معلومات آج راجیہ سبھا میں ایک تحریری جواب میں ہنرمندی کی ترقی اور انٹرپرینیورشپ کی وزارت (ایم ایس ڈی ای) کے وزیر مملکت (آزادانہ چارج)، جناب جینت چودھری نے فراہم کی۔

***

(ش ح - ع ا)

U.No. 364

(रिलीज़ आईडी: 2287831) आगंतुक पटल : 4