پیشہ ورانہ تعلیم اور تربیت کی قومی کونسل (این سی وی ای ٹی) اور وزارت دیہی ترقی، حکومت ہند کے خود مختار ادارے پنچایتی راج اور دیہی ترقی کے قومی انسٹی ٹیوٹ (این آئی آر ڈی اینڈ پی آر) نے 21 جولائی 2026 کو ایک معاہدے پر دستخط کیے، جس کے تحت این سی وی ای ٹی نے این آئی آر ڈی اینڈ پی آر کو ایوارڈنگ باڈی (اے بی-دوہری) کے طور پر منظوری دی ہے۔

اس منظوری کے بعد این آئی آر ڈی اینڈ پی آر اپنے منظور شدہ یا اختیار کردہ کورسز کے لیے، جہاں تربیت اس کے اپنے کیمپس یا اس کے زیرِ ملکیت یا مکمل طور پر زیرِ انتظام تربیتی مراکز میں براہِ راست فراہم کی جاتی ہے، تربیت حاصل کرنے والوں کا جائزہ لینے، انہیں اسناد جاری کرنے اور سرٹیفکیٹ دینے کا مجاز ہوگا۔

معاہدے پر دستخط کی تقریب کی صدارت وزارت ہنرمندی کی ترقی اور صنعت کاری کے ایڈیشنل سکریٹری اور این سی وی ای ٹی کے ایگزیکٹو رکن جناب نیرنجن کمار سدھانشو نے کی۔ تقریب میں این سی وی ای ٹی کے ڈائریکٹر (ریکگنیشن) لیفٹیننٹ کرنل وکرم سنگھ بھاٹی، ڈائریکٹر (مانیٹرنگ) لیفٹیننٹ کرنل سوربھ ایس بشٹ، این آئی آر ڈی اینڈ پی آر کے سینٹر فار پوسٹ گریجویٹ اسٹڈیز کے پروفیسر و سربراہ ڈاکٹر جیوتھس ستیہ پالان اور ڈی ڈی یو-جی کے وائی ریسورس سیل، این آئی آر ڈی اینڈ پی آر کی ڈائریکٹر (ٹریننگ اینڈ ڈیولپمنٹ) ڈاکٹر سندھیا گوپاکمارن بھی موجود تھیں۔

ابتدائی مرحلے کے تحت این آئی آر ڈی اینڈ پی آر کی جانب سے پیش کردہ "انڈسٹریل جنرل پیسٹ مینجمنٹ ٹیکنیشن" کی اہلیت اور پنچایتوں کی اپنی آمدنی کے ذرائع پیدا کرنے اور ان کے مؤثر استعمال سے متعلق ایک مائیکرو کریڈینشل کو پہلے ہی این سی وی ای ٹی کی منظوری حاصل ہو چکی ہے۔

این آئی آر ڈی اینڈ پی آر نے منصوبہ بنایا ہے کہ وہ این سی وی ای ٹی سے منظور شدہ ایسے کورسز شروع کرے گا، جن میں دیہی نوجوانوں کے لیے صنعت سے متعلق مہارت کے کورسز، سیلف ہیلپ گروپس (ایس ایچ جیز) کے لیے کاروباری صلاحیت پر مبنی کورسز، اور دیہی ترقی و پنچایتی راج کے شعبے سے وابستہ اہلکاروں کے لیے پیشہ ورانہ مہارت کے کورسز شامل ہوں گے۔

****

ش ح ۔   م  د ۔  م  ص

U : 302 

(रिलीज़ आईडी: 2287447) आगंतुक पटल : 6