Ka tnat Revenue, Hapoh ka Tnat Kam Pla Tyngka jong ka Sorkar India ka la pynlong ia ka Jingialang kaba 14 jong ka BIMSTEC Sub-Group halor ka Jingpyniaid Beain ia ka Pisa bad ka Jingialeh Pyrshah ia ka Jingbei Tyngka ia ki Kam Lehnoh ha Shillong, India ha ka 20 tarik u Naitung 2026. Ka Jingialang ka la wanrah lang ia ki kynhun na baroh hynniew tylli ki Ri ba long dkhot jong ka BIMSTEC, da kaba pynskhem biang ia ka jingkular lang jong ki ban pynkhlain ia ka jingiatreilang ha ka thain ha kaba ialeh pyrshah ia ka jingpyniaid beain ia ka pisa, ka jingbei tyngka ia ki lehnoh, ka jingbei tyngka ia ka jingpynroi ia ki tiar, bad kiwei kiwei ki jait kam runar kiba nang kiew.

Ka Jingialang ka la peit bniah ia ka jingjam shaphrang naduh ka Jingialang kaba 13 jong ka Sub-Group bad ka la iasam jingmut halor ki jingjop jong ka AML/CFT ha ka ri, ki jingma kiba dang mih, ki kam kiba nang kiew bad ki rukom treikam kiba bha. Da kaba ithuh ia ka jinglong ba nang kiew jong ki kam runar ha ka liang ka pisa tyngka ba la plié lad da ka teknoloji, ki Ri ba long dkhot ki la pynpaw ia ka jingdonkam ban pynkhlain ia ka jingiatreilang ha ki thain, ka jingsam jingtip ha ka por kaba biang, ka jingkyntiew ia ka bor treikam bad ka jingpyndonkam hok ia ka teknoloji ban kyntiew ia ki rukom treikam jong ka AML/CFT ha ki ri bad ha ka thain.

Kum ka sienjam kaba kongsan, ka Jingïalang ka la pyndep ia ka Paper on Illicit Flow of Funds (IFF) bad ka rukom treikam ban ïada na ka jingtuid pisa beaiñ ha ka thaiñ BIMSTEC, kumjuh ruh ïa ka jingïateh kular halor ka jingkyntiew ïa ka bor treikam ban ïakhun pyrshah ïa ka jingpyndonkam beain ia ka pisa bad ka jingbei tyngka ïa ki kam lehnoh, ban pynkhlain shuh shuh ïa ka jinglah ban ïatreilang ha ka thaiñ. Ka Jingialang ka la mynjur ruh ban wanrah ia ka BIMSTEC AML/CFT Work Plan (2026-2028) bad ban ban jur halor ka jingpyntreikam ïa ka BIMSTEC AML/CFT Contact Point Network ban pynskhem ïa ka jingïatreilang hapdeng ki Financial Intelligence Unit.

Ka Jingialang ka la iakren ruh shaphang ki lad ki lynti ban pyndonkam hok ia ka kyrdan Observer jong ka BIMSTEC ha ka kynhun Asia/Pacific Group of Money Laundering (APG) ban kyntiew ia ka bor treikam ha ka thain, ban pynsuk ia ka jingsam jingtip, bad ban pynkhlain ia ka jingpynkhreh jong ki Ri ba long dkhot na ka bynta ki FATF ki ban sa wan.

Ki Ri kiba long dkhot ki la pynlong ruh ïa ki jingïakren kiba bniah halor ki jingma kiba dang mih kiba ïadei bad ki jingdon jingem digital, ki rynsan fintech, ka artificial intelligence, ka jingpyndonkam beain ia ka pisa kaba pynshong nongrim ha ka khaii pateng, ka jingleh thok online bad kiwei kiwei ki kam runar ha ka liang ka pisa tyngka ba la plié lad da ki kam digital. Ka Jingialang ka la pynpaw ia ka jingdonkam ban don ia ki rukom pyniaid kam kiba kham khlain, ban pynkhlain ia ka jingiatreilang hapdeng ki riew shimet bad ka sorkar, ban kyntiew ia ki lad ban peit bniah bad ka jingiatreilang kaba khlain ha ka thain bad ka pyrthei ban weng ia kine ki jingeh kiba nang kiew.

Ka Jingialang ka la pdiang ia ka Kaiphod jong ka bad ka la ianujor ia kane bad ka Jingialang kaba 13 jong ka BIMSTEC Joint Working Group on Counter Terrorism and Transnational Crime (JWG-CTTC) ban ioh jingmut. Ki kynhun ki la pynpaw ia ka jingsngewnguh ia ka Tnat Revenue, Hapoh ka Tnat Kam Pla Tyngka jong ka Sorkar India kaba la peit bniah ia ki jingpynkhreh ia kane ka jingialang bad ka jingpdiang burom ia baroh ki nongiashim bynta. Ka Jingialang ka la pynpaw ruh ia ka jingsngewnguh ia ka BIMSTEC Secretariat kaba bteng ban ai ia ka jingiatreilang bad ka jingkyrshan.

*****

(रिलीज़ आईडी: 2287364) आगंतुक पटल : 2