સાઈ (SAI) નેશનલ સેન્ટર ઓફ એક્સેલન્સ (NCoE) ગાંધીનગરની તાલીમાર્થી પેરા ટેબલ ટેનિસ એથ્લેટ પ્રાચી પાંડેએ આઈટીટીએફ (ITTF) વર્લ્ડ પેરા ફ્યુચર નાખોન રત્ચાસિમા 2026 ટુર્નામેન્ટમાં મહિલા સિંગલ્સ ઈવેન્ટમાં ભારત માટે બ્રોન્ઝ મેડલ જીત્યો છે.

ક્લાસ 6 ની પેરા ટેબલ ટેનિસ એથ્લેટ પ્રાચી પાંડેએ સોમવારે આ સ્પર્ધામાં મેડલ જીત્યો હતો, જે થાઈલેન્ડની રાજધાની બેંગકોકમાં 13 જુલાઈથી 16 જુલાઈ, 2026 દરમિયાન રમાઈ હતી.

છ ખેલાડીઓ, એક કોચ અને એક ફિઝિયોથેરાપિસ્ટની બનેલી ટીમે આ ટુર્નામેન્ટમાં ભારતનું પ્રતિનિધિત્વ કર્યું હતું.

ભારતીય ટુકડીમાં આસિસ્ટન્ટ કોચ અમિત સિંહ રાવત, ફિઝિયોથેરાપિસ્ટ અંકિતા પ્રેમપાલ પ્રજાપતિ, શુભમ વાધવા (ક્લાસ 3), રિશિત નથવાણી (ક્લાસ 5), જગન્નાથ હેગડાહલ્લી મંજુનાથગૌડા (ક્લાસ 2), ઉદય કુમાર રાઉત (ક્લાસ 6), સવિતા વિઠ્ઠલ અજ્જનાકટ્ટી (ક્લાસ 8) અને પ્રાચી પાંડે (ક્લાસ 6) સામેલ હતા.

પ્રાચી, જે હાલમાં મહિલા પેરા ટેબલ ટેનિસની ક્લાસ 6 કેટેગરીમાં એશિયામાં ચોથું સ્થાન ધરાવે છે, તેણે સવિતા વિઠ્ઠલ અજ્જનાકટ્ટી (ક્લાસ 8 ની એથ્લેટ) સાથે જોડી બનાવીને ડબલ્સ ઈવેન્ટમાં પણ ભાગ લીધો હતો, પરંતુ આ જોડી ગ્રુપ સ્ટેજથી આગળ વધી શકી ન હતી. ઉત્તર પ્રદેશની આ પેડલર સવિતા અને શુભમ વાધવા (ક્લાસ 3) ની સાથે આગામી 2026 આઈચી નાગોયા એશિયન ગેમ્સ માટેની ભારતીય પેરા ટેબલ ટેનિસ ટીમનો પણ એક ભાગ છે.

(રીલીઝ આઈડી: 2285454) મુલાકાતી સંખ્યા : 55