جواہر انسٹی ٹیوٹ آف ماؤنٹینئرنگ اینڈ ونٹر اسپورٹس (جے آئی ایم اینڈ ڈبلیو ایس) پہلگام نے لداخ کے رمٹسے پھو علاقے میں واقع کوہِ خیام تسو ماسیف کے لیے ایک 22 رکنی کوہ پیمائی مہم کا انعقاد کیا۔ اس مہم کا باقاعدہ آغاز 26 جون 2026 کو ٹیم لیڈر کرنل ہیم چندر سنگھ نے جھنڈی دکھا کر کیا۔

لداخ کے علاقے میں منظم انداز میں بلندی سے ہم آہنگ ہونے  کے مرحلے مکمل کرنے کے بعد ٹیم نے 2 جولائی 2026 کو انتہائی نامساعد موسمی حالات کے باوجود ماؤنٹ پیک پوائنٹ 5901 میٹر کی چوٹی کامیابی سے سر کر لی۔ اسی موقع پر ایک تاریخی کارنامہ انجام دیتے ہوئے ٹیم لیڈر نے اسی چوٹی پر 5,600 میٹر کی بلندی سے پہلی مرتبہ پیراگلائیڈنگ پرواز کا آغاز کیا۔

شدید موسمی چیلنجوں کا ڈٹ کر مقابلہ کرتے ہوئے ٹیم نے 3 جولائی 2026 کو 6,090 میٹر بلند ماسف کی ایک نہایت دشوار گزار چوٹی اور ماؤنٹ پیک پوائنٹ 5944 میٹر کو بھی کامیابی سے سر کیا، جس سے ٹیم کے غیرمعمولی عزم، جسمانی استقامت اور بہترین باہمی تعاون کا مظاہرہ ہوا۔نامساعد حالات کے باوجود حوصلہ برقرار رکھتے ہوئے ٹیم نے 5 جولائی 2026 کو ماسف کی آخری چوٹی ماؤنٹ خیام- III (618 میٹر) بھی کامیابی سے سر کر لی اور بحفاظت روڈ ہیڈ کیمپ واپس پہنچ گئی۔

یہ کامیاب کوہ پیمائی نہ صرف مہم جوئی اور قومی فخر کے جذبے کو ظاہر کرتی ہے بلکہ لداخ کے علاقے کے غیر دریافت شدہ پہاڑی سلسلوں میں ہندوستان کے بڑھتے ہوئے نقش قدم کو بھی تقویت دیتی ہے ۔

*****

ش ح۔ م ش  ۔ ص ج

U. No-9718

(रिलीज़ आईडी: 2282549) आगंतुक पटल : 18