मुंबई, 6 जुलै 2026

अंमली पदार्थांच्या तस्करीविरुद्ध केलेल्या एका मोठ्या कारवाईत, महसूल गुप्तचर संचालनालयाच्या (डी आर आय) मुंबई विभागीय पथकाने, फ्रीटाउनहून नैरोबीमार्गे मुंबईच्या छत्रपती शिवाजी महाराज आंतरराष्ट्रीय विमानतळावर (सी एस एम आय ए) आलेल्या एका महिला प्रवाशाकडून 2.128 किलोग्राम कोकेन जप्त केले. या अंमली पदार्थाची आंतरराष्ट्रीय बाजारातील किंमत अंदाजे 10.65 कोटी रुपये इतकी आहे.

प्राप्त झालेल्या विशिष्ट गुप्त माहितीच्या आधारे, अधिकाऱ्यांनी रविवारी (5 जुलै, 2026) एका महिला प्रवाशाला हटकले.  या प्रवाशाच्या सामानाची एक्स-रे मशीनद्वारे तपासणी केली असता, तिच्या ट्रॉली बॅग्सच्या धातूच्या हँडल्समध्ये काहीतरी लपवल्याचे आढळून आले. त्यानंतर, त्या बॅग्समधील धातूचे हँडल्स काढून तपासले असता, त्यातून दंडगोलाकार आकाराची 17 पाकिटे सापडली. या पाकिटांमध्ये पांढऱ्या रंगाच्या पावडरसारखा पदार्थ आढळून आला; चाचणी उपकरणाद्वारे केलेल्या परीक्षणात तो पदार्थ 'कोकेन' असल्याचे निष्पन्न झाले.

 

आंतरराष्ट्रीय बाजारात 10.65 कोटी रुपये मूल्य असलेले एकूण 2128 ग्रॅम (निव्वळ वजन) कोकेन यावेळी जप्त करण्यात आले.

जप्त करण्यात आलेला हा प्रतिबंधित माल अंमलीपदार्थ आणि मनोव्यापारिक औषधे (एन डी पी एस) कायदा, 1985 च्या तरतुदींनुसार जप्त करण्यात आला आहे.

अंमली पदार्थांच्या तस्करीमागील व्यापक जाळे शोधून काढण्याच्या उद्देशाने पुढील तपास सुरू आहे.'नशा मुक्त भारत' घडवण्याच्या आपल्या संकल्पावर ठाम राहत अंमली पदार्थ जप्त करणे, आंतरराष्ट्रीय तस्करी टोळ्यांचा बिमोड करणे  आणि देशाचे आरोग्य, कल्याण आणि सुरक्षा यांचे संरक्षण करणे यांसाठी महसूल गुप्तचर संचालनालय अविरत प्रयत्न करीत आहे.

निलीमा चितळे/संदेश नाईक/प्रिती मालंडकर

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

 

 

(रिलीज़ आईडी: 2281815) आगंतुक पटल : 46