কোদাইকানল সোলর ওবজর্বেতরী (কোসো) দগী চহি ১০০গী খুৎনা য়েকপা সোলর রেকোর্দশিং স্কেন তৌদুনা ইং ১৯১৬দগী ২০০৭ ফাওবদা নুমিৎতা মেগ্নেতিক্কী ওইনা এক্তিব ওইবা পেৎচশিংদা অহোংবা লাকপা থিদোক্নবা আর্তিফিসিএল ইন্তেলিজেন্স শীজিন্নখি। মসিনা মতমগী মতুং ইন্না নুমিৎকী এক্তিবিতী করম্না হোংলকপগে হায়বগী মতাংদা হেন্না শাংবা ভ্যু অমা পীবা ঙমগনি।

চহি চাম্মা হেন্না, সাইন্তিস্তশিংনা নুমিৎকী মেগ্নেতিক এক্তিবিতী করম্না রিথমিক সাইকলশিংদা হেনগৎলকপা অমসুং হন্থরকপগে হায়বদু খঙনবা হোৎনখি। হায়রিবা সাইকলশিং অসিনা সনস্পোৎশিং, ফ্লেয়রশিং, অমসুং ইরপ্সনশিংদা অকায়বা পী, মসিনা সেতেলাইতশিং, নেভিগেসন অমসুং মালেমদা পাৱর ফংহনবদা অয়েৎপা পীবা য়াই। অদুম ওইনমক, অরিবা মতমগী ওবজর্বেসনশিং অসি মপুং ফাদে অমসুং কন্সিস্তেন্ত ওইদে, মসিনা মতম শাংনা নৈনববু অরুবা ওইহল্লি। মরম অসিনা পুৱারীগী রেকোর্দশিং অসি য়াম্না মমল য়াম্লবা অমনি।

অনৌবা স্তদী অমদা, ভারত সরকারগী সাইন্স অমসুং তেক্নোলোজী দিপার্তমেন্ত (দি.এস.তি.) গী মখাদা লৈবা ওতোনোমস ইন্সতিত্যুৎ অমা ওইরিবা আর্য়ভত্তা রিসর্চ ইন্সতিত্যুৎ ওফ ওবজর্ভেস্নেল সাইন্স (এ.আর.আই.ই.এস.) গী দিবিয়া কীর্তি মিশ্রানা লুচিংবা রিসর্চরশিংনা ইন্দিয়ন ইন্সতিত্যুৎ ওফ স্পেস সাইন্স এন্দ তেক্নোলোজী, তিরুবনন্থপুরম; সাউথৱেস্ত রিসর্চ ইন্সতিত্যুৎ, বোল্দর, য়ু.এস.এ.; ইন্দিয়ন ইন্সতিত্যুৎ ওফ এস্ত্রোফিজিক্স (আই.আই.এ.), বেঙ্গলোরদগী কোলাবোরেতরশিংগা লোয়ননা কোদাইকানল সোলর ওবর্জেবতরী (কোসো)দগী চহি ১০০গী খুৎনা য়েকপা সুন রেকোর্দশিংবু মোদর্ন মেছিন লর্নিং তেক্নিকশিং শীজিন্নদুনা কান্নবা দেতাদা ওন্থোকপা ঙম্মি হায়না উৎখ্রে। ওবজর্বেতরী অসিদা ১৯০৪দগী ২০২২ ফাওবগী নুমিৎ খুদিংগী "সনচার্তশিং" য়াওনা ওবজর্বেসনশিংগী তোপ তোপ্পা কল্লেক্সন অমা লৈ, মসিদা সনস্পোৎশিং, প্লেগশিং, ফিলামেন্তশিং, অমসুং প্রোমিনেন্সশিংগুম্বা ফিচরশিং অসি স্তেন্দর্দ গ্রিদ অমদা চেকশিন্না য়েকখি।

লাই: নুমিৎ খুদিংগী ১° লেতিত্যুদ বেন্দদা ওল্লিবা সোলর প্লেগ এরিয়াগী তাইম-লেতিত্যুদ “বতরফ্লাই” মেপ (μDF দা)। (a) কোসো সোলর চার্তশিংদা য়ু-নেৎ-বেজ দেতেক্সন শীজিন্নদুনা থবক অসিদা ফংলিবা প্লেগ দিস্ত্রিব্যুসন। (b) কোসো Ca II K প্লেগ দেতেক্সনশিংদগী বতরফ্লাই দাইএগ্রাম (B. কে. ঝা অমসুং অতৈ, ২০২৪)। (c) সনচার্ত সিরিজদা লৈরিবা অশোয়বশিং মেনখৎনবা Ca II K রিজল্তশিং শীজিন্নদুনা দেতা সেত অনিমক পুনশিন্নবা অপুনবা রেকোর্দ অমা। কলরশিংনা প্লেগ এরিয়া উৎলি, মসিনা মেগ্নেতিক এক্তিবিতীনা ১৯১৬-২০০৭ (সোলর সাইকল ১৫-২৩) দগী লেতিত্যুদ অমসুং সোলর-সাইকল ফেজগা লোয়ননা মতৌ করম্না হোংলকপগে হায়বদু উৎলি।

দিজিতেলগী খুৎলাইশিং লৈদ্রিঙৈদা, সাইন্তিস্তশিংনা মখোয়না উবদু রেকোর্দ তৌনবগীদমক্তা চেকশিন্না য়েক্লিবশিংগী মপাল তাংলমখি। কোসোগী সোলার চার্তশিং অসি মমল য়াম্মি মরমদি মখোয়না সাইকল কয়াগী মনুংদা সোলর এক্তিবিতী উৎলি অমসুং তোঙান তোঙানবা মওংশিংদা অকক্নবা মওংদা মার্ক তৌরবা তোঙান তোঙানবা ফিচরশিং য়াওরি। অদুম ওইনমক, য়েকপগী স্তাইলশিং, পেপর এজিং, অমসুং স্কেন ক্বালিতীগী খেন্নবশিংনা ত্রেদিস্নেল মেথদশিং শীজিন্নদুনা ক্লিন অমসুং কন্সিস্তেন্ত দেতা সেত অমা শেম্বা অসি অরুবা ওইহল্লি।

অশোয়বা, খুৎনা য়েকপা পুৱারীগী রেকোর্দশিংগী প্রোব্লেম অসি কোকহন্নবা, এস্ত্রোফিজিকেল জর্নেলদা ফোঙখিবা রিসর্চ অসিনা মরুওইবা খোঙথাং অনিদা সুপরভাইস তৌরবা মেছিন লর্নিং এপ্রোচ (য়ু-নেৎ) অমা শীজিন্নখি। অহানবদা, মোদেল অসিনা স্কেন তৌরবা অয়েকপা খুদিংমক্তা সনগী দিস্ক অসি ওতোমেতিক ওইনা ফংখি, ময়াই, পাক চাউবা, অমসুং পৈথবা অসিবু ময়েক শেংনা খঙদোকখি, মরম অদুনা ফিচর খুদিংমক নুমিৎতা লৈরিবা অচুম্বা মফমদা থম্বা ঙমখি। মথংদা, মসিনা ১৯১৬দগী ২০০৭ ফাওবগী মনুংদা নুমিৎকী সাইকল মাপন কোনশিল্লিবা অয়েকপশিংদা প্লেগশিং (বত্তরফ্লাই, নুমিৎতা মেগ্নেতিক ওইনা এক্তিব ওইবা পেৎচশিং) মশক খঙদোকখি অমসুং ত্রেক তৌখি। মসি য়াম্না মরু ওই মরমদি প্লেগশিং অসি নুমিৎকী মেগ্নেতিজমগী থাজবা য়াবা "ফিঙ্গরপ্রিন্ত" অমনি, অমসুং অরিবা আর্কাইবশিংদগী মখোয়শিং লৌথোকপনা সাইন্তিস্তশিংদা ঙসিগী স্পেস-এজকী চাংশিং অসি নুমিৎনা চহি তরাগী খুজিং কয়াগী মমাংদা তৌখিবা অদুগা কন্নেক্ত তৌনবা হোৎনবদা মতেং পাংই।

দিবিয়া কীর্তি মিশ্রানা লুচিংবা রিসর্চ তৌরিবশিংনা অয়েকপশিংবু মেছিন্না পাবা য়াবা দেতাদা ওন্থোক্তুনা প্লেগ এক্তিবিতীনা মতমগী মতুং ইন্না মতৌ করম্না হোংলকপগে হায়বদু তাক্তুনা সোলর সাইকল উৎলিবা "বতরফ্লাই দাইএগ্রাম" অমা শেম্বা ঙমখি। মখোয়না মসিসু থেংনখি মদুদি হায়রিবা অয়েকপশিং অসিদগী ফংলকপা প্লেগ এরিয়াশিং অসি কোসোগী Ca II K ফুল-দিস্ক ওবজর্বেসনশিংগা য়াম্না চান্নৈ, মসিনা সোলর চার্তশিংনা অৱাংবা থাক্কী সোলর দেতাশিং ফগৎহনবদা মতেং পাংলি।

নুমিৎকী মেগ্নেতিক এক্তিবিতীগী মতম শাংলবা কন্সিস্তেন্ত রেকোর্দশিং অসি য়াম্না মরু ওই মরমদি মখোয়না সাইন্তিস্তশিংবু তোঙান তোঙানবা সোলর সাইকলশিং অসি মপাঙ্গল অমসুং স্ত্রকচরদা মতৌ করম্না খেন্নবগে হায়বদু চাংদম্নবা য়াহল্লি, নুমিৎকী ইনর্জী পুথোকপা অমসুং মেগ্নেতিক ইথিলনা মমাংদা মতৌ করম্না হোংলকখিবগে হায়বদু অমুক হন্না শেমগৎপা অদুদা ইমপ্রুবমেন্ত লাকহল্লি, অমসুং মসিনা খুন্নাইবু মালেমগী তেক্নোলোজীদা অকায়বা পীবা ঙম্বা মতম শাংনা লৈরকপা স্পেস ৱেদরগী রিস্কশিংবু হেন্না ফজনা খঙবদা মতেং পাংই। স্তদী অসিনা উৎলি মদুদি অরিবা, মান্নদবা হিস্তোরিকেল রেকোর্দশিং অসি মেছিন লর্নিং শিজিন্নদুনা চহি তরাগী খুজিং কয়াগী মনুংদা চপ মান্নবা দেতা শেম্বা ঙম্মি, হায়রিবা অসি করিগুম্বা কানদা ত্রেদিস্নেল মেথদশিংনা তৌবা ঙমদবা অমনি।

পব্লিকেসনগী লিঙ্ক: https://doi.org/10.3847/1538-4365/ae381e

*****

(रिलीज़ आईडी: 2280277) आगंतुक पटल : 4