ભારતીય સ્પર્ધા આયોગ (CCI) એ બિગ બેનિયન હોલ્ડિંગ્સ, બોલ્ટ આઈપીએલ હોલ્ડિંગ્સ, ટાઈમ્સ ઈન્ટરનેટ, ટાઈમ્સ ક્રિકેટ, ICQ ઓપોર્ચ્યુનિટીઝ, એશિયા ઈન્વેસ્ટમેન્ટ ટોપકો II અને અન્યના બનેલા કન્સોર્ટિયમ દ્વારા રોયલ ચેલેન્જર્સ સ્પોર્ટ્સ પ્રાઈવેટ લિમિટેડની 100% શેરહોલ્ડિંગના સંપાદનને મંજૂરી આપી છે.

સૂચિત સંયોજન (કોમ્બિનેશન) રોયલ ચેલેન્જર્સ સ્પોર્ટ્સ પ્રાઈવેટ લિમિટેડ (RCB/ટાર્ગેટ) માં સામૂહિક રીતે (i) બિગ બેનિયન હોલ્ડિંગ્સ પ્રાઈવેટ લિમિટેડ (બિગ બેનિયન); (ii) બોલ્ટ આઈપીએલ હોલ્ડિંગ્સ એલએલસી (બોલ્ટ); (iii) ટાઈમ્સ ઈન્ટરનેટ લિમિટેડ (TIL); (iv) ટાઈમ્સ ક્રિકેટ એલએલપી (ટાઈમ્સ એલએલપી); (v) ICQ ઓપોર્ચ્યુનિટીઝ આરસી હોલ્ડકો, લિમિટેડ (ICQ); (vi) એશિયા ઈન્વેસ્ટમેન્ટ ટોપકો II પ્રાઈવેટ લિમિટેડ (ટોપકો) (સામૂહિક રીતે 'સંપાદનકર્તાઓ/એક્વાયરર્સ') અને અન્ય રોકાણકારો (જેમની સાથે ચોક્કસ સંપાદનકર્તાઓએ આ સંપાદનના હેતુઓ માટે ભંડોળની વ્યવસ્થા કરી છે) દ્વારા 100% શેરહોલ્ડિંગના સંપાદન સાથે સંબંધિત છે.

બિગ બેનિયન, નવી રચાયેલી ઇન્વેસ્ટમેન્ટ હોલ્ડિંગ કંપની છે, જે આદિત્ય બિરલા જૂથનો એક ભાગ છે અને હાલમાં કોઈ વ્યવસાયિક પ્રવૃત્તિઓ ધરાવતી નથી.

બોલ્ટ એ ડેલાવેરમાં નવી રચાયેલી લિમિટેડ લાયબિલિટી કંપની છે અને હાલમાં કોઈ વ્યવસાયિક પ્રવૃત્તિઓ ધરાવતી નથી. તે સ્પોર્ટ્સ ફ્રેન્ચાઇઝીની માલિકી, સંચાલન અને વ્યાપારીકરણ સંબંધિત પ્રવૃત્તિઓની વ્યાપક શ્રેણી હાથ ધરવાનો ઇરાદો ધરાવે છે.

TIL એ ડિજિટલ પ્રોડક્ટ્સ કંપની છે જે ભારતમાં ડિજિટલ ન્યૂઝ, એડવર્ટાઇઝિંગ સર્વિસીસ, રિવોર્ડ્સ પ્રોગ્રામ્સ, ઇવેન્ટ મેનેજમેન્ટ વગેરે સહિત વિવિધ ક્ષેત્રોમાં વ્યવસાયિક હાજરી ધરાવે છે.

ટાઈમ્સ એલએલપી એ ભારતમાં નવી રચાયેલી સંસ્થા છે અને હાલમાં કોઈ વ્યવસાયિક પ્રવૃત્તિઓ ધરાવતી નથી. તે સ્પોર્ટ્સ ફ્રેન્ચાઇઝીની માલિકી, સંચાલન અને વ્યાપારીકરણ સંબંધિત પ્રવૃત્તિઓની વ્યાપક શ્રેણી હાથ ધરવાનો ઇરાદો ધરાવે છે.

ICQ, વૈશ્વિક ઇન્વેસ્ટમેન્ટ ફર્મ એવા આઇકોનિક (ICONIQ) જૂથનો એક ભાગ છે, જે નવી રચાયેલી સંસ્થા છે અને હાલમાં કોઈ વ્યવસાયિક પ્રવૃત્તિઓ ધરાવતી નથી.

ટોપકો તેની સ્થાપના પછી ભારત અથવા વિશ્વભરમાં કોઈ પ્રોડક્ટ્સ / સર્વિસીસ પ્રદાન કરવા અને / અથવા ઇન્વેસ્ટમેન્ટ હોલ્ડિંગનો વ્યવસાય ચલાવવામાં સંકળાયેલી નથી. ટોપકો બ્લેકસ્ટોન ઇન્ક. (Blackstone Inc.) ની સંલગ્ન કંપનીઓ દ્વારા સલાહ આપવામાં આવતા અને/અથવા સંચાલિત ભંડોળ દ્વારા નિયંત્રિત છે.

ટાર્ગેટ (RCB) એ એક ભારતીય કંપની છે જે મુખ્યત્વે રોયલ ચેલેન્જર્સ બેંગલુરુ ફ્રેન્ચાઇઝીની માલિકી અને સંચાલન સાથે સંકળાયેલી છે, જેમાં ઇન્ડિયન પ્રીમિયર લીગ (IPL) અને વિમેન્સ પ્રીમિયર લીગ (WPL) માં ભાગ લેતી બેંગલુરુ સ્થિત પ્રોફેશનલ ક્રિકેટ ટીમોનો સમાવેશ થાય છે. ટાર્ગેટ (RCB) ભારતની બહાર કોઈ વ્યવસાયિક પ્રવૃત્તિઓ ધરાવતી નથી.

આયોગ (CCI) નો વિગતવાર આદેશ આ પછી જાહેર કરવામાં આવશે.

SM/DK/JD

(रिलीज़ आईडी: 2280148) आगंतुक पटल : 6