بھاری صنعتوں کی وزارت (ایم ایچ آئی) حکومت ہند نے متعددشراکت داروں کے مطالبے کے جواب میں آر ای پی ایم اسکیم کے تحت عالمی ٹینڈر کے لیے وقت کی حد میں توسیع کر دی ہے ۔نیلامی کی مقررہ تاریخ کو 29جون2026 سے بڑھا کر 29جولائی2026 کر دیا گیا ہے ، جبکہ تکنیکی بولی کے آغاز کو 30جون2026 سے 30جولائی2026 تک ری شیڈول کیا گیا ہے تاکہ نیلامی کے عمل میں وسیع تر شرکت کو آسان بنایا جا سکے اور متعلقہ شراکت داروں کو اضافی وقت فراہم کیا جا سکے ۔  یہ ضمیمہ تمام متعلقہ فریقین کی معلومات کے لیے سنٹرل پبلک پروکیورمنٹ (سی پی پی) پورٹل پر شائع کیا گیا ہے ۔(https://eprocure.gov.in/eprocure/app).

وزارت نے ہندوستان میں مربوط نایاب ارضیاتی مستقل مقناطیسی مینوفیکچرنگ سہولیات کے قیام کے لیے آر ای پی ایم اسکیم کے تحت مستفیدین کے طور پر مینوفیکچررز کے انتخاب کے لیے 20 مارچ 2026 کو عالمی ٹینڈر طلب کیا تھا ۔

26 نومبر 2025 کو وزیر اعظم جناب نریندر مودی کی صدارت میں مرکزی کابینہ نے 280 7, کروڑ روپے  تخمینہ لاگت کے ساتھ سنٹرڈ نایاب ارضیاتی  مستقل مقناطیس کی تیاری کو فروغ دینے کی اسکیم کو منظوری دی ۔اسکیم جو اپنی نوعیت کا  پہلا اقدام ہے ،اس کامقصد ہندوستان میں 6,000 میٹرک ٹن فی سال (ایم ٹی پی اے) کی مربوط نایاب ارضیاتی مستقل مقناطیس کی مینوفیکچرنگ  کی سہولیات کی کل صلاحیت قائم کرنا ہے ، اس طرح خود انحصاری کو بڑھانا اور ہندوستان کو عالمی آر ای پی ایم مارکیٹ میں ایک کلیدی  شراکت دار کے طور پر قائم کرنا ہے ۔

نایاب ارضیاتی مستقل مقناطیس دنیا کے سب سے طاقتور مقناطیسوں میں سے ایک ہے جو برقی گاڑیوں ، ونڈ ٹربائنز ، اعلیٰ درجے کے الیکٹرانکس ، ایرو اسپیس اور دفاعی نظام میں بڑے پیمانے پر استعمال ہوتے ہیں ۔  ہندوستان میں این ڈی پی آر آکسائیڈ سے لے کر تیار شدہ مقناطیس تک ایک مکمل ویلیو چین کی تعمیر سے  اس اسکیم کے تحت مذکورہ شعبے میں درآمدی انحصار میں نمایاں کمی آنے کی امید ہے ۔

***

ش  ح- ش ب- اش ق

Uno-9183

(रिलीज़ आईडी: 2277837) आगंतुक पटल : 8