نوجوانوں کے امور اور کھیل کود کی وزیر مملکت محترمہ رکشا کھڈسے نے آج 19 سے 24 جون 2026 تک منعقد ہونے والی باوقار براعظمی چیمپئن شپ سے قبل نئی دہلی کے بھارت منڈپم میں ایشین سینئر فینسنگ چیمپئن شپ 2026 کی تیاریوں کا جائزہ لیا ۔

یہ چیمپئن شپ باضابطہ طور پر 19 جون 2026 کو ایک شاندار افتتاحی تقریب کے ساتھ شروع ہوگی، جو شام 6:00 بجے سے بھارت منڈپم (پرگتی میدان)، نئی دہلی کے ہال نمبر 2-3 میں منعقد ہوگی۔اس تقریب کا عنوان “ایک خواب | ایک بلیڈ | ایک فخر” رکھا گیا ہے، جو فینسنگ کے کھیل، اسپورٹس میں اعلیٰ کارکردگی اور بین الاقوامی یکجہتی کے جذبے کو اجاگر کرے گا۔

افتتاحی تقریب کی صدارت بھارت کے وزیرِ نوجوانان و کھیل ڈاکٹر منسکھ منڈاویا کریں گے جو مہمانِ خصوصی ہوں گے۔اس موقع پر بین الاقوامی کھیلوں کی ممتاز شخصیات کی باوقار موجودگی بھی متوقع ہے جن میں عبدالمنعم الحسینی،قائم مقام صدر فیڈریشن انٹرنیشنل ڈی ایسکریم(ایف آئی ای )، شیخ سالم بن سلطان القاسمی,صدر فینسنگ کنفیڈریشن آف ایشیا(ایف سی اے)اور ویٹالی لوگوِن گریچوہن،صدر پین امریکن فینسنگ کنفیڈریشن(پی اے ایف سی ) شامل ہوں گے۔

اپنے دورے کے دوران محترمہ رکشا کھڈسے کے ہمراہ بھارتی فینسنگ ایسوسی ایشن کے صدر جناب ستیش پاٹل اور فینسنگ ایسوسی ایشن آف انڈیا کے سیکریٹری جنرل جناب راجیو مہتا بھی موجود تھے۔ انہوں نے مقابلے کے بنیادی ڈھانچے، کھلاڑیوں کی سہولیات، ٹیکنالوجی پر مبنی آفیشیٹنگ نظام اور چیمپئن شپ کے کامیاب انعقاد کے لیے کی جانے والی دیگر انتظامات کا جائزہ لیا۔

وزیر نے اس تقریب کے لیے فراہم کی جانے والی جدید اسپورٹس ٹیکنالوجیوں  اور عالمی معیار کے انفراسٹرکچر کا بھی جائزہ لیا۔ انہوں نے مشاہدہ کیا کہ تربیت، کارکردگی کے تجزیے اور مقابلوں کے انتظام میں جدید ٹیکنالوجی کا انضمام کھلاڑیوں کی کارکردگی بہتر بنانے اور انہیں اعلیٰ ترین بین الاقوامی معیار پر مقابلہ کرنے کے لیے تیار کرنے میں اہم کردار ادا کر رہا ہے۔

ایشین سینئر فینسنگ چیمپئن شپ 2026 ایک تاریخی سنگِ میل کی حیثیت رکھتی ہے کیونکہ بھارت پہلی مرتبہ اس باوقار براعظمی چیمپئن شپ کی میزبانی کر رہا ہے۔ اس تقریب میں 36 ممالک کی شرکت متوقع ہے، جس میں مجموعی طور پر 787 منظوری  شامل ہیں، جن میں 406 کھلاڑی، 75 کوچ، 9 منیجر، 13 معاون عملہ، 40 مندوبین، 28 رضاکار اور 151 لوکل آرگنائزنگ کمیٹی (ایل او سی) کے ارکان شامل ہیں۔

اس موقع پر اظہار خیال کرتے ہوئے محترمہ کھڈسے نے کہاکہ

وزیرِ اعظم جناب نریندر مودی کی بصیرت افروز قیادت میں بھارت تیزی سے ایک عالمی اسپورٹس ملک کے طور پر ابھر رہا ہے۔ کھیلو بھات نیتی 2025 کھیلوں کے بنیادی ڈھانچے کو مضبوط بنانے، کھلاڑیوں کی معاونت، ابھرتے ہوئے کھیلوں کے فروغ اور بڑے بین الاقوامی اسپورٹس تقریبات کی میزبانی کی صلاحیت بڑھانے کے لیے ایک جامع لائحۂ عمل فراہم کرتی ہے۔ ایشیائی سینئر فینسنگ چیمپئن شپ 2026 اس وژن کی عکاسی کرتی ہے اور عالمی اسپورٹس اسٹیج پر بھارت کی بڑھتی ہوئی صلاحیتوں کو اجاگر کرتی ہے۔

انہوں نے مزید کہا کہ اس نوعیت کے بین الاقوامی مقابلے کھلاڑیوں کو قیمتی تجربہ فراہم کرتے ہیں، کھیلوں میں عمدگی کی حوصلہ افزائی کرتے ہیں اور ایک متحرک اور مستقبل کے تقاضوں سے ہم آہنگ اسپورٹس نظام کی تشکیل میں اہم کردار ادا کرتے ہیں۔

محترمہ کھڈسے نے مشاہدہ کیا کہ اس چیمپئن شپ کی کامیاب میزبانی کھیلو بھارت نیتی2025 کے مقاصد سے قریبی طور پر ہم آہنگ ہے، جو کھلاڑی مرکوز ترقی، اسپورٹس سائنس، ٹیکنالوجی کے انضمام، بنیادی ڈھانچے کی توسیع اور بین الاقوامی سطح پر زیادہ شمولیت پر زور دیتی ہے۔ انہوں نے مزید کہا کہ ایسے تقریبات بھارت کو عالمی کھیلوں کے مقابلوں کے لیے ایک ترجیحی مقام کے طور پر مستحکم کرتے ہیں جبکہ بھارتی کھلاڑیوں کو دنیا کے بہترین کھلاڑیوں کے ساتھ مقابلہ کرنے کے نئے مواقع بھی فراہم کرتے ہیں۔

وزیر نے چیمپئن شپ کی تیاریوں پر مکمل اعتماد کا اظہار کیا اور اس کے انعقاد میں فینسنگ ایسوسی ایشن آف انڈیا، تکنیکی عہدیداران اور تمام متعلقہ فریقین کی کوششوں کو سراہا۔ انہوں نے تمام شریک کھلاڑیوں کے لیے نیک خواہشات کا اظہار کیا اور امید ظاہر کی کہ یہ چیمپئن شپ بھارت میں فینسنگ کے فروغ کو مزید تقویت دے گی جبکہ ایشیا بھر میں کھیلوں میں عمدگی اور تعاون کو بھی فروغ دے گی۔

یہ دورہ بھارت حکومت کے اس عزم کی تصدیق کرتا ہے کہ ابھرتے ہوئے کھیلوں کو فروغ دیا جائے، عالمی معیار کے اسپورٹس انفراسٹرکچر تک رسائی کو وسعت دی جائے اور کھیلوں پر مبنی ترقی اور عمدگی کے ذریعے وکست بھارت @2047 کے وژن کو آگے بڑھایا جائے۔

********

) ش ح ۔ ش آ۔ن ع)

U.No. 8825

(रिलीज़ आईडी: 2274674) आगंतुक पटल : 11