کمپٹیشن کمیشن آف انڈیا (سی سی آئی) نے مجوزہ کاروباری ملاپ اشتراک کی منظوری دے دی ہے، جس میں دیگر امور کے ساتھ ساتھ جونگ سانگ انویسٹمنٹس کی جانب سے مخصوص سی سی پی ایس کی خریداری اور رومسنز گروپ  کے مخصوص ایکویٹی شیئر کیپٹل کا حصول شامل ہے۔

مجوزہ اشتراک میں رومسنز گروپ پرائیویٹ لمیٹڈ (ہدف کمپنی) کے ذریعہ داخلی ڈھانچے کی تبدیلی اور لازمی طور پر تبدیل پذیر ترجیحی حصص  کی خریداری اور جونگ سونگ انویسٹمنٹس پرائیویٹ لمیٹڈ (حصول کنندہ کمپنی) کے ذریعہ ہدف کمپنی کے مخصوص مساوی حصص سرمائے کی حصولیابی شامل ہے۔

حاصل کنندہ ایک انویسٹمنٹ ہولڈنگ کمپنی ہے اور بھارت میں سرمایہ کاری برقرار رکھنے کے علاوہ اس کی کوئی کاروباری سرگرمیاں یا مادی موجودگی نہیں ہے۔ یہ 'ٹیمیسک ہولڈنگز پرائیویٹ لمیٹڈ' (ٹیمیسک) کی ایک بالواسطہ مکمل ملکیتی ذیلی کمپنی ہے، جو کہ سنگاپور میں ہیڈ کوارٹر رکھنے والی ایک سرمایہ کار کمپنی ہے۔

ٹیمیسک کا عالمی پورٹ فولیو صنعتوں کے ایک وسیع دائرہ کار پر محیط ہے، جس میں ٹرانسپورٹیشن اور انڈسٹریلز؛ مالیاتی خدمات؛ ٹیلی کمیونیکیشن، میڈیا اور ٹیکنالوجی؛ کنزیومر اور رئیل اسٹیٹ؛ اور لائف سائنسز اور زرعی خوراک شامل ہیں۔

ہدف کمپنی بھارت میں اور برآمدات کے ذریعے عالمی سطح پر طبی آلات اور ذاتی نگہداشت و حفظانِ صحت کی مصنوعات کی تیاری اور/یا فروخت کے کاروبار سے وابستہ ہے۔

کمیشن کا تفصیلی آرڈر جلد شائع کیا جائے گا۔

**********

 (ش ح –ا ب ن)

U.No:8709

(रिलीज़ आईडी: 2273740) आगंतुक पटल : 7