প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দলনা অহমদবাদ মেত্রো রেল প্রোজেক্তকী ফেজ 2(A) অয়াবা পীখ্রে। মসিগী কোরিদোর অসি কিলোমিতর ৬.০৩২ শাংগনি অমসুং স্তেসন ০৫ লৈগনি (এলিভেতেদ ০৪ অমসুং আন্দরগ্রাউন্দ ০১) । ফেজ 2(A) মথৌ তৌবা হৌরকপদা, অহমেদাবাদ-গান্ধীনগরদা কিলোমিতর ৭৭.৬৩গী এক্তিব মেত্রো রেল নেটৱার্ক লৈরগনি। ফেজ 2(A) কোরিদোরগী স্তেসনশিংগী মমিংশিংদি- আশ্রম রোদ, কোতেস্বর প্রচিন মন্দির, সবরমতী রিভর, সর্দার নগর অমসুং এয়রপোর্তনি।

প্রোজেক্ত অসিগী অপুনবা লোইশিনবগী শেনফম অসি আই.দি.সি. (কন্সত্রক্সনগী মনুংদা ইন্তরেস্ত) য়াওনা লুপা করোর ২,১৬৯.০৪ ওইগনি।

কান্নবশিং অমসুং চাউখৎপবু মপাঙ্গল কনখৎহনবা

অহমেদাবাদ মেত্রো রেল প্রোজেক্তকী 2(A) অসিনা সহর অসিগী ইনফ্রাস্ত্রকচর দিবেলপমেন্তদা মশক থোকপা খুমাং চাউশিল্লকপগী মশক অমা উৎলি। ফেজ 2(A) অসিনা সহর অসিগী মেত্রো রেল নেৎৱর্ক পাকথোক চাউথোকহনবগী থৌওং ওইনা পাংথোক্লি।

হেন্না ফবা কনেক্তিবিতী:

অহমদবাদ মেত্রো প্রোজেক্তকী ফেজ 2(A) না অনৌবা মেত্রো কোরিদোরগী চাউরাক্না কি.মি. ৬.০৩২ শেমগৎনবা পান্দম থম্লি। মসিগী পান্দমদি এয়রপোর্ততা শম্নন্দুনা পব্লিক ত্রান্সপোর্তেসন চাউখৎহন্নবা অমসুং হৌজিক্কী ওইনা ইফিসিএন্ত ত্রান্সিৎ এক্সেস লৈতবা মরুওইবা রেসিদেন্সিএল অমসুং কম্মর্সিএল এরিয়াশিং শম্নহন্নবনি।

ফেজ অসিনা রেসিদেন্সিএল অমসুং কম্মর্সিএল হবশিং য়াওনা মরুওইবা জোনশিং অসি হৌজিক লৈরিবা অহমদবাদ-গান্ধীনগর কোরিদোরগা শম্নহন্নবা পান্দম থম্লি। মসিগী মথক্তা, ২০২৯দা পাংথোক্কদৌরিবা ৱার্ল্দ পুলিস গেম্স অমসুং ২০৩০দা পাংথোক্কদৌরিবা কমনৱেল্থ গেম্সকীদমক্তা মফম অদুদা স্পোর্তস ফেসিলিতীশিং শেমগৎপগী ওইথোকপা লৈ।

মরুওইবা মফমশিং অসি মেত্রো নেৎৱর্কনা শম্নহন্দুনা ফেজ 2(A) না কনেক্তিবিতী হেঙ্গৎহনবতা নত্তনা ইকোনোমিক এক্তিবিতী, তুরিজম, অমসুং রেসিদেন্ত অমসুং ভিজিস্ত অনিমক্কী অর্বান মোবিলিতী হেঙ্গৎহনগনি।

ত্রাফিক কঞ্জেসন হন্থহনবা: মেত্রো রেল অসি লম্বীদা চৎথোক-চৎশিন তৌবগী মতিক চাবা অতোপ্পা পাম্বৈ অমা ওইগনি অমসুং ফেজ 2(A) অসিগা লোয়ননা এয়রপোর্ত ফাওবদা মেত্রো রেল নেৎৱার্ক শাংদোকপা ওইনা, অহমেদাবাদকী মনুংদা অখন্ননা ইম্পেক্ত ওইগনি। লম্বীগী ত্রাফিক হন্থবনা ভেহিকলশিংবু লায়না লৈতনা চৎথোক-চৎশিন তৌবা, চৎথোক-চৎশিন তৌবগী মতম হন্থহনবা, অপুনবা লম্বীগী সেফতী হেনগৎহনবা অসিনচিংবা পুরকপা য়াই।

অকোইবগী ফীভমদা কান্নবা ফংহনবা: অহমেদাবাদ মেত্রো রেল প্রোজেক্তকী ফেজ 2(A) হাপচিনবা অমসুং অহমদাবাদ অমসুং গান্ধীনগর সহরশিংদা মেত্রো রেল নেৎৱর্ক হেনগৎহন্দুনা, ত্রেদিস্নেল ফোসিল ফ্যুলদা য়ুম্ফম ওইবা ত্রান্সপোর্তকা চাংদম্নবদা কার্বন থাদোকপা অসি য়াম্না হন্থহনবা ঙমগনি।

ইকোনোমিক গ্রোথ: চৎথোক-চৎশিনগী মতম হন্থহনবা অমসুং শহরগী তোঙান-তোঙানবা শরুকশিং হায়বদি এয়রপোর্ত, রেলৱে স্তেসন অমসুং বস দিপোশিংদা হেন্না ফবা মওংদা চঙবা ঙম্বা অসিনা মীওইশিংদা মখোয়গী থবক মফমশিং অমসুং লেমহৌরিবা মফমশিং অদুদা হেন্না মপাঙ্গল কনবা মওংদা চৎপা য়াহন্দুনা প্রদক্তিবিতী হেনগৎহনবা ঙমগনি। মসিগা লোয়ননা, হেন্না ফবা কনেক্তিবিতী অসিনা লোকেল বিজিনেসশিংবু পুক্নিং থৌগৎপা ঙমগনি, মরুওইনা অনৌবা মেত্রো স্তেসনশিংগী মনাক্তা লৈবা মফমশিংদা, মসিনা হান্নদগী হেন্না লায়না চংদবা মফমশিংদা ইনবেস্তমেন্ত অমসুং দিবেলপমেন্তসু পুক্নিং থৌগৎপা ঙমগনি।

খুন্নাইগী ওইবা ইম্পেক্ত: অহমেদাবাদতা ফেজ ২গী মেত্রো রেল নেৎৱার্ক পাকথোক চাউথোকহনবনা পব্লিক ত্রান্সপোর্তকীদমক হেন্না চপ মান্নবা খুদোংচাবা ফংহল্লগনি। মসিনা তোঙান তোঙানবা সোসিও-ইকোনোমিক গ্রুপশিংদা কান্নবা ফংহল্লগনি অমসুং ত্রান্সপোর্তকী খেন্নবা হন্থহল্লগনি। মসিনা পুন্সি মহিংগী থাক ৱাংখৎহল্লগনি।

অহমেদাবাদ মেত্রো রেল প্রোজেক্তকী ফেজ 2(A) অসি শহর অসিগী ত্রান্সফোর্মেতিব দিবেলপমেন্ত অমা ওইরগনি। মসিনা হেন্না ফবা কনেক্তিবিতী, ত্রাফিক খোমজিন হন্থহনবা, অকোইবগী ফিবম ফগৎহনবা, শেন্মিৎলোন চাউখৎহনবা অমসুং পুন্সি মহিং ফগৎহনবা ঙমগনি হায়না থাজবা পীরি। মরুওইবা অর্বানগী শিংনবশিং কোকহন্দুনা অমসুং তুংলমচৎতা পাকথোক চাউথোক্নবা য়ুম্ফম অমা পীদুনা ফেজ 2(A) না শহর অসিগী চাউখৎপগী খোঙচৎ অমসুং তুংকোইনা চৎনগদবা মওংদা শেমগৎপদা মরুওইবা থৌদাং অমা লৌগনি।

অহমেদাবাদ মেত্রো ফেজ ২এনা কন্সত্রক্সন এক্তিবিতীগী পিক পেরিওদ মনুংদা মীওই ২,০০০ রোমদা থবক পীগনি অমসুং সিস্তেম অসিগী ওপরেসন অমসুং মেনতেন্সনগী মতমদা মীওই ৫০০না থবক তৌগনি।

রুত মেপঃ

 ***