সি.বি.সি. রিজনেল ওফিস ইম্ফালনা ৱার্ল্দ এনভাইর্নমেন্ত দে ২০২৬ পালন তৌখ্রে

সেন্ত্রেল ব্যুরো ওফ কম্ম্যুনিকেসন, রিজনেল ওফিস, ইম্ফালনা সেন্ত্রেল ফোরেস্ত দিভিজন, মনিপুর সরকারগা খুশম্নদুনা ইরাই নুমিৎতা "ইন্সপায়র্দ বাই নেচর। ফোর ক্লাইমেত। ফোর আৱর ফ্যুচর।" হায়বা থিমদা মনিপুরগী ইম্ফাল ৱেস্তকী সিংজমৈ ময়েংবম লৈকাইদা লৈবা সি.বি.সি. ওদিতোরিয়মদা ৱার্ল্দ এনভাইর্নমেন্ত দে ২০২৬ পালন তৌখ্রে।

থৌরম অদু দা. ইঙম পামে, আই.আই.এস., রিজনেল দাইরেক্তর, সি.বি.সি. অমসুং পি.আই.বি. ইম্ফালনা থৌরম মপু ওইখি। থৌরম অদুদা শরুক য়াখিবা অতোপ্পা দিগ্নিতরীশিংগী মনুংদা শ্রী ঐচ. দীপক কুমার শর্মা, এফ.ই.ও., দা. এন. রীনা দেবী, এফ.পি.ও., দা. ৱারীবম উর্মিলা, এফ.পি.ও., শ্রীমতি পুস্পা মাইবম, মীদিয়া অমসুং কম্ম্যুনিকেসন ওফিসর, পি.আই.বি. ইম্ফাল অমসুং এন.সি. লুফেং, সেনিয়র একাউন্ত ওফিসর য়াওখি।

আর্তিস্তশিং, কন্ত্রেক্ত স্তাফ, ইনভাইতীশিং অমসুং তোঙান তোঙানবা কলচরেল ওর্গনাইজেসনশিংগী মীহুৎশিং য়াওনা সি.বি.সি.গী রিজনেল ওফিস ইম্ফাল অমসুং পি.আই.বি. ইম্ফালগী ওফিসিএলশিং অমসুং স্তাফ মেম্বরশিংনা থৌরম অসিদা শরুক য়াখি।

থৌরম অদু দিগ্নিতরীশিংনা থৌরম হৌদোকপগী থাওমৈ চুখৎতুনা হৌদোকখি, মসিগী মতুংদা সি.বি.সি., ইম্ফালগী সেনিয়র আর্তিস্তশিংনা অকোইবগী ফিভম ঙাক-শেনবগী থিমদা য়ুম্ফম ওইবা হৌদোকপগী ঈশৈ অমা শকখি।

তরাম্না ওকপগী ৱারোল পীরদুনা, শ্রী ঐচ. দিপক কুমার শর্মানা তিল্লিবা মীয়ামবু তরাম্না ওকপা ফোংদোকখি অমসুং মীপুম খুদিংমকপু ইকো-ফ্রেন্দলী প্রদক্তশিং অমসুং থৌওংশিং ইন্দিভিজুএল, ফেমিলী অমসুং কম্ম্যুনিতীগী থাক্তা শীজিন্ননবা আপিল তৌখি। মহাক্না অকোইবগী ফিভম ঙাক-শেনবা অসি নাগরিক খুদিংমক্না পাংথোকপা য়াবা অপীকপা থবকশিংদগী হৌই হায়না অকনবা ৱাফম থমখি।

মহাক্কী মরুওইবা ৱারোলদা, দোক্তর এন. রীনা দেবীনা মহৌশাদগী চৎনরক্লবা অকোইবগী ফিভম অমসুং ইকোসিস্তেম কঞ্জর্বেসনগী পাম্বৈশিং অদু মীয়ামদা শন্দোক্না তাকখি। মহাক্না হায়খি মদুদি মীয়াম্না মহৌশানা অকোইবগী ফিভম ঙাকথোকপগী মরুওইবা অদু খঙলবসু, অশেংবা শিংনবসি এৱারনেস অসি এক্সনদা ওন্থোকপনা ওইরি। মহাক্না মীপুম খুদিংমকপু তুংগী মীরোনগী কান্ননবগীদমক্তা চৎনবা য়াবা অমসুং তুং কোইনা চৎনবা য়াবা অকোইবগী ফিভমগী ঙাকশেনবগী থবকশিং লৌখৎনবা মশাগী ওইবা থৌদাং লৌনবা হায়খি।

মহাক্কী থৌরম মপুগী ৱারোলদা, দোক্তর ইঙম পামেনা ৱার্ল্দ এনভাইরনমেন্ত দে পাংথোকপগী মরুওইবা অদু পনখি অমসুং চহি অসিগী থিমগী মতাংদা শন্দোক্না তাকখি। মহাক্না ইং কুমজা ১৯৮০ অমসুং ১৯৯০দগী ঙসি ফাওবদা উবা ফংলবা ক্লাইমেৎকী অহোংবশিং অদুগী মতাংদা ফোংদোকখি অমসুং অকোইবগী ফিভম কায়থরক্লিবা অসি থেংননবা খুদক্কী ওইবা তঙাইফদবা অদু পনখি। মহাক্না নাগরিকশিংদা ইমা পৃথীবি অমসুং মহৌশাগী মফমদা ইকায় খুম্নবা উৎনবা হায়খি। মহাক্না হায়খি মদুদি অসিগুম্বা থৌরমশিং অসি সিম্বোলিক ওইনা পাংথোকপা নত্তে, অদুবু কান্নবা থবকশিং পাংথোক্নবা ইথিল পীগদবনি।

অফবা অকোইবগী ফিভম অমসুং মীওইবগী য়াইফ-থৌরাংগী মরক্তা লৈনরিবা মরী অদু দা. পামেনা ফোংদোক্লদুনা মহাক্না হায়খি মদুদি তরুবা অমসুং হকচাং ফনা লৈবা অকোইবগী ফিভম অমা লৈত্রবদি, অফবা হকশেল অমসুং পুন্সি মহিং লৈবা ঙম্লোই। তোঙান তোঙানবা মখলগী পোলুসনগী হেনগৎলক্লিবা খুদোংচাদবশিং অদু পল্লদুনা মহাক্না প্লাস্তিক শীজিন্নবা হন্থহন্দুনা উ থাবা হেনগৎহনবা, এনভাইর্নমেন্তেল স্তেৱার্দশিপ অমসুং বাইওদিগ্রেদেবল মেতরিএলশিং শীজিন্নদুনা পোলুসন থেংননবা পুন্না হোৎনমিন্ননবা তকশিনখি।

থৌরম অসিদা অকোইবগী ফিভমগী মতাংদা এৱারনেস প্রমোৎ তৌনবা কলচরেল পর্ফোমেন্সশিংসু য়াওখি। সি.বি.সি.গী আর্তিস্তশিংনা অকোইবগী ফিভম ঙাক-শেনবগী মতাংদা থৌরম লোইশিনবগী ঈশৈ অমা শকখি, লোয়ননা মার্সিএল আর্তসকী আর্তিস্তশিংনা অতেনবা থাং-তা দেমোন্সত্রেসন অমা উৎখি। সি.বি.সি.গী আর্তিস্তশিংনা শাবা জগোই অমসুং তোঙান তোঙানবা কলচরেল ওর্গনাইজেসনশিংগী আর্তিস্তশিংনা শরুক য়াবনা থৌরম অসিগী মগুন হাপখি।

থৌরম অদুগী শরুক অমা ওইনা, উহৈ পানবা পাম্বী য়াওনা তোঙান-তোঙানবা পাম্বী মখল ৭০ রোমগী চারাশিং শরুক য়ারিবশিংদা য়েন্থোকখি, মসিনা অশং-অমান্না থনবা ওইহন্নবা খোঙথাংশিং অমসুং অকোইবগী ফিভম ঙাক-শেন্নবগী থবকশিংদা থৌনা লৈনা শরুক য়ানবা পুক্নিং থৌগৎপা ওইখি।

থৌরম অদু দা. ৱারীবম উর্মিলানা পীবা থাগৎ ৱারোলগা লোয়ননা লোইশিনখি, মহাক্না থৌরম অসি মাই পাকহনখিবগীদমক দিগ্নিতরীশিং, শরুক য়ারিবশিং, স্তাফ মেম্বরশিং অমসুং মীথুংলেন পুম্নমক্তা থাগৎপা ফোংদোকখি। মহাক্না অকোইবগী ফিভম ঙাক-শেনবগীদমক অপুনবা থৌদাং অদু অমুক্কা হন্না ফোংদোকখি অমসুং হেন্না শাফবা অমসুং হকচাং ফনা লৈবা তুংলমচৎ অমগী মায়কৈদা মখা তানা শরুক তম্নবা মীপুম খুদিংমকপু হায়খি।

************