کھادی اداروں کی کارکردگی، جیسے پیداوار، فروخت اور روزگار، کی باقاعدگی سے نگرانی حکومت کی جانب سے کھادی اینڈ ولیج انڈسٹریز کمیشن (کے وی آئی سی) کے ذریعے کی جاتی ہے، جو بہت چھوٹی ، چھوٹی اور درمیانے درجے کی صنعتوں کی وزارت کے تحت ایک قانونی ادارہ ہے۔ کھادی اداروں اور دستکاروں کو مختلف اسکیموں/پروگراموں کے ذریعے مالی معاونت فراہم کی جاتی ہے، جیسے کہ:

• ماڈیفائیڈ مارکیٹ ڈیولپمنٹ اسسٹنس (ایم ایم ڈی اے): ایم ایم ڈی اے کے تحت سیلز آؤٹ لیٹس کی جدید کاری اور کمپیوٹرائزیشن ، کپڑے کے بعد کے مرحلے/عمل میں جدید ترین ٹیکنالوجی کو اپنا کر ویلیو ایڈیشن ، ٹیکنالوجی اپ گریڈیشن وغیرہ کے لیے مالی مدد فراہم کی جاتی ہے ۔
• آئی ایس ای سی: سود سبسڈی اہلیت سرٹیفکیٹ (انٹرسٹ سبسڈی ایلیجیبِلٹی سرٹیفکیٹ (آئی ایس ای سی) کے وی آئی سی کے ذریعے اہل کھادی اداروں کو ان کی پیداوار کی سطح اور تخمینہ شدہ فنڈنگ کی ضروریات کی بنیاد پر جاری کیا جاتا ہے ۔  اس اسکیم کے تحت کھادی اداروں کو ان کی ضروریات کی بنیاد پر کیپٹل انویسٹمنٹ (سی آئی) اور ورکنگ کیپٹل (ڈبلیو سی) دونوں کے لیے 4% سالانہ کی رعایتی شرح سود پر قرض فراہم کیا جاتا ہے ۔
• کھادی کاریگروں کے لیے ورک شیڈ اسکیم:اس اسکیم  کا مقصد کھادی کاریگروں کو کاتنے اور بُننے کی سرگرمیوں کے لیے بہتر اور معیاری کام کرنے کی جگہ فراہم کرنا ہے۔ اس اسکیم کے تحت خام مال، اوزار، لوازمات اور نیم تیار یا تیار شدہ مصنوعات کے لیے ذخیرہ کرنے کی سہولت بھی مہیا کی جاتی ہے۔
• بنیادی ڈھانچے کی مدد فراہم کرکے موجودہ کمزور کھادی اداروں کو مضبوط بنانا: کمزور ، بیمار ، دشواری زدہ یا ڈی زمرے کے کھادی اداروں کو ضرورت پر مبنی مدد فراہم کی جاتی ہے جن میں بحالی اور خود کفیل بننے کی صلاحیت ہوتی ہے ۔
• سیلز آؤٹ لیٹس کی تزئین و آرائش کے لیے مارکیٹنگ کی مدد: سیلز آؤٹ لیٹس کی تزئین و آرائش ، نئے ڈیزائن متعارف کرانے اور استعمال کے لیے تیار مصنوعات کی ترقی کے ذریعے کھادی مصنوعات کی مارکیٹنگ کو بڑھانا ۔
• کاریگروں کی آمدنی کو بہتر بنانے کے لیے ای کامرس پلیٹ فارم کے ساتھ کھادی مصنوعات کے مارکیٹ روابط ، برانڈ کی تشہیر اور انضمام کو مضبوط کرنے کے لیے کے وی آئی سی کی طرف سے درج ذیل اقدامات کیے گئے ہیں:
• کے وی آئی سی اپنا ایک ای-کامرس پورٹل www.khadiindia.gov.in چلاتا ہے، جس کے ذریعے کھادی مصنوعات تک ملک بھر میں آسان رسائی فراہم کی جاتی ہے۔
• اس کے علاوہ کے وی آئی سی مختلف نمائشوں کا انعقاد بھی کرتا ہے، جن میں قومی سطح کی نمائشیں، زونل (علاقائی) سطح کی نمائشیں، ریاستی سطح کی نمائشیں، ضلعی سطح کی نمائشیں اور خصوصی نمائشیں شامل ہیں۔
• کے وی آئی سی کھادی اداروں کو بھارتی بین الاقوامی تجارتی میلے اور بیرونِ ملک منعقد ہونے والے تجارتی میلوں میں شرکت کی ترغیب دیتا ہے۔

 

• کھادی مہوتسو کی تقریبات کے دوران خصوصی سیلز کی حوصلہ افزائی کی جاتی ہے تاکہ کھادی مصنوعات کی مارکیٹنگ کو فروغ دیا جا سکے۔
• اس کے علاوہ کے وی آئی سی مختلف مارکیٹنگ پروگرامز کی سرپرستی بھی کرتا ہے، جیسے جیسے شاستر اور سارنگ @آئی آئی ٹی-مدراس ، دھرووا @آئی آئی ایم-تروچیراپلی وغیرہ ۔
• کھادی مصنوعات کی نمایاں خصوصیات کو پرنٹ اور الیکٹرانک میڈیا کے ذریعے وسیع تشہیر فراہم کی جاتی ہے ۔
• کھادی انڈیا برانڈ کو فروغ دینے کے لیے دیگر یا آزاد اداروں کی جانب سے منعقد کیے جانے والے پروگراموں اور تقریبات کی سرپرستی کی جاتی ہے، تاکہ برانڈ بیداری میں اضافہ ہو اور مارکیٹ تک رسائی کو وسعت مل سکے۔

یہ معلومات بہت چھوٹی ، چھوٹی اور درمیانے درجے کی صنعتوں کی وزیر مملکت (محترمہ شوبھا کرندلاجے) نے آج لوک سبھا میں ایک تحریری جواب میں فراہم کی ۔

*****

 

 

(ش ح-ش آ-م ذ)

U-7561

(रिलीज़ आईडी: 2265396) आगंतुक पटल : 5