স্পোর্তস ওথোরিতী ওফ ইন্দিয়া (সাই), নোর্ত ইস্ত রিজনেল সেন্তর (এন.ই.আর.সি.), ইম্ফালনা সাই এন.ই.আর.সি., তাকয়েল, ইম্ফালদা "সন্দেস ওন সাইকল"কী অখন্নবা ইদিসন অমা মাই পাক্না শিনখ্রে, মসিগী থৌরম অসিদা কম্মনৱেল্থ গেম্সকী শান্নরোইশিং, কোচশিং, ওফিসিএলশিং, ফিৎনেস পামজবশিং অমসুং মীয়াম্নসু শরুক য়াখি। ইভেন্ত অসি ফিৎনেস, হকচাং ফনা লৈবা পুন্সি মহিং, স্পোর্তস কলচর অমসুং সাইক্লিং অমসুং কম্ম্যুনিতী এঙ্গেজমেন্তগী খুত্থাংদা ফিজিকেল এক্তিবিতীশিংদা মীয়াম্না শরুক য়াবা হেনগৎহন্নবা পান্দমগা লোয়ননা শীন-লাংখি।

থৌরম অদুদা নমবোল এ.সি.গী এম.এল.এ. শ্রী থৌনাওজম বসন্ত কুমার সিংহনা থৌরম অদুগী চীফ গেস্ত ওইনা শরুক য়াখি অমসুং সাইক্লিং ইভেন্ত অদু লমথাখি। প্রোগ্রাম অসিদা মীওই ১০০ হেনবনা শরুক য়াখি। মহাক্না "সন্দেস ওন সাইকল" ইনিসিয়েতিব অসিনা মীওইশিং, মরু ওইনা নহাশিংবু চাং নাইনা ফিজিকেল এক্তিবিতীগী খুত্থাংদা এক্তিব ওইনা অমসুং হকচাং ফবা পুন্সি মহিং অমা ঙাক্না চৎনবা ইথিল পীবগীদমক থাগৎপা ফোংদোকখি। মহাক্না অকনবা ৱাফম থমখি মদুদি স্পোর্তস অমসুং ফিৎনেসনা মশা মউ ফবা খুন্নাই অমা শেমগৎপদা অমসুং নহা ওইরিবশিংগী মরক্তা পোজিতিব ওইবা পুন্সি মহিংশিংদা পুক্নিং থৌগৎপদা মরুওইবা থৌদাং লৌরি।

ইকাই খুম্নরবা মীথুংলেন, ওলিম্পিয়ন, পদ্ম শ্রী, অর্জুনা, অমসুং রাজীব গান্ধী খেল রত্ন মনা ফংখ্রবা অমসুং সি.আর.পি.এফ.কী রিতায়র ওইরবা কম্মান্দেন্ত, শ্রীমতি নামৈরাকপম কুঞ্জারানী দেবীনা মহাক্কী ইথিল পীরিবা খোঙচৎ অমসুং ইন্তর্নেস্নেল স্পোর্তসকী এক্সপরিয়েন্সশিং শিয়র তৌরদুনা শরুক য়ারিবশিং অমসুং শান্নরোইশিংদা পুক্নিং থৌগৎখি। মহাক্না নহাশিংবু শান্ন-খোৎনবা অমসুং ফিৎনেসতা দেদিকেতেদ ওইবা, দিসিপ্লিন লৈবা অমসুং কম্মিতেদ ওইনা লৈনবা পুক্নিং থৌগৎপীখি অমরোমদা মহাক্না খ্বাইদগী ৱাংবা থাক্তা এক্সিলেন্স ফংনবগীদমক চাং নাইবা, কন্না হোৎনবা, পুক্নিং চংবা অমসুং ৱাখলগী মপাঙ্গলগী মরুওইবা অদু পনখি।

কম্মনৱেল্থ গেম্সতা মেদল ফংলবা শান্নরোই কয়ানা লৈবাক শীনবা থুংনা ফিৎনেস, অপুনবা অমসুং শান্ন-খোৎনবগী ইথিলদা পুক্নিং থৌগৎলিবা খোঙথাং অমনি হায়না শন্দোক্না তাক্লদুনা “সি.দবল্যু.জি. স্পেসিএল ইদিসন ওফ সন্দেস ওন সাইকল”গী শরুক অমা ওইবদা চাউথোকচবা ফোংদোকখি। শান্নরোইশিংনা স্পোর্তস ইনফ্রাস্ত্রকচর, অৱাংবা থাক্কী ত্রেনিং সেন্তরশিং অমসুং শান্নরোইশিংগী তেংবাং পীনবগী পথাপশিংদা ভারতনা খোঙজেল য়াংনা খুমাং চাউশিল্লকপগী মতাংদা পনখি। মখোয়না লৈবাক অসিনা ২০৩০দা অহমদাবাদতা সেন্তিনরী কম্মনৱেল্থ গেম্স পাংথোকপা মতমদা অনৌবা বেঞ্চমার্কশিং শেম্লগনি হায়না থাজবা ফোংদোকখি।

থৌরম অদু কম্মনৱেল্থ গেম্সকী মেদল ফংলবশিং অমসুং শরুক য়ারিবশিংবু তরাম্না ওক্তুনা অমসুং মেমেন্তোশিং খুদোল তমদুনা লোইশিনখি।

***

(রিলিজ আই.দি.: 2264856) ভিজিতর কাউন্তর : 13