Ka President jong ka ri India kan sam ïa ki khusnam Padma Awards na ka bynta u snem 2026 ha ka Civil Investiture Ceremony-I ka ban long ha ka 25 tarik u Jymmang 2026, ha kaba yn sa pynkup burom Padma Shri ïa u Bah Hally War uba la pawnam namar ki kam jong u kiba iadei bad ka jingsumar ia ka mariang na ka jylla Meghalaya.

La ithuh ia u Bah Hally War na ka bynta ka jingtrei jong u kaba la palat san phew snem ban pynneh pynsah ia ka riti dustur jong ki Khasi ban shna ia ki jingkieng jri ha East Khasi Hills.

Lyngba kane ka kam kaba kyrpang, u la iarap ban pyniasoh ia ki jaka ba jngai, ban pynkhlain ia ka jinglong ryntih jong ka mariang, bad ban kyntiew ia ka jingim kaba iaineh kaba don nongrim ha ka jingstad tynrai.

Nalor ka kam jong u ha kaba ïadei bad ka mariang, u la ïalam ïa ki nongshong shnong ha kaba pynïaid shakhmat ïa kane ka pateng, ban kyrshan ïa ka kam jngohkai pyrthei kaba iaineh bad ban pynthikna ba ka jingstad tynrai ka hïar pateng.

Ka jingaiti jong u baroh shi jingim ka long kum ka nuksa kaba khlain jong ka jingiadei hapdeng ki briew bad ka mariang.

****

(Release ID: 2264807) visitor counter : 6