ভারতকী রাস্ত্রপতি, দ্রৌপদি মর্মুনা ২০২৬কীদমক ২০২৬গী মে ২৫দা রাস্ত্রপতি ভবনদা পাংথোক্কদৌরিবা সিভিল ইনভেস্তিতুরী সেরিমোনিদা পদ্ম এৱার্দশিং পীরগনি। মসি হোম এফিয়র্স মন্ত্রালয়না সোসিএল মীদিয়াদা থাগৎপা চেরোল অমনা ফোংদোকখিবনি।

ভারত সরকারনা ২০২৬ ফাওবগী ওইনা পদ্ম এৱার্দ ১৩১ লাউথোকখ্রে। মসিগী মনুংদা পদ্ম বিভূষণ মঙা, পদ্ম ভূষণ ১৩ অমসুং পদ্ম শ্রী এৱার্দ ১১৩ য়াওরি। অপুনবা মনা ফংলবশিংগী মনুংদা নুপী ১৯নি, অদুগা মনা ১৬দি শিরবা মতুংদা পীগনি। চহি অসিগী শক্নাইরবা এৱার্দ ফংলবশিংগী মরক্তা মনিপুরগী লৈখিদ্রবা শ্রী য়ুম্নাম জত্রা সিংহ, মনিপুরী নত সংকীর্তনগী শক্নাইরবা মীহুৎ অমা য়াওরি। শ্রী য়ুম্নাম জত্রা সিংহ অসি মনিপুরগী চৎনবী ওইরবা কলচরেল আইকোন অমনি অমসুং মনিপুরগী ত্রেদিস্নেল বৈষ্ণব জগোয় অমসুং ঈশৈগী মওং ওইরিবা নত সংকীর্তনগী শক্নাইরবা মীওই অমনি। মহাক্না মমিং লৈরবা জৱাহরলাল নেহরু মনিপুর দান্স একাদেমী (জে.এন.এম.দি.এ.) দা ভিজিতিং গুরু ওইনা থবক তৌখি।

ইং ১৯২৩গী সেপ্তেম্বর ১২দা ইম্ফাল ৱেস্ত, মনিপুরগী তেন্দোংয়ান অৱাং লাইকাইদা পোকখিবা শ্রী জত্রা সিংহনা য়াম্না নহা ওইরিঙৈদগী ঈশৈ শকপা হৌরকখি। ইং ১৯৪৯দগী হৌখিবা মহাক্কী কেরিয়র অদুদা মহাক্না ভারত শিনবা থুংনা পার্ফোমেন্স কয়া পাংথোকখি। মহাক্কী পুন্সিগী থবক, দিকেদ তরেৎ হেনবদা, নহা ওইরিবা আর্তিস্তশিংগী জেনরেসনশিং ত্রেনিং য়াওনা, স্পিরিচুএল হেরিতেজ ঙাক-শেন্দুনা থম্নবা অমসুং প্রমোৎ তৌনবা কৎথোকখি। মহাক্না জে.এন.এম.দি.এ.দগী নত ইশৈ (১৯৭৬) অমসুং নত চোলোম (১৯৮০) দা দিপ্লোমা অমা ফংখি। মহাক্না মণিপুরী চৎনবীগী ঈশৈ অমসুং লোলগী ওইবা মওং-মতৌ অনিমক্তা অকনবা একাদমিক অমসুং প্রাক্টিকেল কমান্দ অমা উৎখি।

শ্রী জত্রা সিংহনা মনিপুর অমসুং মপান্দা পাক শন্না থবক তৌখি। মহাক্না মনিপুর সাহিত্য পরিষদ, মনিপুর স্তেত কালা একাদেমী, অমসুং গুরু গোলাপী নাথ সংকীর্তন একাদেমীনা শিন্দুনা পাংথোকপা ফেস্তিবেল কয়াদা শরুক য়াখি। মহাক্না ত্রিপুরাদা কির্তন ফেস্তিবেল, নোংচুপ বেঙ্গলদা নিতি লীলা অমসুং নিমাই সনয়স ফেস্তিবেল অমসুং দিল্লিদা ১৯৬০দা মনিপুরী নত সঙ্কির্তন উৎখি। মালেমগী থাক্তা ওইনা, মহাক্না ইং ১৯৪৯দা বঙ্গলাদেশকী বারাক ফেস্তিবেলদা চৎখি।

শ্রী জত্রা সিংহনা নত সংকীর্তনদা পীখিবা থৌদাং অসি মতম চুপ্পগীনি। মহাক্না হোৎনখিবশিং অসিনা শঙ্কির্তনবু ২০১৩দা য়ু.এন.ই.এস.সি.ও.না ইন্তেঞ্জিবল কলচরেল হেরিতেজ অমা ওইনা শকখঙবা অমসুং মনিপুর য়ুনিভর্সিতী ওফ কলচরগী শঙ্কির্তন দিপার্তমেন্ত লিংখৎপদা মরু ওইবা থৌদাং লৌখি।

শ্রী জত্রা সিংহনা রাজ্য অমসুং নেস্নেল এৱার্দ অমসুং ইকায় খুম্নবা কয়া ফংখ্রে। মহাক্না ইং ২০২৩দা দিল্লীগী সঙ্গীত নাটক একাদেমিদগী সঙ্গীত নাটক একাদেমি অমৃত এৱার্দ ফংখি। মহাক্না মহারাজ বোধাচন্দ্রগী লোয়নবীনা পীবা ইকাই খুম্নরবা খামেন চতপা (রোয়ল ধোতি), সনা খুজি (গোল্দ বেঙ্গল), অমসুং সিম্বলশিং ফংখি। মহাকপু ২০০৮দা মনিপুরী সাহিত্য পরিষদকী ৭৩শুবা চহিগী মীফমদা  “ নত ভূষণ”  হায়বা মিংথোল পীখি। মহাকপু ২০১৩দা মনিপুর স্তেৎ কালা একাদেমীনা নত সংকীর্তনগী ওইনা মনিপুর স্তেৎ কালা একাদেমী এৱার্দ পীদুনা ইকায় খুম্নখি। ২০১৫দা জৱাহরলাল নেহরু মনিপুর দান্স একাদেমীগী দাইমন্দ জুবিলীগী থৌরমদা মহাকপু অখন্নবা ইকাই খুম্নবা অমা পীখি। মহাক্কী পুন্সি চুপ্পগী ওইবা থৌদাংশিং অদুগীদমক, কলচরেল ফোরম মনিপুরনা মহাকপু ২০১৬তা নত ইশৈদা লাইফতাইম এচিবমেন্ত এৱার্দ পীখি। ২০১৭দা, মহাকপু মনিপুর সাহিত্য পরিষদনা সংকীর্তনদা “নত রত্ন” হায়বা মিংথোল পীখি। মহাক্না ২০১৯দা ইন্তর্নেস্নেল সঙ্কীর্তন দে সেলেব্রেসন কমিতীনা হরিনাম মহা মন্ত্র এৱার্দসু ফংখি। মহাক্না শ্রী গোবিন্দাজী নাহা পালাগী “ইশে হনবা” (চিফ পর্ফোর্মর) গী মিংথোল লৌখি। মহাক অসি ওল ইন্দিয়া রেদিওগী অয়াবা ফংলবা আর্তিস্ত অমনি। মসিনা রাজ্যগী ঙমখৈ ৱাংমদা নত ইশৈ শন্দোকপদা মতেং পাংখি। শ্রী জত্রা সিংহ অসি ২০২৫গী ওক্তোবর ১১দা লৈখিদে।

***

(রিলিজ আই.দি.: 2263142) ভিজিতর কাউন্তর : 24