ભારત સરકારના વાણિજ્ય વિભાગના સચિવ શ્રી રાજેશ અગ્રવાલે ભારતની આંતરરાષ્ટ્રીય વ્યાપાર અને વાણિજ્ય ઇકોસિસ્ટમ માટે વ્યાપાર કરવાની સરળતા (ઇઝ ઓફ ડુઇંગ બિઝનેસ) ને મજબૂત કરવામાં ગિફ્ટ આઇએફએસસી (GIFT IFSC) ની વધતી જતી ભૂમિકા અંગે ચર્ચા કરવા માટે ગિફ્ટ સિટી (GIFT City) ખાતે ઇન્ટરનેશનલ ફાઇનાન્સિયલ સર્વિસીસ સેન્ટર્સ ઓથોરિટી (IFSCA) ના મુખ્યાલયની મુલાકાત લીધી હતી અને IFSCA ના ચેરપર્સન શ્રી કે. રાજારામન તેમજ ગિફ્ટ અને IFSCA ના વરિષ્ઠ અધિકારીઓ સાથે ઉચ્ચ સ્તરીય બેઠક યોજી હતી.

વૈશ્વિક મૂડી પ્રવાહ, આંતરરાષ્ટ્રીય વ્યાપાર ધિરાણ (ટ્રેડ ફાઇનાન્સિંગ) ને સરળ બનાવવા અને મજબૂત ક્રોસ-બોર્ડર (સરહદ પારની) નાણાકીય ઇકોસિસ્ટમના વિકાસ માટે GIFT IFSC માળખાનો લાભ લેવા પર ચર્ચાઓ કેન્દ્રિત હતી.

IFSCA ના ચેરપર્સન શ્રી કે. રાજારામને GIFT IFSC ને વૈશ્વિક સ્તરે સ્પર્ધાત્મક આંતરરાષ્ટ્રીય નાણાકીય અને વ્યાપારી હબ તરીકે સ્થાપિત કરવામાં IFSCA ની ભૂમિકા પર પ્રકાશ પાડ્યો હતો. ચેરપર્સન IFSCA એ વૈશ્વિક મૂડી પ્રવાહ માટેના ગેટવે (પ્રવેશદ્વાર) તરીકે, એરક્રાફ્ટ અને જહાજ લીઝિંગ (ભાડાપટ્ટા) માટેના એક વધતા હબ તરીકે અને વ્યાપાર ધિરાણ, વીમો તેમજ પુનઃવીમા પ્રવૃત્તિઓ માટેના એક ઊભરતા કેન્દ્ર તરીકે GIFT IFSC ના ઉદયને પણ રેખાંકિત કર્યો હતો. તેમણે વધુમાં GIFT IFSC માટે એકીકૃત નિયમનકાર (યુનિફાઇડ રેગ્યુલેટર) તરીકે IFSCA ની ભૂમિકા નોંધી હતી, જેને 35 થી વધુ નિયમો અને 17 ફ્રેમવર્કનું સમર્થન પ્રાપ્ત છે, જેમાં 1000 થી વધુ નોંધાયેલી સંસ્થાઓ આ ઇકોસિસ્ટમની અંદર કાર્યરત છે.

ગિફ્ટ સિટી કંપની લિમિટેડ (GIFT City Co Ltd) ના એમડી (MD) શ્રી સંજય કૌલે શહેરના અપગ્રેડેશન, સામાજિક ઇન્ફ્રાસ્ટ્રક્ચર અને જીવન જીવવાની સરળતા (ઇઝ ઓફ લિવિંગ) માટેની યોજનાઓ રજૂ કરી હતી.

IFSCA એ વિકસતી જતી GIFT IFSC ઇકોસિસ્ટમની એક ઝાંખી રજૂ કરી હતી, જેમાં બેંકિંગ, મૂડી બજારો, વીમો, ફંડ મેનેજમેન્ટ, એરક્રાફ્ટ અને જહાજ લીઝિંગ તેમજ ફિનટેક ક્ષેત્રોમાં તેની વૃદ્ધિ દર્શાવવામાં આવી હતી. ભારત સરકાર, IFSCA અને ઇન્ડિયા ઇન્ટરનેશનલ બુલિયન એક્સચેન્જના વરિષ્ઠ અધિકારીઓની ઉપસ્થિતિમાં વાણિજ્ય વિભાગ સમક્ષ વિચારણા હેઠળના મુખ્ય IFSCA સક્ષમકર્તાઓ (એનેબલર્સ) પર એક વિગતવાર પ્રેઝન્ટેશન પણ આપવામાં આવ્યું હતું. ચર્ચાઓ SEZ માળખાના સુધારા, લીઝિંગ ઇકોસિસ્ટમના વિકાસ અને ધાતુઓ તેમજ કોમોડિટીઝ ક્ષેત્રમાં રહેલી તકોને લગતી બાબતો પર કેન્દ્રિત હતી. વર્ષ 2025-26 માં, GIFT IFSC ઇન્ટરનેશનલ બેંકિંગ યુનિટ્સે વ્યાપાર ધિરાણમાં USD 50 અબજ પૂરા પાડ્યા હતા, જ્યારે ITFS પ્લેટફોર્મ્સ અને ફેક્ટરિંગ કંપનીઓએ SMEs (લઘુ અને મધ્યમ ઉદ્યોગો) ને બિલ ફેક્ટરિંગ દ્વારા USD 111 મિલિયન પૂરા પાડ્યા હતા.

આ મુલાકાત દરમિયાન સ્ટેકહોલ્ડર પરામર્શ બેઠક પણ યોજવામાં આવી હતી, જેમાં બેંકો, બુલિયન, લીઝિંગ, ફંડ મેનેજમેન્ટ એન્ટિટીઝ (FMEs), ITFS પ્લેટફોર્મ્સ, ફેક્ટરિંગ કંપનીઓ, IIFT અને અન્ય વ્યાપાર ધિરાણ સંસ્થાઓનું પ્રતિનિધિત્વ કરતા ઉદ્યોગના સભ્યો અને ઇકોસિસ્ટમના હિસ્સેદારોએ ભાગ લીધો હતો. આ સંવાદે હિસ્સેદારોને ઉદ્યોગના પરિપ્રેક્ષ્યો શેર કરવાની, ઓપરેશનલ અને રેગ્યુલેટરી પડકારોની ચર્ચા કરવાની અને GIFT IFSC ખાતે વ્યાપાર ઇકોસિસ્ટમને વધુ મજબૂત કરવા માટે જરૂરી પગલાંઓ પર વિચાર-વિમર્શ કરવાની તક પૂરી પાડી હતી.

આ બેઠકે વૈશ્વિક મૂડી, વ્યાપાર ધિરાણ અને આંતરરાષ્ટ્રીય વ્યાપાર પ્રવાહ માટેના ગેટવે તરીકે GIFT IFSC ના વ્યૂહાત્મક મહત્વ અને સરહદ પારની નાણાકીય સેવાઓમાં ભારતની સ્પર્ધાત્મકતા વધારવા તરફ તેના વધતા યોગદાન પર પ્રકાશ પાડ્યો હતો.

આ ચર્ચાઓ વિકસિત ભારત 2047 ના વિઝનને અનુરૂપ નીતિગત સંકલનને મજબૂત કરવા અને GIFT IFSC ખાતે વૈશ્વિક સ્તરે સંકલિત ઇકોસિસ્ટમને સક્ષમ કરવા પ્રત્યેની સહિયારી પ્રતિબદ્ધતાને પ્રતિબિંબિત કરે છે.

IJ/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2262158) મુલાકાતી સંખ્યા : 39