La pynlong ia ka prokram pynsngewthuh bad ai jingtip paidbah halor ka New Income Tax Bill, 2025 hapoh ka campaign ha ka ri baroh kawei ka “Prarambh 2026” ha nongbah Shillong ban wanrah ka jingsngewthuh bad kyntiew ia ka jingsngewthuh jong ki paidbah shaphang ki kyndon, ki jingpynkylla, bad ki bynta kiba iahap bad ki nongsiew khajna jong ka ain ba la tyrwa hapdeng kito kiba don bynta ha kane ka kam, ki nongsiew khajna, ki riew shemphang, ki samla pule bad ki paidbah.

Ha kane ka prokram la sakhi ïa ka jingïashim bynta ki ophisar jong ka Tnad Income Tax, ki nongmihkhmat na ki jaka pule bad ki kynhun jong ki riewshemphang, ki nongsiew khajna bad ki paidbah. Kane ka sienjam ka long shi bynta jong ka campaign ai jingtip ha kylleng ka ri kaba la pynlong da ka Tnad Income Tax ban pynsuk ïa ka jingpynsaphriang jingtip bad jingsngewthuh kham bha ïa ka New Income Tax Bill, 2025 bad ka rukom treikam ba la pynsuk jong ka.

Ki kynrem ki lyndan kiba la iadonlang ha kane ka prokram ki kynthup ïa u Imokaba Jamir, Principal Commissioner of Income Tax, Shillong; Bah D.A.J. Sawkmie, Commissioner of Income Tax (Retd.); ka Rentei Renthlei, Commissioner of Income Tax (Appeals Central), Guwahati; bad u Anand Kumar, Additional Commissioner of Income Tax, Range Shillong.

Haba ai jingkren ha ka jingialang, u Imokaba Jamir u la ong ba ia ka campaign pynsngewthuh paidbah ha ka ri baroh kawei ka “PRARAMBH 2026” la sdang da ka Tnad Income Tax ban pynsngewthuh ia ki bynta ba kongsan bad ka rukom pyntreikam ia ka New Income Tax Bill, 2025. U la ong ba ka campaign ka long ka dak jong ka jingsdang ba thymmai kaba thmu ban pynsuk ia ki ain siew khajna bad ban pynlong ïa ki kiba kham shai, kiba lah ban ïoh, bad kiba suk ban sngewthuh na ka bynta ki nongshong shnong bad ki nongsiew khajna.

U la pyntip ba ïa kane ka campaign ai jingtip paidbah la plie da ka Myntri kam Pla Tyngka ha New Delhi ha ka 20 tarik u Lber, 2026, katba ïa ka jinglie paidbah na ka bynta ka thaiñ shatei lammihngi la pynlong ha Guwahati ha ka 7 tarik u Jymmang, 2026. U la ong shuh shuh ba dang pynlong ia ki prokram pynsngewthuh paidbah ha kylleng ki jylla ka thaiñ shatei lammihngi bad hadien kata yn sa pynïar sha ki shnong, ki jaka nongkyndong, bad ki jaka ba jngai ban pynthikna ïa ka jingpynsaphriang jingtip kaba kham iar bad kaba poi lut sha baroh.

Haba ban jur ia ki sienjam ban pynsuk ia ki nongsiew khajna, u Jamir u la pyntip ba la pyllait ia ki atiar ai jingtip ba la pynbeit ryntih, kynthup ia ki kot lyngkdop ha ka ktien phareng, Hindi, bad shiphew tylli kiwei pat ki ktien jong ka ri, ban pynsuk ia ka jingsngewthuh ia ka ain ba la tyrwa. U la ban jur ruh ïa ka jingplie paidbah ïa ka “Kar Saathi”, ka chatbot ba pyndonkam da ka AI ba la shna khnang ban ïarap ïa ki nongsiew khajna ban sngewthuh ïa ki kyndon jong ka Income Tax Bill kaba thymmai bad ban jubab ïa ki jingkylli ha ka rukom kaba suk, kaba lah ban ïakren, bad kaba suk ban pyndonkam.

Haba batai ïa ki nongrim jong ka Income Tax Bill bathymmai, u Jamir u la kdew ïa ka kyntien lyngkot “SIMPLE” ba la wanrah da ka Myntri Kam Pla Tyngka, da kaba ban jur ïa ka jingpynbeit ryntih, ki kyndon ba ïasohlang, ka jingpynduna ïa ki jingmudui, ki jingpynkylla kiba treikam bad kiba shai, ka jinglah ban pyniahap, bad ka jingpynïaid kaba paka ia ki kam khajna.

U la ong ba kane ka aiñ ba la tyrwa ka ialeh ban pynsuk shibun ïa ka rukom siew khajna da kaba pynduna ïa ki section na ka 819 sha ka 536, ki kyndon na ka 511 sha ka 333, bad ki phorm na ka 399 sha ka 190, da kaba kyntiew shuh shuh ia ka jinglah ban pule bad pynduna ïa ka jingeh. U la pynshai ruh ba kam shym la don kano kano ka jingkylla ha ka polisi khajna ne ki dor khajna katkum ka jingthmu ba la tyrwa.

Haba ai jingkren ha kane ka prokram, u Anand Kumar u la batai bniah halor ka jingbishar bad jingpynbeit thymmai ïa ka rukom treikam ba la shim na ka bynta ka Income Tax Bill ba thymmai. U la ong ba ki jingpynkylla ki thmu ban pynsuk ïa ka kam ba iadei bad ka aiñ, ban pyniasoh lang ia ki bynta bapher bapher, ban weng ïa ki kyntien kiba la rim, bad ban kyntiew ïa ka jingsuk jong ki nongsiew khajna lyngba ki kam ba la pynbeit ryntih.

Haba ai jingkren sha ki nongïashim bynta, ka Rentei Renthlei u la ban jur ia ki jingpynkylla kiba iadei bad ki kyndon jong ka TDS, ka khajna ba la siew lypa, ki survey, bad ki rukom wad ba la tyrwa hapoh ka Income Tax Bill ba thymmai. Ka la ban jur ruh ban pynthymmai ïa ki kyndon kiba ïadei bad ki jingdon jingem digital bad ka jingïoh ia ki sakhi digital lad katkum ka aiñ katba dang pynneh ïa ki jingïada ha ka rukom treikam bad ka hok jong ki nongsiew khajna.

La pynkut ïa ka prokram da ki jingialang iamir jingmut bad ka jingïakren bad ki nongshim bynta, ha kaba la pynshlur ïa ki nongïashim bynta ban buh jingkylli bad ai jingmut ha kaba ïadei bad ka aiñ ba la tyrwa bad ki sienjam pynsaphriang jingtip ba la sdang hapoh ka “Prarambh 2026”.

 

****

(Release ID: 2261304) visitor counter : 3