مرکزی کابینہ نے 18 ستمبر 2024 کو ڈی بی ٹی کی اسکیموں ‘‘بایوٹیکنالوجی ریسرچ اینڈ ڈیولپمنٹ’’، ‘‘انڈسٹریل اینڈ انٹرپرینیورشپ ڈیولپمنٹ’’ اور ‘‘بایوٹیکنالوجی ریسرچ اینڈ انٹرپرینیورشپ ڈیولپمنٹ’’ کو ایک واحد اسکیم ‘‘بایوٹیکنالوجی ریسرچ، اِنویشن اینڈ انٹرپرینیورشپ ڈیولپمنٹ (بایو-رائیڈ)’’ کے طور پر جاری رکھنے کی منظوری دی۔بایو-رائیڈ اسکیم کو اختراع اور بایو-انٹرپرینیورشپ کو فروغ دینے، نیز بایو مینوفیکچرنگ اور بایوٹیکنالوجی کے میدان میں بھارت کی عالمی قیادت کو مضبوط بنانے کے مقصد سے تیار کیا گیا ہے۔ اس اسکیم کا مقصد تحقیق کی رفتار تیز کرنا، مصنوعات کی ترقی کو فروغ دینا اور تعلیمی تحقیق و صنعتی اطلاق کے درمیان موجود خلا کو پُر کرنا ہے۔یہ اسکیم صحت، زراعت، ماحولیاتی پائیداری اور صاف توانائی جیسے قومی و عالمی چیلنجوں سے نمٹنے کے لیے بایو-اختراع کی صلاحیت کو بروئے کار لانے کے مرکزی حکومت کے مشن کا حصہ ہے۔

محکمہ اور اس کا سرکاری شعبے کا ادارہ ‘‘بایوٹیکنالوجی انڈسٹری ریسرچ اسسٹنس کونسل’’ انسانی وسائل کی ترقی، سائنسی بنیادی ڈھانچے کی معاونت، اور بایوٹیکنالوجی کے شعبے میں تحقیق، ترقی اور اختراعی منصوبوں کی حمایت کر رہے ہیں۔ اس کے نتیجے میں متعدد تحقیقی اشاعتیں، پیٹنٹس اور افرادی قوت کی تربیت حاصل ہوئی ہے۔بایوٹیکنالوجی محکمہ کی مسلسل کوششیں بھارت کو بایوٹیکنالوجی تحقیق، اختراع، ٹیکنالوجی کی منتقلی، انٹرپرینیورشپ اور صنعتی ترقی کے میدان میں عالمی سطح پر مسابقتی بنانے کے وژن کے مطابق ہیں۔ ان کوششوں کا مقصد قومی ترقی اور سماجی بہبود کے لیے بایوٹیکنالوجی کی صلاحیت سے فائدہ اٹھانا اور 2030 تک 300 بلین ڈالر کی بایو اکانومی بننے کے ہدف کو حاصل کرنا ہے۔

بایو-رائیڈ اسکیم کی اہم کامیابیاں درج ذیل ہیں۔

• شدید ہیموفیلیا اے کے لیے لینٹی وائرل ویکٹر کے ساتھ انسانی جین تھراپی پر ملک کے پہلے واحد مرکز مطالعے کے نتیجے میں شامل تمام 5 مریضوں میں فیکٹر VIII کی پیداوار کے ساتھ سالانہ خون بہنے کی شرح صفر رہی۔
• ‘‘فریم ورک فار ایکسچینج آف ڈیٹا پروٹوکول’’اور انڈین بایولوجیکل ڈیٹا سینٹر پورٹل کا آغاز کیا گیا، جس کے ذریعے ملک اور دنیا بھر کے محققین کے لیے 10,000 مکمل جینوم نمونے قابلِ رسائی بنائے گئے۔
• دواؤں کے خلاف مزاحمت سے نمٹنے کے لیے بھارت کی پہلی مقامی اینٹی بایوٹک ‘‘نیفیتھرومائسن’’ کی سائنسی تکمیل کا آغاز کیا گیا۔
• ٹی بی کے خاتمے کے لیے ڈیٹا پر مبنی تحقیق کے تحت ‘‘ڈیئر2ایریڈی ٹی بی’’ پروگرام نے 20,000 ٹی بی جینوم کی سیکوینسنگ مکمل کی، جبکہ ‘‘گربھ-اِنی’’ پروگرام نے بہتر پیدائشی نتائج کے حل تلاش کرنے کے لیے 12,000 حاملہ خواتین کا اندراج مکمل کیا۔
• نیشنل بایوفارما مشن (این بی ایم) نے دو کووڈ ویکسین — زائیکوو-ڈی اور کاربیو ویکس —، ذیابیطس کے لیے بایوسِملر لیراگلوٹائڈ، کووڈ کے لیے پیگیلیٹڈ انٹرفیرون الفا-2بی، پہلا مقامی ایم آر آئی اسکینر، سنگل یوز بایوری ایکٹر، 9 کووڈ تشخیصی کٹس، وینٹی لیٹرز اور ری ایجنٹس کامیابی سے تیار کیے۔
• ایک مشترکہ مطالعے میں، برک-ٹی ایچ ایس ٹی آئی اور آر سی بی کے محققین نے‘‘7ڈی’’ نامی ایک چھوٹے سالمے کی شناخت کی، جس نے ڈینگی وائرس کے خلاف تجربہ گاہ اور چوہوں پر امید افزا نتائج دکھائے۔
• اس ڈی بی ٹی پروگرام کے تحت برک-این آئی پی جی آر کی تیار کردہ خشک سالی برداشت کرنے والی چنے کی دو اقسام اے ڈی ایف ای کے اے اور ایس اے ٹی ایف کے کو دال مشن اقدام کے تحت خود کفالت کے لیے امید افزا اقسام کے طور پر منتخب کیا گیا۔ یہ بہتر بیج اقسام مجموعی بریڈر سیڈ طلب کا 30 فیصد سے زیادہ حصہ فراہم کرتی ہیں۔
• زرعی علاقوں میں کیڑے مار ادویات سے پیدا ہونے والے زہریلے اثرات سے نمٹنے کے لیے ‘‘کسان-کَوچ’’ نامی حفاظتی سوٹ متعارف کرایا گیا۔
• چاول کے لیے پہلی مرتبہ تیار کردہ 90کے پین-جینوم ایس این پی جینو ٹائپنگ اَرے "اِندرا" کو عوامی استعمال کے لیے تجارتی شکل دی گئی۔
• ‘‘سی آئی ایف اے-بروڈ-ویک’’ تیار کیا گیا، جو مچھلی کے انڈوں میں بیماریوں اور شرحِ اموات کو روکنے کی صلاحیت رکھتا ہے۔
• اے اے یو-آسام کی تیار کردہ بیکٹیریل بلائٹ مزاحم چاول کی قسم ‘‘پٹکائی’’ کو مرکزی ورائٹی ریلیز کمیٹی (سی وی آر سی) نے منظوری دی۔
• زیرِ آب برداشت کرنے والی چاول کی قسم اے ڈی ٹی 39-سب1 کو سال 2025 میں جاری کیا گیا۔
• آسام زرعی یونیورسٹی، جورہاٹ اور آسام رائس ریسرچ انسٹی ٹیوٹ، تیتابار نے‘‘ارون’’ نامی خشک سالی برداشت کرنے والی چاول کی قسم تیار کی۔
• 1جی ایتھنول کی پیداوار کے لیے اناج کے فرمنٹیشن کے دوران درآمدی متبادل کے طور پر ایک انجینئرڈ گلوکو امائلیز خارج کرنے والا خمیری تناؤ تیار کیا گیا۔
• ملک بھر میں مجموعی طور پر 52 بایو انفارمیٹکس مراکز جدید حیاتیاتی طبی تحقیق کو فروغ دے رہے ہیں۔
• 15 اگست 2025 کو نوجوانوں کی شمولیت سے متعلق وزیرِ اعظم کی اپیل کے تحت، وزیر مملکت برائے سائنس و ٹیکنالوجی (آزادانہ چارج) ڈاکٹر جتیندر سنگھ نے ‘‘بایوای3 چیلنج فار ڈیزائن’’ کا آغاز کیا، جس کا مقصد نوجوانوں کو اپنے دور کے اہم مسائل حل کرنے کے لیے بااختیار بنانا ہے۔
• وزیرِ اعظم جناب نریندر مودی کی صدارت میں مرکزی کابینہ نے بایومیڈیکل ریسرچ کیریئر پروگرام (بی آر سی پی) کے تیسرے مرحلے کو 2037-38 تک جاری رکھنے کی منظوری دی۔ اس منصوبے پر 1500 کروڑ روپے لاگت آئے گی، جس میں ڈی بی ٹی اور ڈبلیو ٹی، برطانیہ کی جانب سے بالترتیب 1000 کروڑ اور 500 کروڑ روپے فراہم کیے جائیں گے۔
• ایکسیم-4 مشن پر حالیہ تجربے میں خلائی استعمالات کے لیے خرد طحالب کی صلاحیت کامیابی سے ثابت کی گئی۔ اس کے علاوہ خرد ثقلی ماحول میں یوریا پر سائنو بیکٹیریا کی افزائش کا پہلا ثبوت بھی حاصل کیا گیا۔ مزید یہ کہ خرد ثقلی ماحول میں انسانی عضلات کی بحالی متاثر ہوئی، جس میں مائٹوکانڈریائی فعالیت میں کمی اور تمیز کے عمل میں سستی دیکھی گئی۔
• بھارت میں اختراع اور ترقی کو فروغ دینے کے لیے ڈی بی ٹی اور انڈیا اے آئی نے 18 اگست 2025 کو ایک مفاہمتی یادداشت پر دستخط کیے تاکہ بایوٹیکنالوجی اور مصنوعی ذہانت میں مہارت سے فائدہ اٹھایا جا سکے۔
• اکتوبر 2024 میں ڈی بی ٹی اور اسرو کے درمیان خلائی بایوٹیکنالوجی اور بایو مینوفیکچرنگ میں تعاون کے لیے مفاہمتی یادداشت پر دستخط کیے گئے۔ ڈی بی ٹی اور حکومتِ آسام نے بایوای3 سیل کے قیام اور اسٹریٹجک تعاون کے لیے بھی معاہدہ کیا۔
• ‘‘آئی برکس میں سائنسی انٹرپرینیورشپ اور تحقیقی تجارتی کاری کے نفاذ کے لیے عملی رہنما خطوط’’جاری کیے گئے۔
• غیر انسانی پریمیٹس کے لیے اینیمل بایو سیفٹی لیول-3 سہولت برک-نیشنل انسٹی ٹیوٹ آف امیونولوجی میں قائم کی گئی۔
• ایک روزہ جینوم مشن نے 244 اینوٹیشن شدہ جینوم جاری کیے۔
• 75 بایونیسٹ مراکز اور 19 ای-یووا مراکز 9 لاکھ مربع فٹ سے زیادہ انکیوبیشن اسپیس فراہم کر رہے ہیں۔
• بی آئی آر اے سی کی ای-یووا اسکیم نے نمایاں ترقی دکھائی، جس کے تحت 15 ریاستوں اور مرکز کے زیر انتظام علاقوں میں پری-انکیوبیشن مراکز کی تعداد 10 سے بڑھا کر 19 کر دی گئی۔
• بھارت کی بایو اکانومی 2014 میں تقریباً 10 بلین امریکی ڈالر سے بڑھ کر 2025 میں 195 بلین امریکی ڈالر سے تجاوز کر گئی ہے۔
• بایوای3 پالیسی پائیدار بایو مینوفیکچرنگ کو فروغ دے رہی ہے، جبکہ 11,800 سے زائد اسٹارٹ اپس بھارت کی توسیع پذیر بایو اکانومی کو طاقت فراہم کر رہے ہیں۔
• بھارت کی بایو اکانومی مجموعی گھریلو پیداوار (جی ڈی پی) میں تقریباً 5 فیصد حصہ ڈالتی ہے۔

محکمۂ بایوٹیکنالوجی بایوٹیک اسٹارٹ اپ ماحولیاتی نظام کی معاونت کرتا ہے، جبکہ اس ضمن میں سرکاری شعبے کا ادارہ ’’بایوٹیکنالوجی انڈسٹری ریسرچ اسسٹنس کونسل‘‘ (بی آئی آر اے سی) اہم کردار ادا کرتا ہے۔بی آئی آر اے سی بایوٹیکنالوجی کے شعبے میں منظم پروگراموں کے ذریعے صنعت کی قیادت میں اختراع کو فروغ دینے اور بایوٹیک اسٹارٹ اپس کی حمایت میں کلیدی کردار ادا کرتا ہے۔بی آئی آر اے سی انکیوبیشن، مالی معاونت، رہنمائی اور صنعتی شراکت داری کے ذریعے تحقیق، ٹیکنالوجی کی ترقی اور تجارتی کاری کی حمایت کے لیے مختلف پروگرام نافذ کرتا ہے۔ اہم اقدامات میں شامل ہیں:

• بایو اِنکیوبیٹر نرچرنگ انٹرپرینیورشپ فار اسکیلنگ ٹیکنالوجیز (بایونیسٹ):اس اسکیم کے تحت ملک بھر کی یونیورسٹیوں، تحقیقی اداروں، کالجوں، بایوٹیک پارکس، بزنس اِنکیوبیٹرز اور ریاستی سائنس و ٹیکنالوجی اداروں میں بایو اِنکیوبیٹر قائم کیے جاتے ہیں۔
• بایوٹیکنالوجی اِگنیشن گرانٹ (بی آئی جی):بایوٹیکنالوجی اِگنیشن گرانٹ، بی آئی آر اے سی کا ایک اہم ابتدائی مرحلے کا مالی امدادی پروگرام ہے، جس کے تحت اختراعی خیالات کے ثبوتِ تصور کو قائم کرنے کے لیے اسٹارٹ اپس کو 18 ماہ کی مدت کے لیے 50 لاکھ روپے تک کی گرانٹ فراہم کی جاتی ہے۔ یہ اسکیم تکنیکی مشاورت، ضابطہ جاتی معاونت اور مارکیٹ روابط سمیت مکمل رہنمائی بھی فراہم کرتی ہے، تاکہ نئے خیالات کو قابلِ توسیع ٹیکنالوجیز میں تبدیل کیا جا سکے۔ بی آئی جی پروگرام کے تحت اب تک 1000 سے زائد اسٹارٹ اپس اور کاروباری افراد کی مدد کی جا چکی ہے۔
• ای-یووا (قدر افزائی شدہ اختراعی و منتقلی تحقیق کے لیے نوجوانوں کو بااختیار بنانا):یہ پہل ملک بھر کی یونیورسٹیوں اور تحقیقی اداروں میں ای-یووا مراکز کے قیام کے ذریعے طلبہ اور نوجوان محققین میں اختراع کو فروغ دیتی ہے۔ بی آئی آر اے سی نے 25 ریاستوں اور مرکز کے زیر انتظام علاقوں میں مجموعی طور پر 94 اِنکیوبیشن اور پری-اِنکیوبیشن مراکز قائم کیے ہیں۔ یہ مراکز مذکورہ دو اسکیموں کے تحت 3000 سے زائد اسٹارٹ اپس اور طلبہ کاروباری افراد کی معاونت کر رہے ہیں۔
• سَسٹین ایبل انٹرپرینیورشپ اینڈ انٹرپرائز ڈیولپمنٹ فنڈ:یہ فنڈ اسٹارٹ اپس کو ثبوتِ تصور سے ابتدائی تجارتی مرحلے تک منتقل ہونے میں سہولت فراہم کرتا ہے اور انہیں مزید سرمایہ کاری حاصل کرنے کے قابل بناتا ہے۔ اس کے تحت ہر اسٹارٹ اپ کو 30 لاکھ روپے تک کی ابتدائی ایکویٹی بنیاد پر مالی امداد دی جاتی ہے۔ اب تک اس سیڈ فنڈ کے ذریعے 153 بایوٹیک اسٹارٹ اپس کی معاونت کی جا چکی ہے۔
• انٹرپرینیورل ڈرِون افورڈیبل پروڈکٹس فنڈ:یہ فنڈ تصدیق شدہ ٹیکنالوجیز رکھنے والے اسٹارٹ اپس کو تجارتی کاری اور مارکیٹ میں داخلے کو تیز کرنے کے لیے فی اسٹارٹ اپ 100 لاکھ روپے تک کی ایکویٹی بنیاد پر امداد فراہم کرتا ہے۔ اس کے ذریعے توسیع، ضابطہ جاتی پیش رفت اور مینوفیکچرنگ تیاری میں مدد دی جاتی ہے۔ اب تک 62 بایوٹیک اسٹارٹ اپس کو اس اسکیم کے تحت معاونت دی جا چکی ہے، جس سے نجی سرمایہ کاری کو فروغ ملا ہے۔
• مصنوعات کیلئے سماجی اختراع پروگرام : سماجی صحت کے لیے کفایتی اور موزوں ٹیکنالوجی(اسپرش):یہ اقدام اہم سماجی چیلنجوں سے نمٹنے کے لیے بایوٹیکنالوجی حلوں سے فائدہ اٹھاتا ہے۔ یہ پروگرام ابتدائی مرحلے کے سماجی بایوٹیک اسٹارٹ اپس کو مالی امداد، رہنمائی، عملی تربیتی مواقع اور اِنکیوبیشن سپورٹ فراہم کرتا ہے، جبکہ ملک میں روزگار کے مواقع پیدا کرنے میں بھی مددگار ہے۔ اس پہل کے تحت فیلوشپ حاصل کرنے والوں کو ماہانہ 60,000 روپے وظیفہ، 10 لاکھ روپے تک کا منی کِک-اسٹارٹ گرانٹ، اور مینٹرشپ، لیبارٹری سہولیات، تربیتی پروگراموں، ضابطہ جاتی امور، دانشورانہ املاک کے انتظام اور تجارتی کاری میں ماہرین کی رہنمائی فراہم کی جاتی ہے۔

محکمۂ بایوٹیکنالوجی بایو ڈیزائن سے متعلق ایک پروگرام کی بھی معاونت کرتا ہے۔ یہ پروگرام ’’شناخت، ایجاد اور نفاذ‘‘ کے اصول پر کام کرتا ہے۔ اس میں طب اور انجینئرنگ پس منظر رکھنے والے ماہرین اور فیلو شامل ہوتے ہیں، جو عملی تربیتی پروگراموں کے ذریعے ضروریات کی نشاندہی کرتے ہیں اور پھر ان کے حل کے لیے آلات یا تکنیکی حل تیار کرتے ہیں۔ فیلو کو اسپن آف کے ذریعے ان حلوں کو عملی شکل دینے کی ترغیب دی جاتی ہے۔فی الحال ملک بھر میں چھ بایو ڈیزائن مراکز، جو 20 سے زائد ممتاز میڈیکل اسکولوں اور تکنیکی اداروں سے منسلک ہیں، بایو ڈیزائن کی صلاحیت سازی اور مقامی میڈ ٹیک اختراع کو فروغ دے رہے ہیں۔ اس پہل کے آغاز سے اب تک 250 سے زائد میڈ ٹیک اختراع کاروں کو تربیت دی جا چکی ہے اور 60 سے زیادہ اسٹارٹ اپس قائم کیے گئے ہیں۔

اس کے علاوہ، محکمۂ سائنس و ٹیکنالوجی (ڈی ایس ٹی) نے قومی اختراع ترقی و فروغ اقدام (این آئی ڈی ایچ آئی) پروگرام کے تحت ملک بھر کے تعلیمی اور تحقیقی اداروں میں اِنکیوبیشن مراکز قائم کیے ہیں۔ یہ مراکز تعلیمی و تحقیقی اداروں کی مہارت سے فائدہ اٹھاتے ہوئے سائنس و ٹیکنالوجی پر مبنی انٹرپرینیورشپ اور اسٹارٹ اپ ماحولیاتی نظام کو فروغ دیتے ہیں، اور اختراع کاروں، کاروباری افراد اور اسٹارٹ اپس کو تعاون فراہم کرتے ہیں۔

این آئی ڈی ایچ آئی ایک جامع پروگرام ہے جو اسٹارٹ اپس کو خیال سے کاروبار تک ہر مرحلے میں معاونت فراہم کرتا ہے۔ اس میں ابتدائی مرحلے کی مالی امداد، رہنمائی، سیڈ فنڈنگ اور ایکسیلیریٹر جیسے اجزاء شامل ہیں۔ اداروں کے لیے این آئی ڈی ایچ آئی ٹیکنالوجی بزنس اِنکیوبیٹر (ٹی بی آئی)، این آئی ڈی ایچ آئی اِنکلوسیو ٹیکنالوجی بزنس اِنکیوبیٹر (آئی ٹی بی آئی) اور این آئی ڈی ایچ آئی سینٹر آف ایکسیلنس جیسے پروگرام اسٹارٹ اپ اِنکیوبیٹروں کے قیام کے لیے آپریشنل اور سرمایہ جاتی معاونت فراہم کرتے ہیں۔

اس کے علاوہ حکومت کے دیگر محکمے اور وزارتیں، جیسے محکمۂ سائنسی و صنعتی تحقیق (ڈی ایس آئی آر)، وزارتِ تجارت و صنعت، وزارتِ خرد، چھوٹی و درمیانی صنعتیں (ایم ایس ایم ای)، وزارتِ زراعت و کسان بہبود، اور وزارتِ دفاع بھی بایوٹیکنالوجی سمیت مختلف تکنیکی شعبوں میں اسٹارٹ اپس کی معاونت کر رہے ہیں۔

ملکی بایوفارماسیوٹیکل شعبے کو مضبوط بنانے اور بایولوجکس اور بایوسِملرز میں عالمی مسابقت بڑھانے کے مقصد سے حکومت نے پانچ برسوں میں 10,000 کروڑ روپے کے بجٹ کے ساتھ ’’بایوفارما شکتی‘‘ اسکیم کا اعلان کیا ہے۔ اس کا مقصد بایولوجکس اور بایوسِملرز کے لیے عالمی معیار کا مقامی ماحولیاتی نظام تیار کرنا، ملک میں سستی صحت خدمات کو فروغ دینا اور بھارت کو عالمی بایوفارما مینوفیکچرنگ اور اختراعی مرکز کے طور پر ابھارنا ہے۔

سائنس ڈپلومیسی نہ صرف سائنسی شعبوں میں بلکہ مختلف ترقیاتی تعاون کے میدانوں میں بین الاقوامی شراکت داروں کے ساتھ قابلِ اعتماد تعلقات قائم کرنے کا بھی ایک اہم ذریعہ ہے۔ حکومت اہم شراکت دار ممالک اور بین الاقوامی تنظیموں کے ساتھ سائنسی سفارت کاری کو فروغ دینے کے لیے اختراعی طریقے اختیار کر رہی ہے۔حکومت نے سوئٹزرلینڈ، سویڈن، آسٹریلیا، نیدرلینڈز، بیلجیم، جرمنی، کینیڈا، جنوبی کوریا، برطانیہ اور امریکہ سمیت کئی ممالک کے ساتھ تحقیق و ترقی کی دوطرفہ شراکت داریوں کی حمایت کی ہے۔ یورپی یونین، برکس، جی20، ہیومن فرنٹیئر سائنس پروگرام (ایچ ایف ایس پی) اور یورپی مالیکیولر بایولوجی آرگنائزیشن (ای ایم بی او) کے ساتھ کثیر جہتی شراکت داریاں بھی قائم کی گئی ہیں۔وزارتِ سائنس و ٹیکنالوجی کے ذریعے حکومت نے گیٹس فاؤنڈیشن (امریکہ) اور ویلکم ٹرسٹ (برطانیہ) جیسے بین الاقوامی فلاحی اداروں کے ساتھ بھی شراکت داری کی ہے۔

محکمۂ بایوٹیکنالوجی مسابقتی تحقیقی گرانٹ نظام کے تحت پورے بھارت کے اداروں میں تحقیق، ترقی اور اختراعی منصوبوں کی معاونت کرتا ہے، جس میں نئے تحقیقی یا اختراعی مراکز کے قیام کی تجاویز بھی شامل ہیں۔

یہ معلومات وزیر مملکت برائے سائنس و ٹیکنالوجی اور ارضیاتی علوم (آزادانہ چارج) ڈاکٹر جتیندر سنگھ نے آج لوک سبھا میں ایک سوال کے تحریری جواب میں فراہم کیں۔

******

 

ش ح۔ک ا۔  ش ب ن

U-NO.6893

 

(ریلیز آئی ڈی: 2259704) وزیٹر کاؤنٹر : 9