نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ (این آئی پی ای آر) رائے بریلی نے تحقیق ، اختراع اور ٹیکنالوجی کو تجارتی شکل دینے میں کثیر جہتی تال میل کو فروغ دینے کے لیے لوفٹی لیبارٹریز ، حیدرآباد کے ساتھ مفاہمت نامے (ایم او یو) رازدارانہ انکشاف کا معاہدہ (سی ڈی اے) اور ٹیکنالوجی کی منتقلی کے معاہدے پر دستخط کیے ہیں ۔

یہ مفاہمت نامہ ادویہ و  بائیوٹیکنالوجی کی تحقیق کو فروغ دینے کے مقصد سے تعلیمی و صنعت شراکت داری کو مضبوط کرنے کی سمت میں اہم قدم ہے ۔  معاہدوں پردستخط کی تقریب کے دوران ، دونوں تنظیموں نے مزید کمرشیلائزیشن اور ترقی کے لیے این آئی پی ای آر-رائے بریلی میں تیار کردہ صنعت کی ٹیکنالوجی کو اپنانے پر اتفاق کیا ۔  اس مفاہمت میں باہمی دلچسپی کے شعبوں میں تحقیق و ترقی کی سرگرمیوں میں مشترکہ شرکت بھی شامل ہوگی ۔

اس موقع پر خطاب کرتے ہوئے ، این آئی پی ای آر-رائے بریلی کی ڈائریکٹر پروفیسر شبھینی اے صراف نے کہا کہ مفاہمت نامہ اور ٹیکنالوجی کی منتقلی کا معاہدہ دونوں اداروں کو متعدد طریقوں سے ایک دوسرے کے تحقیقی پروگراموں کی تکمیل کرنے کے قابل بنائے گا ، جس میں انسٹی ٹیوٹ کے سینٹر آف ایکسی لینس آن نوول ڈرگ ڈیلیوری سسٹمز (سی او ای-این ڈی ڈی ایس) کی سرگرمیوں میں باہمی تعاون بھی شامل ہے ۔

پروفیسر شبھینی اے صراف نے سی او ای میں تیار کردہ ٹیکنالوجی کی اہمیت پر بھی روشنی ڈالی اور امید ظاہر کی کہ سال کے آخر تک انسٹی ٹیوٹ کی مزید ٹیکنالوجیز منتقلی کے لیے تیار ہو جائیں گی ۔

اجتماع سے خطاب کرتے ہوئے ، پروفیسر نہار رنجن ، سربراہ ، سی او ای-این ڈی ڈی ایس نے وضاحت کی کہ موجودہ ٹیکنالوجی کے کمرشیلائزیشن سے جیل اسٹیننگ ایجنٹ کی لاگت میں نمایاں کمی آئے گی ، جو دنیا بھر میں حیاتیات سے متعلق تحقیق میں بڑے پیمانے پر استعمال ہوتے ہیں ، خاص طور پر جینیات، کینسر اور دیگر نیوکلک ایسڈ سے متعلق بیماریوں سے متعلق مطالعات میں استعمال ہوتا ہے ۔  انہوں نے مزید کہا کہ اس طرح کے نئے جیل اسٹیننگ ایجنٹ کی مقامی پیداوار ہندوستان کے دواسازی اور بائیوٹیکنالوجی کے شعبوں کو مضبوط بنانے میں خاطر خواہ تعاون کرے گی ۔

********

) ش ح ۔ م ش ع۔م ر)

U.No. 6815

(ریلیز آئی ڈی: 2259076) وزیٹر کاؤنٹر : 11