دفاعی تحقیق و ترقی کی تنظیم (ڈی آر ڈی او) نے 6 مئی ، 2026 ء کو دلّی کے براڑی میدانی علاقوں میں کیمیائی ، حیاتیاتی ، ریڈیو لوجیکل اور نیوکلیئر (سی بی آر این) فیلڈ ٹریننگ اور مظاہرے کے مرکز کا آغاز کیا ہے ۔ اس مرکز کا افتتاح محکمہ دفاع کے تحقیق و ترقی کے سکریٹری اور ڈی آر ڈی او کے چیئرمین ڈاکٹر سمیر وی کامت نے کیا  ۔  اس مرکز کا مقصد  ، ریڈیو لوجیکل اور  نیو کلیائی ضروریات کے لیے تیاریوں کو مزید بڑھانا ہے ۔

تربیت اور مظاہرے کا مرکز ایک منفرد ڈی آر ڈی او-سی بی آر این-سینٹر آف ایکسی لینس ہوگا  ، جس میں مختلف جدید ترین سہولیات شامل ہوں  ۔ ان میں ایمرجنسی میڈیکل رسپانس اور ریئل ٹائم فیلڈ رسپانس یونٹس کے ساتھ ڈیڈیکیٹڈ ریڈیو لوجیکل اور نیوکلیئر ٹیسٹ بیڈ کی سہولت اور ہیوی آئن ریسرچ کی سہولت شامل ہیں ۔

یہ مرکز انسٹی ٹیوٹ آف نیوکلیئر میڈیسن اینڈ الائیڈ سائنسز (آئی این ایم اے ایس) کے تحت آنے والے سی بی آر این سینٹر آف ایکسی لینس کا حصہ ہے اور وزارت دفاع ، وزارت داخلہ ، نیشنل ڈزاسٹر مینجمنٹ اتھارٹی اور سی بی آر این کی ہنگامی تیاریوں اور بحران سے نمٹنے میں شامل مختلف دیگر ایجنسیوں کی موثر تربیت کے لیے وقف ہے ۔ تربیت اور ورکشاپس کے ذریعے ، آئی این ایم اے ایس ماہرین کی اگلی نسل کے کام کو فرنٹ لائن تک لے جانے کے ساتھ ساتھ جدید ترین تکنیکوں اور ٹیکنالوجیز کو متعارف کروا کر افزودگی کو یقینی بنانے کے لیے تیار کرے گا ۔

افتتاحی تقریب میں ڈائریکٹر جنرل سولجر سپورٹ سسٹم ڈاکٹر اوپیندر کمار سنگھ ؛ ڈائریکٹر جنرل (پروڈکشن کوآرڈینیشن اینڈ سروسز انٹرایکشن) ڈاکٹر (محترمہ) چندریکا کوشک ؛ ڈائریکٹر جنرل ریسورس اینڈ مینجمنٹ ڈاکٹر رویندر سنگھ اور کارپوریٹ ڈائریکٹرز کے علاوہ دیگر معززین اور سائنسدانوں نے شرکت کی ۔

 

***

 ش ح – ا ع خ  -  ع ا 

U.No. 6720

(ریلیز آئی ڈی: 2258479) وزیٹر کاؤنٹر : 15