মালেমগী ইনভেস্তরশিংগা উন্নবগী শরুক অমা ওইনা, ভারত সরকারগী এজুকেসন মন্ত্রালয়না ঙসি পেরিসতা ভারত ইন্নোভেৎ ২০২৬ উৎনবা রোদশো অমা পাংথোকখ্রে। ফ্রান্সকী নিসতা জুন ১৪-১৬ ফাওবদা পাংথোক্কদৌরিবা ভারত ইন্নোভেৎস ইনিসি‌এতিব অসিনা ভারতকী দিপ-তেক স্তার্ত-অপশিং অমসুং হায়র এজুকেসন ইন্নোভেসন ইকোসিস্তেম অসি মালেমগী ইনভেস্তরশিং, কোর্পোরেৎশিং, য়ুনিভর্সিতীশিং অমসুং রিসর্চ ইন্সতিত্যুসনশিংগা শম্নহন্নবা পান্দম থম্লি।

পেরিস রোদশো অসি মপুং ওইবা থৌরম অসিগী প্রি-কর্জর অমনি, মসিদা এজুকেসন মন্ত্রালয়, ভারত সরকার, পেরিসতা লৈবা ভারতকী এম্বেসরী, কনফেদরেসন ওফ ইন্দিয়ন ইন্দস্ত্রী অমসুং তোঙান তোঙানবা স্তেকহোল্দরশিংগী মীহুৎ ৫০ হেন্না শরুক য়াখি। শরুক য়ারিবশিংগী মনুংদা ফ্রান্সকী ললোন-ইতিক অমসুং ইন্নোভেসন ইকোসিস্তেমশিং হায়বদি লা ফ্রেঞ্চ তেক, ভিভা তেক অমসুং ফ্রান্সকী মরুওইবা এজুকেসন ইন্সতিত্যুসনশিং য়াওরি। ই.এস.সি.পি. বিজিনেস স্কুল, ই.এস.ই.সি.সি., ফ্রান্স, আই.এন.আর.আই.এ., ইকোল নোরমেলে সুপেরিইয়ুরে, এজেন্সী ফ্রেঞ্চে দি দিবেলপমেন্ত, ইন্দো-ফ্রেঞ্চ চেম্বর ওফ কম্মর্স অমসুং অতোপ্পা ভেঞ্চর, এদভাইজরী, লিগেল, ইন্দস্ত্রী অমসুং স্তার্ত-অপ নেৎৱার্কশিং অসিগুম্বা ওর্গনাইজেসনশিংগী মকোক থোংবা মীহুৎশিংসু থৌরম অদুদা শরুক য়াখি।

রোদশো অসিগী পান্দমদি ভারত ইন্নোভেৎস ২০২৬গা মরী লৈনবা স্কোপ, পান্দম অমসুং ইনভেস্তমেন্তগী খুদোংচাবশিংগী মতাংদা পোতেন্সিএল ইনভেস্তরশিং অমসুং পার্তনরশিংদা পাউদম্নবা প্লেৎফোর্ম অমা ওইনা মথৌ তৌবনি।

মীয়াম তিনখিবা অদুদা ৱা ঙাংলদুনা এজুকেসন মন্ত্রালয়গী জোইন্ত সেক্রেতরী, শ্রী কে. এম. প্রফুল্লচন্দ্র শর্মানা ভারত ইন্নোভেৎ ২০২৬গী মরুওইবা অদু ময়েক শেংনা ফোংদোকখি, ভারত-ফ্রান্স স্পেসিএল গ্লোবেল স্ত্রেতেজিক পার্তনরশিপকী মতাংদা ইন্তর্নেস্নেল কোলাবোরেসনবু মপাঙ্গল কনখৎহনবদা মরুওইনা ফোংদোকখি।

এজুকেসন মন্ত্রালয়গী জোইন্ত সেক্রেতরী শ্রী গোবিন্দ জয়সৱালনা ভারত ইন্নোভেৎস ২০২৬কী মতাংদা প্রজেন্তেসন অমা পীখি অমসুং মহাক্না ফ্রেঞ্চ অমসুং গ্লোবেল ইনভেস্তরশিংনা ভারতকী ইন্নোভেসন ইকোসিস্তেম অসি য়াম্না থুনা পাকথোক চাউথোকহনবদা শরুক য়াবগী খুদোংচাবা অদু পনখি।

রোদ শো অদুগী মনুংদা, ভারত ইন্নোভেৎসকী মীৎয়েং অসি এদভান্স কম্প্যুতিং, সেমিকন্দক্তরশিং, নেক্স-জেন কম্ম্যুনিকেসনশিং, এদভান্স মেতরিএলশিং অমসুং ক্রিতিকেল মিনরেলশিং, বাইওতেক্নোলোজী, স্পেস অমসুং দিফেন্স, মেন্যুফেকচরিং অমসুং ইন্দস্ত্রী ৪.০ অসিনচিংবা ফ্রন্তিয়র তেক্নোলোজী সেক্তর ১৩দা ইন্নোভেতরশিং, ইন্সতিত্যুসনশিং/একাদেমিয়া, ইনভেস্তরশিং অমসুং ইন্দস্ত্রীগী মরক্তা লৈরিবা থোং অসি মপাঙ্গল কনখৎহন্নবা পান্দমদা থম্লি হায়না পনখি।

ভারত ইন্নোভেৎস ২০২৬কী ইনভেস্তরদা মীৎয়েং থম্বা স্ত্রকচর অদুসু প্রজেন্ত তৌখি। কনক্লেব অসিনা মালেমগী ইনভেস্তরশিংগীদমক ক্যুরেৎ তৌরবা ৱান-তু-ৱান মেৎচমেকিং সেসনশিং, সেক্তর-স্পেসিফিক দিস্কসনশিং অমসুং স্তার্তঅপ শক্তমশিং উৎতুনা অৱাংবা ভেল্যু, মতম কান্নবা এঙ্গেজমেন্ত ফংহনগনি হায়না থাজবা থমখি।

রোদশো অসি ইন্তরেক্তিব ওইবা ৱাহং-পাউহংগী সেসন অমগা লোয়ননা লোইশিনখি। মসিনা শরুক য়ারিবশিংদা ভারতকী মীহুৎ কাংবুগা হকথেংননা ৱারী শানবদা অমসুং ইন্নোভেসন, রিসর্চ, ইনভেস্তমেন্ত অমসুং মার্কেৎ এক্সেসকী লমদা ওইথোকপা য়াবা পার্তনরশিপশিং থিজিনবদা মতেং পাংখি।

ইনভেস্তরশিং, কোর্পোরেৎ লিদরশিং, একাদমিক ইন্সতিত্যুসনশিং, ইন্নোভেসন প্লেৎফোর্মশিং, তেক্নোলোজী কম্পনীশিং অমসুং ইন্দো-ফ্রেঞ্চ বিজিনেস এসোসিএসনশিং শরুক য়াখিবা অসিনা ভারত ইন্নোভেৎস ২০২৬তা পুক্নিং চিংশিনখি অমসুং ভারতকী হায়র এজুকেসন ইন্নোভেসন ইকোসিস্তেম অমসুং গ্লোবেল স্তেকহোল্দরশিংগী মরক্তা পার্তনরশিপ শেমগৎনবা রোদশোগী পান্দম অদু ময়েক শেংখি।

ভারত ইন্নোভেৎস ইনিসিএতিব অসি ২০২৬গী ফেব্রুৱারী ১৭তা ভারত-ফ্রান্স ইন্নোভেসন ইয়ার হৌদোকপগী থৌরমদা ভারতকী প্রধান মন্ত্রীনা ফ্রেন্সকী রাস্ত্রপতিগা লোয়ননা লাউথোকখি।

ভারত ইন্নোভেৎস ২০২৬ অসি ভারতকী মহৈ-মশিং তম্বগী ইকোসিস্তেমগীদমক গ্লোবেল এক্সেলরেতর অমা ওইনা পান্দম থম্লি। মসিনা ভারতকী য়ুনিভর্সিতীনা লুচিংবা ইন্নোভেসনশিং অসি লেবতগী কৈথেলদা অমসুং ভারত্তগী মালেমদা পুশিল্লগনি। মসি ২০২৬গী জুন ১৪-১৬ ফাওবা ফ্রান্সকী নিসতা লৈবা পালাইস দেস এক্সপোজিসনদা পাংথোক্কনি।

পেরিসকী রোদশো অসিনা নিসতা অরোইবা শোকেসকী মাংওইননা গ্লোবেল ইন্তরেস্ত অমসুং ইনভেস্তরশিং শরুক য়াহনবদা মরু ওইবা খোঙথাং অমা ওইখি।

***

(রিলিজ আই.দি.: 2258305) ভিজিতর কাউন্তর : 6