صنعت و داخلی تجارت کے فروغ کے محکمہ (ڈی پی آئی آئی ٹی) نے چیمبر انڈیا کے ساتھ ایک مفاہمت نامے (ایم او یو) پر دستخط کیے ہیں، جس کا مقصد ہندوستان کے اسٹارٹ اپ ماحولیاتی نظام کو مضبوط بنانا اور اختراع پر مبنی ترقی کو فروغ دینا ہے۔

اس شراکت داری کا مقصد اسٹارٹ اپس، کارپوریٹ اداروں، سرمایہ کاروں اور عالمی شراکت داروں کے درمیان رابطوں کو فروغ دینا ہے، ساتھ ہی بین الاقوامی روابط اور سرحد پار تعاون کو آسان بنانا بھی شامل ہے۔ اس کے علاوہ یہ اشتراک قومی پروگراموں کے مطابق مختلف اقدامات کے ذریعے اسٹارٹ اپس کی مدد کرے گا اور ہنر مندی، صحت، زراعت اور ابھرتی ہوئی ٹیکنالوجی جیسے اہم شعبوں میں کاروباری سرگرمیوں کو فروغ دے گا۔

اس تعاون کے تحت ڈی پی آئی آئی ٹی سے تسلیم شدہ اسٹارٹ اپس کو چیمبر کی رکنیت میں 50 فیصد رعایت دی جائے گی، جس کے ذریعے انہیں برآمدات میں سہولت، دانشورانہ املاک کے حقوق (آئی پی آر) سے متعلق مشاورت، کاروباری روابط کے مواقع اور عالمی وفود میں شرکت جیسی خدمات تک رسائی حاصل ہوگی۔

چیمبر انڈیا ملک بھر میں پانچ انکیوبیشن اور اسٹارٹ اپ سپورٹ مراکز قائم کرنے کے لیے بھی کام کرے گا، جن میں خاص طور پر پسماندہ اضلاع، شمال مشرقی ریاستوں اور دیگر ابھرتے ہوئے علاقوں پر توجہ دی جائے گی، تاکہ ہمہ گیر اور متوازن ترقی کو فروغ دیا جا سکے۔

************

ش ح ۔   م  د ۔  م  ص

(U :6523  )

(ریلیز آئی ڈی: 2257103) وزیٹر کاؤنٹر : 6