سڑک نقل و حمل اور شاہراہوں کے مرکزی وزیر جناب نتن گڈکری نے آج نئی دہلی کے بھارت منڈپم میں وزیر مملکت جناب اجے تمٹا ، جناب ہرش ملہوترا اور سینئر عہدیداروں کے ساتھ ‘‘لچیلی پہاڑی سڑکوں کے لیے مٹی کے تودے کھسکنے کے تدارک کے اقدامات’’ پرمنعقد ورکشاپ سے خطاب کیا۔

جناب نتن گڈکری نے اس بات پر روشنی ڈالی کہ پیچیدہ خطوں ، ڈھلوان کے عدم استحکام اور بار بار آنے والی قدرتی آفات بشمول مٹی کے تودے کھسکنے ، بادل پھٹنے اور زلزلوں کی وجہ سے جغرافیائی طور پر نازک ہمالیائی خطے میں آب و ہوا کےکے لیے ساز گار سڑک بنیادی ڈھانچے کی ترقی ایک بڑا چیلنج بنی ہوئی ہے ۔  انہوں نے اس بات پر زور دیا کہ عالمی بہترین طور طریقوں اور جدید ٹیکنالوجی کو اپنانے کے ذریعے مسلسل کوششیں کی جا رہی ہیں ۔

وزیر موصوف نے بتایا کہ اہم اقدامات میں اتراکھنڈ اور اروناچل پردیش میں مٹی کے تودے کھسکنے کے واقعات سےخصوصی طور پر نمٹنے کے لیے ٹی ایچ ڈی سی انڈیا لمیٹڈ کے ساتھ مفاہمت نامے ، جیوگرافیائی خطرہ کم کرنے کے لیے ڈیفنس جیوفارمیٹکس ریسرچ اسٹیبلشمنٹ اور ارضیاتی تحقیقات اور سرنگ اور کوریڈور پروجیکٹوں کے لیے ڈیٹا شیئرنگ کے لیے جیولوجیکل سروے آف انڈیا شامل ہیں ۔  نیشنل انسٹی ٹیوٹ آف راک میکینکس کے ساتھ تعاون میں جیو ٹیکنیکل جانچ پڑتال ، ڈیزائن کی توثیق ، ٹنل سیفٹی آڈٹ ، آلات کی نگرانی اور صلاحیت سازی پر  خاص توجہ دی گئی ہے ۔

انہوں نے مزید کہا کہ طویل مدتی حفاظت اور استحکام کو یقینی بنانے کے لیے پہاڑی علاقوں میں سڑک کی تعمیر شروع کرنے سے پہلے ڈھلان کو مستحکم کرنے کو ترجیح دینے کے لیے ایک پالیسی فیصلہ لیا گیا ہے ۔  ریئل ٹائم نگرانی کے نظام کا استعمال کرتے ہوئے پہاڑیوں کے عدم استحکام سے متعلق رہنما خطوط تیار کرنے کے لیے انڈین انسٹی ٹیوٹ آف ٹیکنالوجی رُڑکی کو بھی مدد فراہم کی جا رہی ہے ۔  مزید برآں ، اتراکھنڈ میں چاردھام روٹ کے 100 کلومیٹر کے حصے میں ان سار پر مبنی لینڈ سلائیڈنگ مانیٹرنگ اور پیشگی انتباہی نظام  کی تعیناتی کے لیے ایک مفاہمت نامے پر دستخط کیے گئے ہیں ۔

جناب گڈکری نے اس بات پر بھی زور دیا کہ ڈی پی آر کی تیاری میں لینڈ سلائیڈنگ کی حساسیت کی نقشہ سازی اور تاریخی ڈیٹا کو مربوط کرتے ہوئے لیڈار اور یو اے وی جیسی جدید ٹیکنالوجیز کا استعمال کرتے ہوئے وسیع ٹپوگرافیکل سروے کیے جا رہے ہیں ۔  انہوں نے پہاڑی علاقوں میں محفوظ ، ہموار اور پائیدار شاہراہوں کی تعمیر کے لیے مودی حکومت کے عزم کا اعادہ کیا ۔

 

  **********

ش ح۔ ک ح۔ت ا

U. No- 6511

(ریلیز آئی ڈی: 2256989) وزیٹر کاؤنٹر : 10