اقلیتی امور کی وزارت کے سکریٹری ڈاکٹر سری وتسا کرشنا نے آج حکومتِ کرناٹک کے ساتھ وزارت کی مختلف اہم اسکیموں بشمول پی ایم جے وی کے، پی ایم وکاس، اسکالرشپس، امید اور سماجی و اقتصادی بااختیاری اور بنیادی ڈھانچے کی ترقی کے لیے شروع کیے گئے دیگر اقدامات کے نفاذ اور پیش رفت پر ایک جامع جائزہ میٹنگ کی صدارت کی۔

اس میٹنگ کے دوران، حکومتِ کرناٹک کی سکریٹری، ڈاکٹر شاملا اقبال نے وزارتِ اقلیتی امور کی اسکیموں کے تحت ریاستی حکومت کی جانب سے کیے جانے والے اقدامات کا تفصیلی جائزہ پیش کیا۔ اس بات چیت میں منصوبوں کی تکمیل میں تیزی لانے، رسائی کو بہتر بنانے اور اس بات کو یقینی بنانے پر خاص توجہ دی گئی کہ اسکیموں کے فوائد بروقت اور شفاف طریقے سے نچلی سطح تک پہنچیں۔

ڈاکٹر سری وتسا کرشنا نے تمام متعلقہ حکام کو جاری منصوبوں میں تیزی لانے کی ہدایت دی اور ریاستی حکومت کی حوصلہ افزائی کی کہ وہ وزارت کی مختلف اسکیموں کے تحت نئے منصوبوں کے لیے جدید اور اثر انگیز تجاویز کے ساتھ آگے آئیں۔ انہوں نے جامع ترقی کے حصول اور تعلیم، مہارت کے فروغ، بنیادی ڈھانچے اور فلاحی اقدامات کے ذریعے اقلیتی برادریوں کو بااختیار بنانے کے لیے مرکز اور ریاست کے درمیان ہم آہنگی کی اہمیت پر زور دیا۔

اس میٹنگ میں جوائنٹ سکریٹری جناب رام سنگھ اور جناب شیاما پرساد رائے، ڈائریکٹر محترمہ نیہا گری اور وزارتِ اقلیتی امور اور حکومتِ کرناٹک کے سینئر حکام بھی موجود تھے۔

*****

ش ح۔ ک ح۔ت ا

U. No- 6496

(ریلیز آئی ڈی: 2256912) وزیٹر کاؤنٹر : 17