ملک میں فوڈ پروسیسنگ انڈسٹریز کے لیے پروڈکشن لنکڈ انسینٹیو (پی ایل آئی ایس ایف پی آئی) اسکیم کے تحت شعبہ وار اور زمرہ وار مستفید ہونے والوں / منظور شدہ درخواستوں کی تعداد، 31دسمبر2025 تک حسب ذیل ہے:

 

 

مورخہ 31 دسمبر 2025 تک ملک میں فوڈ پروسیسنگ انڈسٹریز کے لیے پروڈکشن لنکڈ انسینٹیو (پی ایل آئی ایس ایف پی آئی) اسکیم کے تحت منظور شدہ درخواست دہندگان نے مجموعی طور پر تقریباً 9207 کروڑ روپے کی سرمایہ کاری کی ہے۔ اس اسکیم کے تحت تقریباً 35 لاکھ میٹرک ٹن سالانہ پروسیسنگ اور پریزرویشن کی صلاحیت پیدا کی گئی ہے۔ اب تک 2714.79 کروڑ روپے کی مجموعی ترغیبی رقم جاری کی جا چکی ہے۔

پی ایل آئی ایس ایف پی آئی اسکیم کے تحت منظور شدہ 168 درخواست دہندگان میں سے 69 کا تعلق مائیکرو، اسمال اور میڈیم انٹرپرائزز (ایم ایس ایم ایز) کے زمرے سے ہے۔ اس کے علاوہ، مرکزی طورپر منظور شدہ درخواست دہندگان کی 40 کنٹریکٹ مینوفیکچرنگ یونٹس بھی ایم ایس ایم ایز کے تحت آتی ہیں۔ مزید یہ کہ 2 درخواست دہندگان کوآپریٹو سیکٹر سے، 2 نئے/جدید فوڈ پروڈکٹس کے شعبے سے، جبکہ 13 درخواست دہندگان آرگینک (نامیاتی) سیکٹر سے تعلق رکھتے ہیں۔

اس اسکیم کے بنیادی مقاصد میں عالمی معیار کے فوڈ مینوفیکچرنگ ادارے قائم کرنا، بھارتی فوڈ مصنوعات کے عالمی برانڈز کو فروغ دینا، دیہی علاقوں سے باہر روزگار کے مواقع بڑھانا، زرعی پیداوار کے لیے بہتر قیمتیں یقینی بنانا اور کسانوں کی آمدنی میں اضافہ شامل ہے۔ پی ایل آئی ایس ایف پی آئی کے تحت مراعات تب ہی قابلِ ادائیگی ہوتی ہیں جب متعلقہ فوڈ مصنوعات کی مکمل مینوفیکچرنگ چین، بشمول ابتدائی پروسیسنگ، بھارت میں انجام دی جائے۔ اس کے علاوہ منظور شدہ مستفیدین کو بیرونِ ملک برانڈنگ اور مارکیٹنگ کے فروغ کے لیے بھی مراعات فراہم کی جاتی ہیں۔

یہ معلومات فوڈ پروسیسنگ انڈسٹریزکےوزیر مملکت جناب رونیت سنگھ نے آج راجیہ سبھا میں ایک تحریری جواب کے ذریعے فراہم کیں۔

********

) ش ح ۔ م م۔ش ب ن)

U.No. 6339

(ریلیز آئی ڈی: 2255816) وزیٹر کاؤنٹر : 12